ಘಮಘಮಿಸುವ ಬಾಸುಮತಿ ಘೀ ರೈಸ್

ಬೇಕಾಗುವ ಪದಾರ್ಥಗಳು

ಬಾಸುಮತಿ ಅಕ್ಕಿ 3 ಕಪ್
ಈರುಳ್ಳಿ 2 ಸಣ್ಣಗಾತ್ರದ್ದು
ಏಲಕ್ಕಿ 4
ಲವಂಗ 5
ದಾಲ್ಚಿನ್ನಿ ಚೆಕ್ಕೆಗಳು
ತುಪ್ಪ 1/4 ಕಪ್

ತಯಾರಿಸುವ ವಿಧಾನ

* ಅಕ್ಕಿಯನ್ನು ಚೆನ್ನಾಗಿ ತೊಳೆದು ಬಸಿದು, ಒಂದು ದೊಡ್ಡ ಪಾತ್ರೆಯಲ್ಲಿ ಎರಡು ಚಮಚ ತುಪ್ಪ ಹಾಕಿ ನಾಲ್ಕೈದು ನಿಮಿಷ ಸಣ್ಣ ಉರಿಯಲ್ಲಿ ಫ್ರೈ ಮಾಡಿ ಒಂದು ಪಕ್ಕಕ್ಕೆ ತೆಗೆದಿಡಿ.

* ಇನ್ನೊಂದು ಸಣ್ಣ ಪಾತ್ರೆಯಲ್ಲಿ ಒಂದು ಚಮಚದಷ್ಟು ಎಣ್ಣೆ ಹಾಕಿ ಏಲಕ್ಕಿ, ಲವಂಗ, ದಾಲ್ಚಿನ್ನಿ ಹಾಕಿ ಚಟಪಟ ಅನ್ನುವರೆಗೆ ತಾಳಿಸಿರಿ. ಅದಕ್ಕೆ ಉದ್ದುದ್ದ ಹೆಚ್ಚಿಟ್ಟುಕೊಂಡು ಈರುಳ್ಳಿಯನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಮತ್ತೆ ಕೈಯಾಡಿಸಿ.

* ಕುಕ್ಕರ್ ನಲ್ಲಿ ಹುರಿದಿಟ್ಟ ಬಾಸುಮತಿ ಅಕ್ಕಿ, ತಾಳಿಸಿಕೊಂಡ ಮೇಲಿನ ಪದಾರ್ಥ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ಐದು ಕಪ್ಪಿನಷ್ಟು ನೀರು ಸೇರಿಸಿ ಸ್ಟೌ ಹೊತ್ತಿಸಿ.

* ಕುಕ್ಕರ್ ಇಳಿಸಿದ ನಂತರ ಘಮಘಮಿಸುವ ಘೀ ರೈಸನ್ನು ತರಕಾರಿ ಕೂರ್ಮಾದೊಡನೆ ಬಡಿಸಿರಿ. ಬೇಕಿದ್ದರೆ ಟೊಮೇಟೊ ಚಿಲ್ಲಿ ಸಾಸ್ ಕೂಡ ತಿನ್ನಲು ಬಳಸಬಹುದು.