ರುಚಿಕರ ಮತ್ತು ಆರೋಗ್ಯಕ್ಕೆ ಹಿತಕರ ಪಾಲಕ್ ರೈಸ್ ರೆಸಿಪಿ

Rice

oi-Praveen Chandra

By Praveen Chandra

Published: Thursday, June 30, 2011, 14:26 [IST]

ಟಿಫಿನ್ ಬಾಕ್ಸ್ ಗೆ ಜಟಾಪಟ್ ಅಡುಗೆ ಮಾಡುವರು ನೀವಾಗಿದ್ದರೆ ನಿಮ್ಮ ವೀಕ್ಲಿ ಶೆಡ್ಯೂಲ್ ನಲ್ಲಿ ಪಾಲಕ್ ಅಥವಾ ಸ್ಪಿನಾಚ್ ಅನ್ನ ಮಿಸ್ ಮಾಡಿಕೊಳ್ಳಬೇಡಿ. ಪಾಲಕ್ ಸೊಪ್ಪಿನಲ್ಲಿ ವಿಟಮಿನ್ ಮತ್ತು ಕಬ್ಬಿಣಾಂಶಗಳು ಹೇರಳವಾಗಿವೆ. ಆರೋಗ್ಯ ಮತ್ತು ರುಚಿ ವಿಷಯದಲ್ಲಿ ನಿಮ್ಮ ಮಕ್ಕಳಿಗೆ ಪಾಲಕ್ ಅನ್ನ ಯಾವತ್ತಿಗೂ ಚೆನ್ನ. ನೀವು ಮನೆಯಲ್ಲಿ ಸುಲಭವಾಗಿ ಮಾಡುವ ತಿಂಡಿಗಳಲ್ಲಿ ಪಾಲಕ್ ಗೂ ಸ್ವಲ್ಪ ಸ್ಥಳ ಮೀಸಲಿಡಿ. ಮಾಡೋದು ಹೇಗೆ ಅಂತಿರಾ? ಓದಿ

ಬೇಕಾಗುವ ಪದಾರ್ಥಗಳು
* 2 ಕಪ್ ಬೇಯಿಸಿದ ಅನ್ನ
* 1 ಕಪ್ ಪಾಲಕ್ ಸೊಪ್ಪು(ನುಣ್ಣಗೆ ಪೀಸ್ ಮಾಡಿ)
* ಒಂದು ದೊಡ್ಡ ಈರುಳ್ಳಿ
* 3-4 ಮೆಣಸು
* ಕೊಂಚ ದಾಲ್ಚಿನಿ
* ಒಂದೆರಡು ಹಸಿಮೆಣಸಿನಕಾಯಿ
* ಒಂದು ಟೀಸ್ಪೂನ್ ಸಾಸಿವೆ
* ಒಂದು ಟೀಸ್ಪೂನ್ ಜೀರಿಗೆ
* ಅರ್ಧಕಪ್ ಗೋಡಂಬಿ
* ಒಂದೆರಡು ಲವಂಗ
* ಉಪ್ಪು ರುಚಿಗೆ ತಕ್ಕಷ್ಟು
* ಎರಡು ಟೀಸ್ಪೂನ್ ಎಣ್ಣೆ
* ಒಂದು ನಿಂಬೆ

ಹೀಗೆ ಮಾಡಿ
ಒಂದು ಬಾಣಲೆಯಲ್ಲಿ ಎಣ್ಣೆ ಬಿಸಿಮಾಡಿ. ಅದಕ್ಕೆ ಸಾಸಿವಿ, ಜೀರಿಗೆ, ಮೆಣಸು, ಹಚ್ಚಿದ ಈರುಳ್ಳಿ ಹಾಕಿ. ಕೆಲವು ನಿಮಿಷಗಳ ಕಾಲ ಫ್ರೈಮಾಡಿರಿ. ನಂತರ ಚಿಕ್ಕದಾಗಿ ಹೆಚ್ಚಿದ ಪಾಲಕ್ ಹಾಕಿ ಸ್ವಲ್ಪಹೊತ್ತು ಫ್ರೈಮಾಡಿರಿ. ನಂತರ ಅರ್ಧ ಗ್ಲಾಸ್ ನೀರು ಹಾಕಿ. ನೀರು ಪೂರ್ತಿ ಆವಿಯಾಗುವರೆಗೆ ಕಾಯಿರಿ.

ಲವಂಗ, ದಾಲ್ಚಿನ್ನಿ ಮತ್ತು ಗೊಡಂಬಿಯನ್ನು ಪೇಸ್ಟ್ ಮಾಡಿ. ಪ್ರತ್ಯೇಕ ಬಾಣಲೆಯಲ್ಲಿ ಕೊಂಚ ಎಣ್ಣೆಹಾಕಿ ಫ್ರೈಮಾಡಿ. ಅದನ್ನು ಈ ಹಿಂದೆ ಮಾಡಿದ ಪಾಲಕ್ ಮಿಶ್ರಣದೊಂದಿಗೆ ಹಾಕಿ. ಚೆನ್ನಾಗಿ ಕದಡಿಸಿ ನಂತರ ಒಲೆಯಿಂದ ತೆಗೆದು ತಣಿಯಲು ಬಿಡಿ. ನಂತರ ಪಾಲಕ್ ಮಸಾಲೆಗೆ ಅನ್ನವನ್ನು ಮಿಶ್ರಣ ಮಾಡಿ. ಪಾಲಕ್ ಅನ್ನ ರೆಡಿ.