ರುಚಿಯಾಗಿರುತ್ತೆ ಈ ಉದ್ದಿನ ಬೇಳೆಯ ಕರಿ !

ಬೇಳೆ ಸಾರನ್ನು ಹೆಚ್ಚಾಗಿ ಮಾಡುತ್ತಾ ಇರುತ್ತೇವೆ. ಆದರೆ ಉದ್ದಿನ ಬೇಳೆಯಿಂದ ಸಾರು ಮಾಡಿದ್ದೀರಾ? ಇಲ್ಲ ಅಂದರೆ ಉದ್ದಿನ ಬೇಳೆಯಿಂದ ಒಮ್ಮೆ ಸಾರು ಮಾಡಿ ನೋಡಿ, ಇದರ ರುಚಿ ಮತ್ತೆ-ಮತ್ತೆ ಈ ಅಡುಗೆ ಮಾಡುವಂತೆ ನಿಮ್ಮನ್ನು ಪ್ರೇರೇಪಿಸುತ್ತದೆ.

ಉದ್ದಿನ ಬೇಳೆಯಿಂದ ಅಡುಗೆ ಮಾಡುವ ವಿಧಾನವನ್ನು ಇಲ್ಲಿ ಹೇಳಾಗಿದೆ ನೋಡಿ.

ಬೇಕಾಗುವ ಸಾಮಾಗ್ರಿಗಳು:

ಉದ್ದಿನ ಬೇಳೆ 1 ಕಪ್
ಅರಿಶಿಣ ಅರ್ಧ ಚಮಚ
ತುಪ್ಪ 1 ಚಮಚ
ಜೀರಿಗೆ ಅರ್ಧ ಚಮಚ
ಟೊಮೆಟೊ 1
ಹಸಿ ಮೆಣಸಿನ ಕಾಯಿ 2
ಒಂದು ಇಂಚಿನಷ್ಟು ದೊಡ್ಡದಿರುವ ಶುಂಠಿ
ನಿಂಬೆ ರಸ 1 ಚಮಚ
ಗರಂ ಮಸಾಲ 1 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಒಂದು ಕಪ್ ಉದ್ದಿನ ಬೇಳೆಗೆ 3 ಕಪ್ ನೀರು ಹಾಕಿ , ಅರಿಶಿಣ, ಕತ್ತರಿಸಿದ ಹಸಿ ಮೆಣಸಿನ ಕಾಯಿ ಹಾಗೂ ರುಚಿಗೆ ತಕ್ಕ ಉಪ್ಪು ಹಾಕಿ ಫ್ರೆಶರ್ ಕುಕ್ಕರ್ ನಲ್ಲಿಟ್ಟು 3 ವಿಶಲ್ ಬರುವವರೆಗೆ ಬೇಯಿಸಬೇಕು.

2. ಈಗ ಪಾತ್ರೆಯಲ್ಲಿ ತುಪ್ಪವನ್ನು ಹಾಕಿ ಬಿಸಿ ಮಾಡಬೇಕು. ನಂತರ ತುಪ್ಪ ಬಿಸಿಯಾದಾಗ ಜೀರಿಗೆ ಹಾಕಿ ನಂತರ ಚಿಕ್ಕದಾಗಿ ಕತ್ತರಿಸಿದ ಶುಂಠಿ ಹಾಕಿ ಕಡಿಮೆ ಉರಿಯಲ್ಲಿ1-2 ನಿಮಿಷ ಹುರಿಯಿರಿ.

3. ನಂತರ ಟೊಮೆಟೊ ಮತ್ತು ಹಸಿ ಮೆಣಸಿನ ಕಾಯಿ ಹಾಕಿ ಟೊಮೆಟೊ ಮೆತ್ತಗಾಗುವವರೆಗೆ ಹುರಿಯಬೇಕು. ನಂತರ ಬೇಯಿಸಿದ ಉದ್ದಿನ ಬೇಳೆ ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ, ನಿಂಬೆ ರಸ ಹಾಕಿ ಒಮ್ಮೆ ಮಿಶ್ರಣ ಮಾಡಿ ನಂತರ ಗರಂ ಮಸಾಲ ಹಾಕಿ ಚೆನ್ನಾಗಿ ಕುದಿಸಿದರೆ ಉದ್ದಿನ ಬೇಳೆಯಿಂದ ತಯಾರಿಸಿದ ದಾಲ್ ಸಾರು ರೆಡಿ.

ಇದನ್ನು ಅನ್ನ, ರೊಟ್ಟಿ, ಚಪಾತಿ ಜೊತೆ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.