ಯಮ್ಮೀ... ಮೊಸರು ಬದನೆಕಾಯಿ ಖಾದ್ಯ

ಬದನೆಕಾಯಿಯನ್ನು ಮೊಸರು ಜೊತೆ ಹಾಕಿ ತಯಾರಿಸಿದ ಗ್ರೇವಿಯ ರುಚಿ ನೋಡಿದ್ದೀರಾ? ಇಲ್ಲ ಅಂದರೆ ಅದನ್ನು ಒಮ್ಮೆ ಮಾಡಿ ನೋಡಿ ಈ ಖಾದ್ಯದ ರುಚಿಗೆ ಒಂದು ತುತ್ತು ಅನ್ನ ಅಧಿಕವೇ ಸೇರುತ್ತದೆ, ಅಷ್ಟು ರುಚಿಯಾಗಿರುತ್ತದೆ ಈ ಅಡುಗೆ.

ಈ ಅಡುಗೆಯನ್ನು ಸುಲಭವಾಗಿದ್ದು ಇದನ್ನು ತಯಾರಿಸುವ ವಿಧಾನ ಸುಲಭವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಚಿಕ್ಕ ಬದನೆಕಾಯಿ 7-8
* ಅರಿಶಿಣ ಪುಡಿ ಅರ್ಧ ಚಮಚ
* ಸಕ್ಕರೆ 1 ಚಮಚ
* ಈರುಳ್ಳಿ 1 (ಪೇಸ್ಟ್ ಮಾಡಬೇಕು)
* ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
* ಹಸಿಮೆಣಸಿನ ಕಾಯಿ 2-3
* ಖಾರದ ಪುಡಿ 2 ಚಮಚ
* ಕೊತ್ತಂಬರಿ ಪುಡಿ 1 ಚಮಚ
* ಮೊಸರು 2 ಕಪ್
* ಕೊತ್ತಂಬರಿ ಸೊಪ್ಪು ಸ್ವಲ್ಪ
* 1 ಕಪ್ ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

* ಬದನೆಕಾಯಿಯನ್ನು ಮಧ್ಯಭಾಗದಿಂದ 4-5 ತುಂಡುಗಳಾಗಿ ಕತ್ತರಿಸಬೇಕು. ನಂತರ ಅದರ ಒಳಗೆ ಸ್ವಲ್ಪ ಸಕ್ಕರೆ ಉಪ್ಪು ಹಾಗೂ ಅರಿಶಿಣ ಪುಡಿಯನ್ನು ಹಾಕಿಡಬೇಕು.

* ನಂತರ ಬದನೆಕಾಯಿಯನ್ನು ಡೀಪ್ ಫ್ರೈ ಮಾಡಬೇಕು.

* ಈಗ ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಅದರಲ್ಲಿ ಈರುಳ್ಳಿ, ಬೆಳ್ಳುಳ್ಳಿ, ಶುಂಠಿ ಪೇಸ್ಟ್ ಹಾಕಿ ಹುರಿಯಬೇಕು. ನಂತರ ಹಸಿಮೆಣಸಿನಕಾಯಿ ಹಾಗೂ ರುಚಿಗೆ ತಕ್ಕ ಉಪ್ಪು ಹಾಕಿ ಸ್ವಲ್ಪ ಹೊತ್ತು ಹುರಿಯಬೇಕು.

* ಈಗ ಗಟ್ಟಿ ಮೊಸರು ಹಾಕಿ ಚೆನ್ನಾಗಿ ತಿರುಗಿಸಬೇಕು. ಕೊತ್ತಂಬರಿ ಪುಡಿ, ಖಾರದ ಪುಡಿ, ಅರಿಶಿಣ ಪುಡಿ ಹಾಕಿ ಸ್ವಲ್ಪ ಹೊತ್ತು ಸೌಟ್ ನಿಂದ ಕುದಿಸಬೇಕು. ನಂತರ ಫ್ರೈ ಮಾಡಿದ ಬದನೆಕಾಯಿ ಅದರಲ್ಲಿ ಹಾಕಿ 2 ನಿಮಿಷ ಕುದಿಸಿ ಅದನ್ನು ಉರಿಯಿಂದ ಇಳಿಸಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರವಾದ ಬದನೆ ಕಾಯಿಯ ಖಾದ್ಯ ರೆಡಿ.