Just In
- 36 min ago ಪ್ರವಾಹಕ್ಕೆ ಕಾರಣವಾಗೋದು ಮಳೆಯಲ್ಲ ಬೇಸಿಗೆಯ ಬಿಸಿಲು..! ನಂಬಲು ಸಾಧ್ಯವಿಲ್ಲ ಅಂದ್ರೆ ಈ ವಿಡಿಯೋ ನೋಡಿ..!
- 1 hr ago ಚಪಾತಿ, ಅನ್ನಕ್ಕೆ ಟೊಮೆಟೋ ಬೇಳೆ ಸಾರು ಸಖತ್ ರುಚಿ..! ಮಾಡೋದು ಸುಲಭ..!
- 2 hrs ago ರೆಸಿಪಿ: ಮಾವಿನ ಕಾಯಿ ತುರಿದು ಮಾಡುವ ಉಪ್ಪಿನಕಾಯಿ, ಎಣ್ಣೆ ಬಳಸಿಲ್ಲ, ವರ್ಷದವರೆಗೆ ಇಡಲೂ ಬಹುದು
- 5 hrs ago ಮೊಲದ ಜೊತೆ ಓಡಿ ಮತ್ತೊಮ್ಮೆ ರೇಸ್ ಗೆದ್ದ ಆಮೆ..! ಈ ಕಥೆ ನಿಜವಾಗಿದ್ದು ಹೇಗೆ ನೋಡಿ.!
Don't Miss
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Sports IPL 2024: ಮುಂಬೈ ಇಂಡಿಯನ್ಸ್ ವಿರುದ್ಧ ಶತಕ; ರೋಹಿತ್, ಕೊಹ್ಲಿಗೆ ಕ್ರೆಡಿಟ್ ನೀಡಿದ ಯಶಸ್ವಿ ಜೈಸ್ವಾಲ್!
- Technology Itel: ಭಾರತದಲ್ಲಿ ಐಟೆಲ್ S24 ಲಾಂಚ್! 108MP ಕ್ಯಾಮೆರಾ.. ಬೆಲೆ ಇಷ್ಟೇ
- News ದಲಿತರ ಅಭಿವೃದ್ಧಿಯನ್ನು ಬಿಜೆಪಿ ಮಾಡಿಲ್ಲ; ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ಸಂಯುಕ್ತ ಪಾಟೀಲ್
- Finance ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಅಕ್ರಮವಾಗಿ ಸಾಗಿಸುತ್ತಿದ್ದ 10 ಹಳದಿ ಅನಕೊಂಡ ಸಹಿತ ವ್ಯಕ್ತಿ ಬಂಧನ
- Movies Sathya : ತಾಜ್ ಮಹಲ್ ಎದುರು ನಿಂತ ಸತ್ಯಾ, ಪತಿ ಜೊತೆ ಗೌತಮಿ ಪ್ರವಾಸ...!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚುಮುಚುಮು ಮಳೆಗೆ ಬಾಯಿಚಪ್ಪರಿಸೋ ಬಾಳೆಕಾಯಿ ಹಪ್ಪಳ
ಮಳೆಗಾಲ ಇನ್ನೇನು ಸಮೀಪಿಸುತ್ತಿದೆ. ಬೇಸಿಗೆ ಕಾಲ ಮುಗಿಯುತ್ತಾ ಬರುತ್ತಿದೆ. ಮಳೆಗಾಲಕ್ಕೆ ಇರುವೆಗಳು ಆಹಾರ ಸಂಗ್ರಹಿಸುವಂತೆ ಮನುಷ್ಯರು ಕೂಡ ಮುಂದಿನ ದಿನಗಳಿಗೆ ಆಹಾರ ಸಂಗ್ರಹಿಸಿ ಇಟ್ಟುಕೊಳ್ಳಬೇಕು ಎಂಬ ಪರಿಜ್ಞಾನವನ್ನು ಈಗಿನ ಸದ್ಯದ ಕರೋನ ಪರಿಸ್ಥಿತಿ ಎಲ್ಲರಿಗೂ ಮನದಟ್ಟು ಮಾಡಿಕೊಡುತ್ತಿದೆ.
ಕರುಂಕುರುಂ ತಿಂಡಿ ಅಂದರೆ ಎಲ್ಲರಿಗೂ ಇಷ್ಟ. ಅದರಲ್ಲೂ ಜಿಟಿಜಿಟಿ ಮಳೆ ಸುರಿಯುವಾಗ ಹಪ್ಪಳ ಕರಿದು ತಿನ್ನೋಣ ಅನ್ನಿಸುವುದು ಸರ್ವೇಸಾಮಾನ್ಯ. ಹಿಂದೆಲ್ಲಾ ಮನೆಮಂದಿಯೆಲ್ಲಾ ಸೇರಿ ಬೇಸಿಗೆಯಲ್ಲಿ ವಿಧವಿಧವಾದ ಹಪ್ಪಳ ತಯಾರಿಸುತ್ತಿದ್ದರು.
ಮನೆಯಲ್ಲಿರೋ ಜನರ ಸಂಖ್ಯೆ ಇಳಿಮುಖವಾಗುತ್ತಿದ್ದಂತೆ ಇಂತಹ ಕೆಲಸವನ್ನು ಫ್ಯಾಕ್ಟರಿಗಳು ಗುತ್ತಿಗೆ ತೆಗೆದುಕೊಂಡು ಬಿಟ್ಟವು ಅಂದರೆ ಅತಿಶಯೋಕ್ತಿ ಆಗಲಾರದು. ಅಲ್ಲದೆ ಫ್ಯಾಕ್ಟರಿ ಮೇಡ್ ಹಪ್ಪಳಕ್ಕೆ ಜನ ಮೊರೆಹೋದರು. ಆದರೆ ಇದೀಗ ಪುನಃ ಜನರಲ್ಲಿ ಜಾಗೃತಿ ಹೆಚ್ಚಾಗುತ್ತಿದೆ.ಮನೆಯಲ್ಲೇ ಆಹಾರ ತಯಾರಿಕೆ ಮಾಡಿಕೊಳ್ಳುವುದು ಆರೋಗ್ಯದ ಹಿತದೃಷ್ಟಿಯಿಂದ ಒಳ್ಳೆಯದು ಎಂಬುದು ಮನದಟ್ಟಾಗುತ್ತಿದೆ.
ಹಾಗಾಗಿ ಸುಲಭವಾಗಿ ತಯಾರಿಸಬಹುದಾದ ಹಪ್ಪಳದ ರೆಸಿಪಿಯೊಂದನ್ನು ನಾವಿಲ್ಲಿ ನಿಮಗೆ ತಿಳಿಸಿಕೊಡುತ್ತಿದ್ದೇವೆ. ಅದುವೇ ಬಾಳೆಕಾಯಿ ಹಪ್ಪಳ.
Recipe By: Sushma
Recipe Type: Veg
Serves: 8
-
ಬೇಕಾಗುವ ಸಾಮಗ್ರಿಗಳು -
ಬಾಳೆಕಾಯಿ - 5
ಉಪ್ಪು- ರುಚಿಗೆ ತಕ್ಕಷ್ಟು
ಹಸಿಮೆಣಸು- 5 ರಿಂದ 6
ಜೀರಿಗೆ - ಎರಡು ಚಮಚ
ಇಂಗು - ಒಂದು ಹುಣಸೆ ಬೀಜದ ಗಾತ್ರದಷ್ಟು
ಹುಳಿ(optional)- ಚಿಟಿಕೆ
-
ಮಾಡುವ ವಿಧಾನ -
. ಬಾಳೆಕಾಯಿಯನ್ನು ಸಿಪ್ಪೆ ಸಹಿತ ಅರ್ಧ ಹೆಚ್ಚಿಕೊಂಡು ಹಬೆಯಲ್ಲಿ ಬೇಯಿಸಿಕೊಳ್ಳಿ.
ಇದಕ್ಕಾಗಿ ನೀವು ಕುಕ್ಕರ್ ನ್ನು ಬಳಸಬಹುದು ಇಲ್ಲವೇ ಇಡ್ಲಿ ಅಟ್ಟದಲ್ಲಿ ಇಟ್ಟು ಕೂಡ ಬೇಯಿಸಬಹುದು.
. ಬೇಯಿಸಿದ ಬಾಳೆಕಾಯಿಯನ್ನು ತಣಿಯಲು ಬಿಡಿ ಮತ್ತು ಅದರ ಸಿಪ್ಪೆಯನ್ನು ತೆಗೆಯಿರಿ.
ಬೇಯಿಸಿದ ನಂತರ ಇದು ಸುಲಭವಾಗಿ ಸಿಪ್ಪೆ ಬಿಟ್ಟುಕೊಳ್ಳುತ್ತದೆ.
. ನಂತರ ಬಾಳೆಕಾಯಿ, ಉಪ್ಪು, ಜೀರಿಗೆ, ಇಂಗು, ಹಸಿಮೆಣಸು ಸೇರಿಸಿ ಮಿಕ್ಸಿ ಮಾಡಿಕೊಳ್ಳಿ.
. ಉದ್ದದ ಬಾಳೆಕಾಯಿ ಹಾಕಿದರೆ ಮಿಕ್ಸಿ ಮಾಡುವುದಕ್ಕೆ ಕಷ್ಟವಾಗುತ್ತದೆ. ಹಾಗಾಗಿ ಬಾಳೆಕಾಯಿಯನ್ನು ಸ್ವಲ್ಪ ಜಜ್ಜಿಕೊಂಡು ಸಣ್ಣಸಣ್ಣ ಹೋಳುಗಳಾಗಿ ಮಾಡಿಕೊಂಡರೆ ಮಿಕ್ಸಿಗೆ ತೊಂದರೆಯಾಗುವುದಿಲ್ಲ.
. ಮಿಕ್ಸಿ ಮಾಡುವಾಗ ಸ್ವಲ್ಪ ನೀರನ್ನೂ ಸೇರಿಸಿಕೊಳ್ಳಿ.ರುಬ್ಬಿದ ಮಿಶ್ರಣವು ಗಟ್ಟಿಯಾದ ಇಡ್ಲಿ ಹಿಟ್ಟಿನ ಹದದಂತಾಗಲಿ.
.ಬೇಕಿದ್ದರೆ ಹುಣಸೆಹುಳಿ, ಬಿಂಬಲು ಹುಳಿ ಯಾವುದನ್ನಾದರೂ ರುಬ್ಬುವಾಗ ಸೇರಿಸಿಕೊಳ್ಳಬಹುದು.
ಆದರೆ ಬಾಳೆಕಾಯಿಯಲ್ಲೇ ಸ್ವಲ್ಪ ಹುಳಿಯ ಅಂಶ ಇರುವುದರಿಂದಾಗಿ ಹೆಚ್ಚುವರಿ ಹುಳಿಯನ್ನು ಸೇರಿಸುವ ಅಗತ್ಯವಿಲ್ಲ.
. ರುಬ್ಬಿದ ಮಿಶ್ರಣವನ್ನು ಸಣ್ಣಸಣ್ಣ ಹಪ್ಪಳದ ಶೇಪಿನಲ್ಲಿ ದೋಸೆ ಹಚ್ಚುವಂತೆ ಒಂದು ಪ್ಲಾಸ್ಟಿಕ್ ಕವರ್ ಮೇಲೆ ಹಚ್ಚಿ ಎರಡರಿಂದ ಮೂರು ದಿನ ಬಿಸಿಲಿನಲ್ಲಿ ಒಣಗಿಸಿ.
ಒಂದು ಹಪ್ಪಳಕ್ಕೆ ಒಂದು ಸಟಕದಷ್ಟು ಹಿಟ್ಟು ಬೇಕಾಗುತ್ತದೆ. ತೀರಾ ತೆಳುವಾಗಿ ಹಚ್ಚುವ ಅಗತ್ಯವಿಲ್ಲ. ಬಾಳೆಕಾಯಿಯ ಹಚ್ಚುವ ಇಂತಹ ಹಪ್ಪಳವು ಸ್ವಲ್ಪ ದಪ್ಪವೇ ಇರುತ್ತದೆ.
. ಒತ್ತುವ ಹಪ್ಪಳಕ್ಕಿಂತ ಹಚ್ಚುವ ಹಪ್ಪಳವು ತಯಾರಿಕೆಗೆ ನಿಮಗೆ ಹೆಚ್ಚು ಸಮಯ ಹಿಡಿಯುವುದಿಲ್ಲ ಮತ್ತು ಒಬ್ಬರೇ ತಯಾರಿಸುವುದಕ್ಕೆ ಸಾಧ್ಯವಿದೆ.
. ಮೂರು ದಿನ ಬಿಸಿಲಿನಲ್ಲಿ ಒಣಗಿದ ಹಪ್ಪಳವನ್ನು ನೀವು ಎರಡು ತಿಂಗಳು ಸಂಗ್ರಹಿಸಿ ಇಡಬಹುದು.
. ಈ ಹಪ್ಪಳವನ್ನು ಬಿಸಿಬಿಸಿ ಎಣ್ಣೆಯಲ್ಲಿ ಕರಿದರೆ ಊಟದ ಜೊತೆಗೆ ಅಧ್ಬುತವಾಗಿರುತ್ತದೆ.
.ಸಂಜೆಯ ಸ್ನ್ಯಾಕ್ಸ್ ಗಾಗಿ ಕೂಡ ಕರಿಯಬಹುದು.
. 5 ಬಾಳೆಕಾಯಿಯಲ್ಲಿ ಅಂದಾಜು 25 ಹಪ್ಪಳವನ್ನು ತಯಾರಿಸಬಹುದು.
. ಹಪ್ಪಳ ಕರಿದ ನಂತರ ಕಾಯಿತುರಿಯ ಜೊತೆಗೆ ಅಥವಾ ಮಸಾಲಾ ಪಾಪಡ್ ಮಾಡಿಕೊಂಡು ಕೂಡ ಸೇವಿಸಬಹುದು.
- ಪ್ರಯೋಜನಗಳು – ಇದರಲ್ಲಿ ಕಡಿಮೆ ಫ್ಯಾಟ್ ಮತ್ತು ಹೆಚ್ಚು ಪ್ರೊಟೀನ್ ಇರುತ್ತದೆ. 105ರಷ್ಟು ಕ್ಯಾಲೋರಿ ಸಿಗುತ್ತದೆ . ಬಾಳೆಕಾಯಿಯಲ್ಲಿ ಪೊಟಾಷಿಯಂ,ವಿಟಮಿನ್ ಬಿ6, ಮತ್ತು ವಿಟಮಿನ್ ಸಿ ಇರುತ್ತದೆ. .ಒಂದು ಸಾಮಾನ್ಯ ಗಾತ್ರದ ಬಾಳೆಕಾಯಿಯಲ್ಲಿ 25 ಗ್ರಾಂನಷ್ಟು ಕಾರ್ಬೋಹೈಡ್ರೇಟ್ ಇರುತ್ತದೆ.