ಅನ್ನದ ಜೊತೆ ತಿನ್ನಲು ಹೀರೆಕಾಯಿ ತಂಬ್ಳಿ

Rasam

oi-Reena

By Hema S

Updated: Monday, July 30, 2012, 15:06 [IST]

ಹೀರೆ ಕಾಯಿ ಎಲ್ಲಾ ಸಮಯದಲ್ಲೂ ಮಾರ್ಕೆಟ್ ನಲ್ಲಿ ದೊರೆಯುತ್ತದೆ. ಹೀರೆಕಾಯಿಂದ ರುಚಿಕರವಾದ ಸಾರು ,ಪಲ್ಯ , ಜೊಜ್ಜು, ಹೀರೆಕಾಯಿ ಪಕೋಡ ಹೀಗೆ ತರಾವರಿ ಅಡುಗೆ ತಯಾರಿಸಬಹುದು.

ಇದರಲ್ಲಿ ನಾರಿನಂಶ ಅಧಿಕವಿರುವುದರಿಂದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದರಿಂದ ತಯಾರಿಸುವ ತಂಬ್ಳಿ ಕೂಡ ರುಚಿಯಾಗಿದ್ದು ಇವತ್ತು ನಾವು ಹೀರೆಕಾಯಿಂದ ತಂಬ್ಳಿ ಮಾಡುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಗ್ರಿಗಳು:
* ಹೀರೆಕಾಯಿ ಅರ್ಧ ಭಾಗ ಅಥವಾ1
* ಹಸಿಮೆಣಸಿನ ಕಾಯಿ -2
* ಎಳ್ಳು - 1 ಚಮಚ
* ಜೀರಿಗೆ 1 ಚಮಚ
* ತೆಂಗಿನತುರಿ - 1 ಕಪ್
* ಮಜ್ಜಿಗೆ - 2 ಕಪ್
* ರುಚಿಗೆ ತಕ್ಕಷ್ಟು ಉಪ್ಪು
* ಸಕ್ಕರೆ - 1/2 ಚಮಚ
* ನೀರು - 2 ಕಪ್
* ಎಣ್ಣೆ
* ಸಾಸಿವೆ 1 ಚಮಚ

ಮಾಡುವ ವಿಧಾನ:

1. ಹೀರೆಕಾಯಿಯ ಸಿಪ್ಪೆ ತೆಗೆದು, ಸಣ್ಣಗೆ ಹೆಚ್ಚಿಕೊಳ್ಳಬೇಕು. ಇದಕ್ಕೆ 1 ಕಪ್ ನೀರು, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಸಕ್ಕರೆ ಸೇರಿಸಿ ಬೇಯಿಸಬೇಕು.

2. ಬೇಯಿಸಿದ ಹೀರೆಕಾಯಿಯ ನೀರು ಮತ್ತು ಹೋಳನ್ನು ಬೇರೆ-ಬೇರೆ ಪಾತ್ರೆಯಲ್ಲಿ ಇಡಬೇಕು.

3. ಈಗ ಒಗ್ಗರಣೆ ಮಾತ್ರೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಎಣ್ಣೆ ಕಾಯಿಸಿ, ಎಳ್ಳು ಮತ್ತು ಜೀರಿಗೆ ಮತ್ತು ಹಸಿಮೆಣಸಿನ ಕಾಯಿಯನ್ನು ಹುರಿಯಬೇಕು.

4. ಹುರಿದ ಸಾಮಗ್ರಿಗಳನ್ನು ಬೇಯಿಸಿದ ಹೀರೆ ಮತ್ತು ತೆಂಗಿನತುರಿಯೊಡನೆ ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಬೇಕು. ರುಬ್ಬುವಾಗ ಹೀರೆಕಾಯಿ ಬೇಯಿಸಿದ ನೀರನ್ನು ಬಳಸಿ.

5. ನಂತರ ರುಬ್ಬಿದ ಮಿಶ್ರಣವನ್ನು ಒಂದು ಪಾತ್ರೆಗೆ ಹಾಕಿ ಅದಕ್ಕೆ ಮಜ್ಜಿಗೆ ಮತ್ತು ಉಪ್ಪು ಸೇರಿಸಿ ಮಿಶ್ರ ಮಾಡಬೇಕು.

6. ಹೀಗೆ ಮಾಡಿದರೆ ತಂಬ್ಳಿ ರೆಡಿ. ಇದಕ್ಕೆ ತಯಾರಾದ ತಂಬ್ಳಿಗೆ ಒಗ್ಗರಣೆ ಕೊಟ್ಟರೆ ಈ ತಂಬ್ಳಿ ಅನ್ನದ ಜೊತೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.