ಆಪಲ್‌ ಸಾರು

ಆ್ಯಪಲ್‌ ಜ್ಯೂಸ್‌ ಕುಡಿದಿರುವ ನಿಮಗೆ ಆ್ಯಪಲ್‌ ಸಾರಿನ ರುಚಿ ಗೊತ್ತಿರಲಿಕ್ಕಿಲ್ಲ. ಒಮ್ಮೆ ಮಾಡಿ ನೋಡಿ; ಆಮೇಲೆ ಜ್ಯೂಸಿಗಿಂತ ಸಾರೇ ಒಳ್ಳೇದು ಅನಿಸುತ್ತದೆ.

ಬೇಕಾದ ಸಾಮಗ್ರಿಗಳು:

ಬಲಿತ ಆ್ಯಪಲ್‌-2
ಹಸಿಮೆಣಸು -4 ರಿಂದ 6
ಉಪ್ಪು
ಬೆಲ್ಲ(ಬೇಕಿದ್ದರೆ)

ಒಗ್ಗರಣೆಗೆ:
ಸಾಸಿವೆ,ಕರಿಬೇವು, ಇಂಗು
ಅಥವಾ
ಜೀರಿಗೆ, ಕರಿಬೇವು,ಬೆಳ್ಳುಳ್ಳಿ ಪುಡಿ

ಆ್ಯಪಲ್‌ನ್ನು ತೊಳೆದು ನಾಲ್ಕು ಭಾಗವಾಗಿ ಮಾಡಿ, ಬೀಜ ತೆಗೆದು ನೀರಲ್ಲಿ ಬೇಯಿಸಿ. ಬೆಂದ ನಂತರ, ನೀರಿನಿಂದ ಆ್ಯಪಲ್‌ನ್ನು ಬೇರ್ಪಡಿಸಿ ಅದರ ಸಿಪ್ಪೆ ತೆಗೆಯಿರಿ. ಬೆಂದಿರುವುದರಿಂದ ಬೇಗನೆ ಸುಲಿಯಲು ಬರುತ್ತದೆ. ನಂತರ ಸೌಟಿನಿಂದ ಕದಡಿ ನೀರಿಗೆ ಹಾಕಿ, ಇನ್ನೊಂದು ಲೀಟರು ನೀರು ಸೇರಿಸಿ ಕುದಿಸಿ.

ಹಸಿಮೆಣಸು ಮದ್ಯದಲ್ಲಿ ಉದ್ದಕ್ಕೆ ಸೀಳಿ ಸಾರಿಗೆ ಸೇರಿಸಿ. ಉಪ್ಪು ಹಾಕಿ. ಆ್ಯಪಲ್‌ ಹುಳಿ ಹುಳಿಯಾಗಿದ್ದರೆ, ರುಚಿಗೆ ಸ್ವಲ್ಪ ಬೆಲ್ಲ ಸೇರಿಸಿ. 5 ನಿಮಿಷ ಕುದಿಯಲು ಬಿಡಿ. ಮೇಲೆ ಹೇಳಿದ ಎರಡು ಬಗೆಯ ಒಗ್ಗರಣೆಯಲ್ಲಿ ಯವುದಾದರೂ ಒಂದನ್ನು ಹಾಕಿ. ಅಥವಾ ನಿಮ್ಮಿಷ್ಟದಂತೆ ನಿಮಗೆ ಬೇಕಾದ ರೀತಿಯಲ್ಲಿ ಒಗ್ಗರಣೆ ಹಾಕಿ. ಒಲೆ ಆರಿಸಲು ಮರೆಯದಿರಿ. ಈಗ ನಿಮ್ಮೆದುರಿಗೆ ಇರುವುದೇ ಸ್ವಾದಿಷ್ಟವಾದ . ಅನ್ನದೊಂದಿಗೆ ಉಪಯೋಗಿಸಬಹುದು. ಇಲ್ಲದಿದ್ದರೆ ಸೂಪ್‌ ನಂತೆ ಕುಡಿಯಲೂ ಬಹುದು.