ಪಾಕಶಾಲೆ: ದೊಣ್ಣೆ ಮೆಣಸಿನಕಾಯಿ ಮಜ್ಜಿಗೆ ಹುಳಿ

ಈಗೀಗಂತು ಮಸಾಲೆ ಪದಾರ್ಥಗಳನ್ನು ತಿಂದು ತಿಂದೂ ಹೊಟ್ಟೆ ಬಾಯಿ ಎರಡೂ ಕೆಟ್ಟು ಹೋಗಿದೆ. ಫಾಸ್ಟ್‌ಪುಡ್‌ಗಳು, ಜಂಕ್‌ಫುಡ್‌ಗಳು ಎಲ್ಲಿ ಹೋದರೂ ಸಿಗುತ್ತವೆ. ಆದರೆ ಮಜ್ಜಿಗೆ ಹುಳಿ ಅದರಲ್ಲೂ ವಿಶೇಷವಾಗಿ ದೊಣ್ಣೆ ಮೆಣಸಿನಕಾಯಿ ಮಜ್ಜಿಗೆ ಹುಳಿ ಯಾವುದೇ ಭೋಜನಾಲಯದಲ್ಲೂ ಸಿಗುವುದಿಲ್ಲ. ಒಂದು ವೇಳೆ ಸಿಕ್ಕರೂ ಮನೆ ಅಡುಗೆಗೆ ಸರಿಸಮಾನ ಬರುವುದಿಲ್ಲ. ಸಿಂಪಲ್ಲಾಗಿ ದೊಣ್ಣೆ ಮೆಣಸಿನಕಾಯಿ ಮಜ್ಜಿಗೆ ಹುಳಿ ಮಾಡುವುದನ್ನು ತಿಳಿಸಿಕೊಟ್ಟಿದ್ದಾರೆ ಮೈಸೂರಿನ ರಾಧಿಕಾ.

ಬೇಕಾಗುವ ಸಾಮಗ್ರಿ
ಎಣ್ಣೆ: 4 ಚಮಚ
ಮಧ್ಯಮ ಗಾತ್ರದ ತೆಂಗಿನಕಾಯಿ: 1
ಮಜ್ಜಿಗೆ: 1/2 ಲೀಟರ್
ಒಗ್ಗರಣೆಗೆ ಸಾಸಿವೆ: 1/2 ಚಮಚ
ಉಪ್ಪು: ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ
ಮೊದಲು ದೊಣ್ಣೆ ಮೆಣಸಿನಕಾಯಿಯನ್ನು ಚೆನ್ನಾಗಿ ತೊಳೆದುಕೊಳ್ಳಬೇಕು. ಎರಡು ಲೀಟರಿನ ಸ್ಟೀಲ್ ಪಾತ್ರೆಯಲ್ಲಿ ಎಣ್ಣೆ ಹಾಕಿ ಕೆಂಪಗೆ ಹುರಿದುಕೊಂಡು ಪಕ್ಕಕ್ಕಿಡಿ. ತೆಂಗಿನಕಾಯಿಯನ್ನು ಮಿಕ್ಸಿಗೆ ಹಾಕಿ ನುಣ್ಣ್ಣಗೆ ರುಬ್ಬಿಕೊಂಡ ನಂತರ ಮಜ್ಜಿಗೆ ಮತ್ತು ಉಪ್ಪುಹಾಕಿ ಕುದಿಸಿ. ಹುರಿದಿಟ್ಟುಕೊಂಡ ದೊಣ್ಣೆ ಮೆಣಸಿನಕಾಯಿನ್ನು ಮಜ್ಜಿಗೆಗೆ ಹಾಕಿ ಒಗ್ಗರಣೆ ಕೊಡಬೇಕು. ಹಬೆಯಾಡುತ್ತಿರುವ ಬಿಸಿಬಿಸಿ ಅನ್ನಕ್ಕೆ ದೊಣ್ಣೆಮೆಣಸಿನ ಮಜ್ಜಿಗೆ ಹುಳಿ ಜೊತೆಗೆ ಒಂದಿಷ್ಟು ಈರುಳ್ಳಿ ಹೇಳಿ ಮಾಡಿಸಿದ ಜೋಡಿ.