ಬೆಂಡೆಕಾಯಿ ಕಿಚಡಿ -ಗ್ರೇವಿ ರೆಸಿಪಿ

ಬೆಂಡೆಕಾಯಿ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇದರಿಂದ ಖಾದ್ಯವನ್ನು ತಯಾರಿಸುವಾಗ ಬೆಂಡೆಕಾಯಿಯನ್ನು ಎಣ್ಣೆಯಲ್ಲಿ ಚೆನ್ನಾಗಿ ಹುರಿದು ಹಾಕಿದರೆ ಮಾತ್ರ ತಿನ್ನಲು ರುಚಿಕರವಾಗಿರುತ್ತದೆ. ಬೆಂಡೆಕಾಯಿಂದ ತಯಾರಿಸುವ ಪಲ್ಯದ ರೆಸಿಪಿ ಈ ಹಿಂದೆ ನೀಡಿದ್ದೆವು.

ಇಲ್ಲಿ ನಾವು ಬೆಂಡೆಕಾಯಿಯಿಂದ ತಯಾರಿಸುವ ಕಿಚಡಿ ಅಂದರೆ ಗ್ರೇವಿ ರೀತಿಯ ಸಾರಿನ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು:
* ಬೆಂಡೆಕಾಯಿ ಕಾಲು ಕೆಜಿ
* ಹಸಿ ಮೆಣಸಿನ ಕಾಯಿ 4
* ತುರಿದ ತೆಂಗಿನ ಕಾಯಿ 1 ಕಪ್
* ಒಣ ಮೆಣಸು 2
* ಸಾಸಿವೆ ಅರ್ಧ ಚಮಚ
* ಸ್ವಲ್ಪ ಅರಿಶಿಣ
* ಕರಿ ಬೇವಿನ ಎಲೆ
* ಮೊಸರು 2 ಚಮಚ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ತಯಾರಿಸುವ ವಿಧಾನ:

* ಸ್ವಲ್ಪ ಎಣ್ಣೆಯನ್ನು ಬಾಣಲೆಯಲ್ಲಿ ಹಾಕಿ ಬಿಸಿ ಮಾಡಿ ನಂತರ ಅದಕ್ಕೆ ಕತ್ತರಿಸಿ, ಶುಚಿ ಮಾಡಿದ ಬೆಂಡೆಕಾಯಿ ಹಾಕಿ ಚೆನ್ನಾಗಿ ಹುರಿಯಬೇಕು. ನಂತರ ಅದನ್ನು ಒಂದು ಬಟ್ಟಲಿನಲ್ಲಿ ಹಾಕಿಡಬೇಕು.

* ನಂತರ ತೆಂಗಿನಕಾಯಿಗೆ ಹಸಿ ಮೆಣಸಿನ ಕಾಯಿ ಹಾಕಿ ಪೇಸ್ಟ್ ಮಾಡಬೇಕು.

* ನಂತರ ಒಂದು ಪಾತ್ರೆಯಲ್ಲಿ ಎಣ್ಣೆ ಹಾಕಿ ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಬೇಕು. ನಂತರ ಕರಿಬೇವಿನ ಎಲೆ ಹಾಕಿ ಅದರಲ್ಲಿ ಕತ್ತರಿಸಿದ ಒಣ ಮೆಣಸನ್ನು ಹಾಕಿ 1 ನಿಮಿಷ ಕಾಲ ಹುರಿಯಬೇಕು.

* ನಂತರ ಅರೆದ ತೆಂಗಿನಕಾಯಿಯನ್ನು ಹಾಕಿ 4-5 ನಿಮಿಷ ಕಾಲ ಸೌಟ್ ನಿಂದ ಆಡಿಸುತ್ತಾ ಹುರಿಯಬೇಕು. ನಂತರ 2 ಚಮಚ ಮೊಸರು ಸೇರಿಸಬೇಕು. ನಂತರ ರುಚಿಗೆ ತಕ್ಕ ಉಪ್ಪು ಹಾಕಿ, ಅರಿಶಿಣ ಸೇರಿಸಿ, ಫ್ರೈ ಮಾಡಿದ ಬೆಂಡೆಕಾಯಿಯನ್ನು ಹಾಕಿ 6-7 ನಿಮಿಷ ಕುದಿಸಿದರೆ ಬೆಂಡೆಕಾಯಿ ಕಿಚಡಿ ರೆಡಿ.