ಬೆಳಗ್ಗಿನ ಉಪಹಾರಕ್ಕೆ ದಿಢೀರ್ ಬ್ರೆಡ್ ದೋಸೆ..

ತಯಾರಿಸುವ ವಿಧಾನ:

ಮೊದಲಿಗೆ, ಬ್ರೆಡ್ ಬದಿಗಳನ್ನು ಕತ್ತರಿಸಿ. ಇದಕ್ಕೆ ಬಿಳಿ ಅಥವಾ ಕಂದು ಬ್ರೆಡ್ ಬಳಸಬಹುದು. ಆದರೆ, ಬಿಳಿ ಬ್ರೆಡ್‌ ಬಳಸಿದರೆ ದೋಸೆ ಗರಿಗರಿಯಾಗಿ ಬರುವುದು.

ಈಗ ಬ್ರೆಡ್ ನ್ನು ಸಣ್ಣ ತುಂಡುಗಳಾಗಿ ಮಾಡಿ, ಬಟ್ಟಲಿಗೆ ಸೇರಿಸಿ.

ಅದಕ್ಕೆ ¼ ಕಪ್ ಅಕ್ಕಿ ಹಿಟ್ಟು, ¼ ಕಪ್ ಮೊಸರು, ರವೆ, ½ ಟೀಸ್ಪೂನ್ ಉಪ್ಪು, ½ ಚಮಚ ಸಕ್ಕರೆ ಸೇರಿಸಿ. ಇದಕ್ಕೆ ಸಕ್ಕರೆ ಏಕೆ ಸೇರಿಸಲಾಗುತ್ತದೆ ಅಂದರೆ, ದೋಸೆಗೆ ಗೋಲ್ಡ್ ಬಣ್ಣ ಬರುವುದಕ್ಕಾಗಿ.

ಈ ಮಿಶ್ರಣಕ್ಕೆ 1 ಕಪ್ ನೀರು ಸೇರಿಸಿ, 20 ನಿಮಿಷಗಳ ಕಾಲ ನೆನೆಯಲು ಬಿಡಿ.

20 ನಿಮಿಷಗಳ ನಂತರ, ಇದನ್ನು ಮಿಕ್ಸಿಗೆ ಹಾಕಿ, ಅಗತ್ಯವಿರುವಂತೆ ನೀರನ್ನು ಸೇರಿಸಿ. ರುಬ್ಬಿಕೊಳ್ಳಿ.

ಈ ಹಿಟ್ಟನ್ನು ಒಂದು ಬೌಲ್ ಗೆ ಹಾಕಿ, 5 ನಿಮಿಷಗಳ ಕಾಲ ಮಿಕ್ಸ್ ಮಾಡಿ, ಇದಕ್ಕೆ ¼ ಟೀಸ್ಪೂನ್ ಅಡಿಗೆ ಸೋಡಾ ಸೇರಿಸಿ, ನಿಧಾನವಾಗಿ ಮಿಶ್ರಣ ಮಾಡಿ.

ಈಗ ದೋಸೆ ಪ್ಯಾನ್ ಬಿಸಿ ಮಾಡಿ ನೀರು ಚಿಮುಕಿಸಿ, ಟಿಶ್ಯೂ ಪೇಪರ್ ನಿಂದ ಒರೆಸಿ. ದೋಸೆ ಹಿಟ್ಟನ್ನು ಹಾಕಿ, ಸಾಧ್ಯವಾದಷ್ಟು ತೆಳುವಾಗಿ ಹರಡಿಕೊಳ್ಳಿ. ಅದರ ಮೇಲೆ ಎಣ್ಣೆಯನ್ನು ಸ್ವಲ್ಪ ಹಾಕಿ, ಹರಡಿ.

ಗೋಲ್ಡನ್ ಬ್ರೌನ್ ಮತ್ತು ಗರಿಗರಿಯಾಗುವವರೆಗೆ ಲೋ ಫ್ಲೇಮ್ ನಲ್ಲಿ ಕಾಯಿಸಿ.

ಕೊನೆಯದಾಗಿ, ಚಟ್ನಿ ಮತ್ತು ಸಾಂಬಾರ್‌ನೊಂದಿಗೆ ಬ್ರೆಡ್ ದೋಸೆಯನ್ನು ಸವಿಯಲು ಸಿದ್ದ.