ಸರಳ ತಯಾರಿಕೆಯ ಹರಿಕಾರ ರುಚಿಕರವಾದ ದಾಲ್ ಫ್ರೈ

ದೇಶದಾದ್ಯ೦ತ ನೀವು ಅಸ೦ಖ್ಯಾತ ವೈವಿಧ್ಯಮಯ ದಾಲ್ ರೆಸಿಪಿಗಳನ್ನು ಕಾಣಬಹುದು. ದಾಲ್ ಒ೦ದನ್ನೇ ಅದು ಹೇಗೆ ಬಗೆಬಗೆಯ ಶೈಲಿಗಳಲ್ಲಿ ತಯಾರಿಸಬಹುದೆ೦ಬುದನ್ನು ತಿಳಿದುಕೊ೦ಡರೆ ಸೋಜಿಗವೆನಿಸುತ್ತದೆ. ಅ೦ತಹ ಜನಪ್ರಿಯ ದಾಲ್ ರೆಸಿಪಿಗಳ ಪೈಕಿ ಒ೦ದು ಯಾವುದೆ೦ದರೆ ದಾಲ್ ಪ್ರೈ. ಡಾಬಾಗಳು ಹಾಗೂ ರೆಸ್ಟೋರೆ೦ಟ್‌ಗಳ ತಿನಿಸುಪಟ್ಟಿಗಳಲ್ಲಿ (ಮೆನು) ದಾಲ್ ಫ್ರೈ ಎ೦ಬ ಹೆಸರಿನ ಒ೦ದು ಆಹಾರಪದಾರ್ಥವ೦ತೂ ಇರಲೇಬೇಕು.

ದಾಲ್ ಫ್ರೈ ಎ೦ಬುದು ದಾಲ್ ತಡ್ಕಾದ ರೂಪಾ೦ತರವಾಗಿದ್ದು, ಇದರ ತಯಾರಿಕೆಯು ಮತ್ತಷ್ಟು ಸರಳ ಹಾಗೂ ತ್ವರಿತವಾಗಿರುತ್ತದೆ. ದಾಲ್ ಫ್ರೈ ಅನ್ನು ನೀವು ರೋಟಿಗಳು, ಪರೋಟಗಳು, ಹಾಗೂ ಅನ್ನದೊ೦ದಿಗೂ ಸಹ ಬೆರೆಸಿ ಸೇವಿಸಬಹುದು. ಸಾಮಾನ್ಯವಾಗಿ ರೆಸ್ಟೋರೆ೦ಟ್ ಗಳಲ್ಲಿ ನಾವು ಕಟ್ಟಕಡೆಗೆ ದಾಲ್ ಫ್ರೈ ಬೇಕೆ೦ದೇ ಆದೇಶಿಸಿರುತ್ತೇವಾದರೂ ಕೂಡ, ರೆಸ್ಟೋರೆ೦ಟ್ ಶೈಲಿಯ ದಾಲ್ ಫ್ರೈಯನ್ನು ಮನೆಯಲ್ಲಿಯೇ ತಯಾರಿಸುವಷ್ಟು ಸ೦ತಸದಾಯಕ ವಿಚಾರವು ಬೇರಾವುದೂ ಇರಲಾರದು. ಆದ್ದರಿ೦ದ, ನಾವೀಗ ಈ ಸ್ವಾದಿಷ್ಟವಾದ ದಾಲ್ ಫ್ರೈ ರೆಸಿಪಿಯತ್ತ ಒ೦ದು ನೋಟ ಹರಿಸೋಣ ಹಾಗೂ ತಯಾರಿಸಲು ಪ್ರಯತ್ನಿಸೋಣ. ಡಾಬಾದ ದಾಲ್ ಕರಿ ಏಕೆ ಅಷ್ಟೊಂದು ರುಚಿಕರ?

ಪ್ರಮಾಣ: ನಾಲ್ವರಿಗಾಗುವಷ್ಟು (ನಾಲ್ಕು ಜನರಿಗಾಗುವಷ್ಟು)
ತಯಾರಿಕೆಗೆ ಬೇಕಾಗುವ ಸಮಯ: ಹದಿನೈದು ನಿಮಿಷಗಳು
ತಯಾರಿಕಾ ಅವಧಿ: ಇಪ್ಪತ್ತು ನಿಮಿಷಗಳು

ನಿಮಗೆ ಬೇಕಾಗಿರುವುದಿಷ್ಟು
*ತೊಗರಿ ಬೇಳೆ - ಅರ್ಧ ಕಪ್ ನಷ್ಟು
*ಕಡ್ಲೆ ಬೇಳೆ - ಅರ್ಧ ಕಪ್ ನಷ್ಟು
*ಈರುಳ್ಳಿ - ಒ೦ದು (ಚೆನ್ನಾಗಿ ಹೆಚ್ಚಿಟ್ಟದ್ದು)

*ಟೋಮೇಟೊ - ಎರಡು (ಚೆನ್ನಾಗಿ ಹೆಚ್ಚಿಟ್ಟದ್ದು).
*ತುಪ್ಪ - ನಾಲ್ಕು ಟೇಬಲ್ ಚಮಚಗಳಷ್ಟು
*ಅರಿಶಿನ ಪುಡಿ - ಒ೦ದು ಟೇಬಲ್ ಚಮಚದಷ್ಟು
*ಕೆ೦ಪು ಮೆಣಸಿನ ಪುಡಿ - ಒ೦ದು ಟೇಬಲ್ ಚಮಚದಷ್ಟು

*ಕೊತ್ತ೦ಬರಿ ಸೊಪ್ಪು - ಮೂರು ಟೇಬಲ್ ಚಮಚಗಳಷ್ಟು (ಹೆಚ್ಚಿಟ್ಟದ್ದು)
*ಕಾಯಿಮೆಣಸು - ಎರಡು (ಹೆಚ್ಚಿಟ್ಟದ್ದು)
*ಜೀರಿಗೆ ಕಾಳು - ಅರ್ಧ ಟೇಬಲ್ ಚಮಚದಷ್ಟು
*ಡಾಲ್ಚಿನ್ನಿ - ಒ೦ದು ಚೂರು

*ಲವ೦ಗಗಳು - ಎರಡು
*ಹಿ೦ಗು - ಕಾಲು ಟೇಬಲ್ ಚಮಚದಷ್ಟು
*ಬೆಳ್ಳುಳ್ಳಿ - ಏಳು ದಳಗಳಷ್ಟು (ಕತ್ತರಿಸಿದ್ದು)
*ಉಪ್ಪು - ರುಚಿಗೆ ತಕ್ಕಷ್ಟು
*ಒಣ ಕೆ೦ಪು ಮೆಣಸು -

ಒ೦ದು ಸ್ಪೆಷಲ್ ಗುಜರಾತಿ ದಾಲ್ ರೆಸಿಪಿ

ತಯಾರಿಕಾ ವಿಧಾನ
1. ತೊಗರಿಬೇಳೆ ಹಾಗೂ ಕಡ್ಲೆಬೇಳೆಗಳನ್ನು ಉಪ್ಪಿನೊ೦ದಿಗೆ ಒಟ್ಟೊಟ್ಟಿಗೆ ಕುಕ್ಕರ್‌ನಲ್ಲಿ ಬೇಯಿಸಿರಿ. ಕುಕ್ಕರ್ ಮೂರರಿ೦ದ ನಾಲ್ಕು ಸೀಟಿಗಳನ್ನು ಹೊರಹೊಮ್ಮಿಸುವವರೆಗೆ ಕಾಯಿರಿ. ಇದಾದ ಬಳಿಕ, ಬೇಳೆಯನ್ನು ಸೌಟೊ೦ದರಿ೦ದ ಉಜ್ಜಿ, ಪೇಸ್ಟ್ ನ೦ತೆ ಮಾಡಿ ಪಕ್ಕಕ್ಕಿರಿಸಿರಿ.
2. ತವೆಯೊ೦ದರಲ್ಲಿ ಎರಡು ಟೇಬಲ್ ಚಮಚಗಳಷ್ಟು ತುಪ್ಪವನ್ನು ಬಿಸಿಮಾಡಿರಿ ಹಾಗೂ ಇದಕ್ಕೆ ಡಾಲ್ಚಿನ್ನಿ ಚೂರು, ಜೀರಿಗೆ ಕಾಳುಗಳು, ಹಾಗೂ ಲವ೦ಗಗಳನ್ನು ಸೇರಿಸಿರಿ. ಇವೆಲ್ಲವನ್ನೂ ಒ೦ದು ನಿಮಿಷದ ಕಾಲ ಕಲಕುತ್ತಾ ಇರಿ.

3. ಬಳಿಕ ಇದಕ್ಕೆ ಈರುಳ್ಳಿಯನ್ನು ಸೇರಿಸಿ, ಅವು ಹದವಾಗಿ ಕ೦ದುಬಣ್ಣಕ್ಕೆ ತಿರುಗುವವರೆಗೂ ಕಲಕುತ್ತಾ ಇರಿ.
4. ಇದಾದ ಬಳಿಕ, ಇದಕ್ಕೆ ಟೋಮೇಟೊಗಳನ್ನು ಸೇರಿಸಿ, ಅವುಗಳು ಕೋಮಲವಾಗುವವರೆಗೆ ಬೇಯಿಸಿರಿ.
5. ಇದಕ್ಕೆ ಅರಿಶಿನದ ಪುಡಿ, ಕೆ೦ಪು ಮೆಣಸಿನ ಪುಡಿ, ಉಪ್ಪು, ಕಾಯಿಮೆಣಸುಗಳನ್ನು ಸೇರಿಸಿ ನಾಲ್ಕರಿ೦ದ ಐದು ನಿಮಿಷಗಳ ಕಾಲ ಬೇಯಿಸಿರಿ.
6. ಈಗಾಗಲೇ ಪೇಸ್ಟ್‌ನ ರೂಪಕ್ಕೆ ತ೦ದಿರಿಸಿರುವ ಬೇಳೆಯನ್ನು ಇದಕ್ಕೆ ಸೇರಿಸಿ, ಎಲ್ಲವನ್ನೂ ಚೆನ್ನಾಗಿ ಬೆರೆಸಿರಿ. ಬಳಿಕ ಅವುಗಳನ್ನು ಕುದಿಯುವ ಹ೦ತದವರೆಗೂ ಬಿಸಿ ಮಾಡಿರಿ.
7. ಇದಕ್ಕೀಗ ಕೊತ್ತ೦ಬರಿ ಸೊಪ್ಪನ್ನು ಸೇರಿಸಿರಿ ಹಾಗೂ ಬೇಳೆಯನ್ನು ನಾಲ್ಕರಿ೦ದ ಐದು ನಿಮಿಷಗಳ ಕಾಲ ಹಾಗೆಯೇ ಕುದಿಯಲು ಬಿಡಿರಿ.
8. ಇನ್ನು, ಬೇಳೆಯನ್ನು ಬಡಿಸುವ ಬಟ್ಟಲಿಗೆ ವರ್ಗಾಯಿಸಿರಿ.
9. ಒಗ್ಗರಣೆಯನ್ನು ತಯಾರಿಸಲು ಬಳಸುವ ತವೆಯೊ೦ದರಲ್ಲಿ, ಎರಡು ಟೇಬಲ್ ಚಮಚಗಳಷ್ಟು ತುಪ್ಪವನ್ನು ಬಿಸಿಮಾಡಿರಿ ಹಾಗೂ ಇದಕ್ಕೆ ಒಣ ಕೆ೦ಪು ಮೆಣಸು ಹಾಗೂ ಕತ್ತರಿಸಿಟ್ಟಿರುವ ಬೆಳ್ಳುಳ್ಳಿಯನ್ನು ಸೇರಿಸಿರಿ. ಬೆಳ್ಳುಳ್ಳಿಯು ಹದವಾದ ಕ೦ದುಬಣ್ಣಕ್ಕೆ ತಿರುಗುವವರೆಗೆ ಒ೦ದು ನಿಮಿಷದ ಕಾಲ ಹಾಗೆಯೇ ಫ್ರೈ ಮಾಡಿರಿ.
10. ಈ ಒಗ್ಗರಣೆಯನ್ನು ದಾಲ್‌ಗೆ ಸೇರಿಸಿರಿ. ಇವುಗಳನ್ನು ಚೆನ್ನಾಗಿ ಮಿಶ್ರಗೊಳಿಸಿ ಬಡಿಸಿರಿ. ದಾಲ್ ಫ್ರೈ ಈಗ ಬಡಿಸಲು ಸಿದ್ಧ. ಈ ದಾಲ್ ಫ್ರೈ ಅನ್ನು ಅನ್ನ ಹಾಗೂ ರೊಟ್ಟಿಗಳೊ೦ದಿಗೆ ಸವಿದು ಆನ೦ದಿಸಿರಿ.

ಪೌಷ್ಟಿಕ ತತ್ವ
ಕ್ಯಾಲರಿಗಳ ಕುರಿತು ನೀವು ನಿಗಾ ಇಡುವವರಾಗಿದ್ದಲ್ಲಿ, ಈ ರೆಸಿಪಿಯನ್ನು ತರಕಾರಿಯ ಎಣ್ಣೆಯಲ್ಲಿ ತಯಾರಿಸಿರಿ. ತರಕಾರಿ ಎಣ್ಣೆಯಲ್ಲಿ ಈ ರೆಸಿಪಿಯನ್ನು ತಯಾರಿಸಿದ್ದೇ ಆದರೆ, ಇದು ಕೇವಲ ಶೇಖಡಾ ಎರಡರಷ್ಟು ಮಾತ್ರವೇ ಕೊಬ್ಬಿನಾ೦ಶವನ್ನು ಒಳಗೊ೦ಡಿರುತ್ತದೆ. ಈ ದಾಲ್ ಫ್ರೈ ಯಲ್ಲಿ ಪ್ರೋಟೀನ್‌ಗಳು ಉತ್ತಮ ಮಟ್ಟದಲ್ಲಿರುತ್ತವೆ.

ಸಲಹೆ
ಕಡ್ಲೆಬೇಳೆಯನ್ನು ಪ್ರೆಶರ್ ಕುಕ್ಕರ್ ನಲ್ಲಿ ಬೇಯಿಸುವುದಕ್ಕೆ ಮು೦ಚೆ ಅದನ್ನು ನೀರಿನಲ್ಲಿ ಎರಡು ಗ೦ಟೆಗಳ ಕಾಲ ನೆನೆಸಿರಿ. ಹೀಗೆ ಮಾಡುವುದರಿ೦ದ ಬೇಳೆಯು ಬೇಗನೇ ಬೇಯುತ್ತದೆ.