ರೆಸಿಪಿ ಟಿಪ್ಸ್: ಪೂರಿ ಚೆನ್ನಾಗಿ ಉಬ್ಬಿಕೊಂಡು, ಗರಿಗರಿಯಾಗಿರಲು ಯಾವ ಸಾಮಗ್ರಿ ಹಾಕಬೇಕು?

ನೀವು ರೆಸ್ಟೋರೆಂಟ್‌ಗಳಲ್ಲಿ ಪೂರಿ ಸವಿಯುವಾಗ ಅದು ಬಾಲ್ ರೀತಿ ಉಬ್ಬಿಕೊಂಡು ಅಷ್ಟೇ ತೆಳುವಾಗಿ ಇರುತ್ತದೆ. ಅದನ್ನು ಮುರಿದು ಬಾಯಿಗೆ ಹಾಕುವಾಗ ತುಂಬಾ ಚೆನ್ನಾಗಿರುತ್ತದೆ. ಅಲ್ಲದೆ ಉಬ್ಬಿಕೊಂಡಿರುವ ಪೂರಿ ಗರಿಗರಿಯಾಗಿರುತ್ತದೆ.

ಅದನ್ನು ತಿನ್ನುವಾಗ ಅರೇ ನಮ್ಮ ಮನೆಯಲ್ಲಿ ಮಾಡುವಾಗ ಪೂರಿ ಏಕೆ ಇಷ್ಟೊಂದು ದೊಡ್ಡ ಗಾತ್ರದಲ್ಲಿ ಉಬ್ಬಿ ಬರಲ್ಲ ಎಂದು ಅನಿಸುತ್ತೆ. ಆದರೆ ಪೂರಿ ಉಬ್ಬಿ ಬರಲು ನೀವೇನು ಮಾಡಬೇಕೆಂಬ ಟಿಪ್ಸ್ ನೀಡಿದ್ದೇವೆ ನೋಡಿ:

ಪೂರಿಗೆ ಹಿಟ್ಟು
ನೀವು ಮೈದಾ ಅಥವಾ ಗೋಧಿ ಹಿಟ್ಟು ಬಳಸಬಹುದು. ಅದನ್ನು ಒಂದು ಬೌಲ್‌ನಲ್ಲಿ ಹಾಕಿ ಅದರಕ್ಕೆ ನೀರು, ಸ್ವಲ್ಪ ಉಪ್ಪು ಸೇರಿಸಿ ಕಲೆಸಿ. ಹೀಗೆ ಕಲೆಸುವಾಗ ಹಿಟ್ಟು ತುಂಬಾ ನೀರಾಗಬಾರದು ಅಥವಾ ತುಂಬಾ ಗಟ್ಟಿಯಾಗಲೂ ಇರಬಾರದು, ಸ್ವಲ್ಪ ಗಟ್ಟಿಯಾಗಿ ಇರಬೇಕು. ನೀವು ಹಿಟ್ಟು ಕಲೆಸುವಾಗ ದೊಡ್ಡ ಚಮಚದಲ್ಲಿ 1 ಚಮಚ ಸೂಚಿ ರವೆ ಸೇರಿಸಬೇಕು. ಇದನ್ನು ಸೇರಿಸದರೆ ಪೂರಿ ತುಂಬಾನೇ ಗರಿಗರಿಯಾಗಿ ಬರುತ್ತದೆ.

ನೀವು ಹಿಟ್ಟನ್ನು ಚೆನ್ನಾಗಿ ಕಲೆಸಬೇಕು, ಒಂದು ವೇಳೆ ಹಿಟ್ಟು ತುಂಬಾ ಗಟ್ಟಿಯಾಗಿದ್ದರೆ 1 ಚಮಚ ನೀರು ಸೇರಿಸಿ ಕಲೆಸಿ.
* ಹಿಟ್ಟು ಕಲೆಸಿದ ಮೇಲೆ ಒಂದು ಅಥವಾ ಎರಡು ಚಮಚ ಎಣ್ಣೆ ಸೇರಿಸಿ 5-10 ನಿಮಿಷ ಇಡಿ.
* ಹಿಟ್ಟು ಕಲೆಸಿದ ಮೇಲೆ ತುಂಬಾ ಹೊತ್ತು ಇಡಬೇಡಿ. 5-10 ನಿಮಿಷ ಮಾತ್ರ ಇಟ್ಟರೆ ಸಾಕು.
* ಹಿಟ್ಟನ್ನು ತಟ್ಟುವಾಗ ಸ್ವಲ್ಪ ಎಣ್ಣೆ ಹಾಕಿ ಕಲೆಸಿ

ಯಾವ ಎಣ್ಣೆ ಪೂರಿ ಮಾಡಲು ಒಳ್ಳೆಯದು?
ಪೂರಿ ಮಾಡುವಾಗ ನೀವು ಬೇಗನೆ ಹೊಗೆ ಬರದ ಎಣ್ಣೆಯನ್ನು ಬಳಸಿದರೆ ಒಳ್ಳೆಯದು, ಆದ್ದರಿಂದ ಸೂರ್ಯಕಾಂತಿ ಎಣ್ಣೆ ಅಥವಾ ರೈಸ್‌ ಬ್ರಾನ್ ಬಳಸುವುದು ಒಳ್ಳೆಯದು.

ಎಣ್ಣೆ ಸಿಡಿಯದಿರಲು ಟಿಪ್ಸ್
ನೀವು ತಟ್ಟಿದ ಹಿಟ್ಟನ್ನು ಎಣ್ಣೆಗೆ ನೇರವಾಗಿ ಹಾಕಬೇಡಿ, ಹಾಗೆ ಮಾಡಿದರೆ ಎಣ್ಣೆ ಸಿಡಿಯುವ ಅಪಾಯ ಇದೆ, ಆದ್ದರಿಂದ ಕಡಾಯಿ ಬಳಿ ಜಾರಿಸಿ.

ಬೇಕಾಗುವ ಸಾಮಗ್ರಿ
2 ಕಪ್‌ ಗೋಧಿ ಹಿಟ್ಟು
1/2 ಚಮಚ ಸೂಜಿ ರವೆ
1/2 ಚಮಚ ಉಪ್ಪು
1/2 ಕಪ್ ನೀರು +ಬೇಕಿದ್ದರೆ ಇನ್ನು ಸ್ವಲ್ಪ ಸೇರಿಸಿ
2 ಕಪ್ ಎಣ್ಣೆ

ಯಮ್ಮೀ ಸ್ನ್ಯಾಕ್ಸ್ ರೆಸಿಪಿ: ಮೃದುವಾದ ಬಾಳೆಹಣ್ಣಿನ ಬೋಂಡಾ, ಆಹಾ ಸವಿದಷ್ಟೂ ಸಾಲದು

ಮಾಡುವ ವಿಧಾನ
* ನೀವು ಗೋಧಿ, ರವೆ ಹಾಗೂ ಉಪ್ಪು ಈ ಮೂರು ಸಾಮಗ್ರಿ ಒಂದು ದೊಡ್ಡ ಕಪ್‌ನಲ್ಲಿ ಹಾಕಿ.
* ನಂತರ ನೀರು (ಬಿಸಿ ನೀರು) ಹಾಕಿ ಕಲೆಸಿ, ಹಿಟ್ಟನ್ನು ಚೆನ್ನಾಗಿ ಕಲೆಸಿ, ನಂತರ 5-10ನಿಮಿಷ ಬಿಡಿ.
* ನಂತರ ಚಿಕ್ಕ-ಚಿಕ್ಕ ಉಂಡೆಗಳನ್ನು ಕಟ್ಟಿ
* ನಂತರ ಪ್ಯಾನ್‌ಗೆ ಎಣ್ಣೆ ಹಾಕಿ ಕುದಿಸಿ.
* ನಂತರ ಪೂರಿ ಹಾಕಿ, ಅದನ್ನು ಸೌಟ್‌ನಿಂದ ಪ್ರೆಸ್ ಮಾಡಿ, ಆವಾಗ ನೀವು ಉಬ್ಬಿ ಬರುತ್ತದೆ.
* ನಂತರ ಮಗುಚಿ, ಈ ರೀತಿ ಮಾಡಿದರೆ ಪೂರಿ ಊದಿಕೊಂಡು ಬರುತ್ತದೆ.