ಚಿಕನ್ ಪ್ರಿಯರಿಗಾಗಿ ಚಿಕನ್ ಟಿಕ್ಕಾ

Rasam

oi-Reena

By Hema S

Published: Saturday, April 28, 2012, 15:59 [IST]

ಚಿಕನ್ ಪ್ರಿಯರು ಚಿಕನ್ ಟಿಕ್ಕಾ ತಿನ್ನಲು ವೀಕೆಂಡ್‌ಗಳಲ್ಲಿ ರೆಸ್ಟೋರೆಂಟ್‌ಗೆ ಹೋಗುತ್ತಾರೆ. ರೆಸ್ಟೋರೆಂಟ್‌ನಲ್ಲಿ ಸಿಗುವಷ್ಟು ರುಚಿಕರವಾದ ಟಿಕ್ಕಾವನ್ನು ಮನೆಯಲ್ಲಿ ಸುಲಭದಲ್ಲಿಯೆ ತಯಾರಿಸಬಹುದಾಗಿದ್ದು ಅದನ್ನು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 1 ಕಪ್ ಹೆಚ್ಚು ಹುಳಿಯಿಲ್ಲದ ಮೊಸರು
* 1 ಕಪ್ ಕೊತ್ತಂಬರಿ ಸೊಪ್ಪು
* 2 ಚಮಚ ಬೆಳ್ಳುಳ್ಳಿ ಪೇಸ್ಟ್
* 3-4 ಚಮಚ ಗರಂ ಮಸಾಲ
* ಒಂದು ಚಮಚ ಕರಿಮೆಣಸಿನ ಪುಡಿ ಅಥವಾ 2 ಒಣ ಕೆಂಪು ಮೆಣಸಿನ ಕಾಯಿ
* 3 ಚಮಚ ನಿಂಬೆ ರಸ
* 1 ಕೆಜಿ ಚಿಕನ್
* ತೆಳುವಾಗಿ ಕತ್ತರಿಸಿದ ಈರುಳ್ಳಿ 1
* 1 ಚಮಚ ಚಾಟ್ ಮಸಾಲ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಕೊತ್ತಂಬರಿ ಸೊಪ್ಪು , ಬೆಳ್ಳುಳ್ಳಿ, ಕರಿಮೆಣಸು ಅಥವಾ ಕೆಂಪು ಮೆಣಸಿನ ಕಾಯಿ, ಗರಂ ಮಸಾಲ ಇವುಗಳನ್ನು ಹಾಕಿ ಪೇಸ್ಟ್ ಮಾಡಬೇಕು.

2. ಈಗ ಈ ಮಿಶ್ರಣವನ್ನು ಮೊಸರಿಗೆ ಸೇರಿಸಿ, ರುಚಿಗೆ ತಕ್ಕ ಉಪ್ಪು ಹಾಕಬೇಕು. ಈಗ ಕತ್ತರಿಸಿದ ಚಿಕನ್ ಅನ್ನು ಈ ಮಿಶ್ರಣದಲ್ಲಿ ಹಾಕಿ ಒಂದು ರಾತ್ರಿ ಫ್ರಿಜ್‌ನಲ್ಲಿ ಇಡಬೇಕು.

3. ಈಗ ಮೈಕ್ರೋವೇವ್ ಅನ್ನು ಮುಂಚಿತವಾಗಿ ಬಿಸಿ ಮಾಡಿಡಬೇಕು. ನಂತರ ಚಿಕನ್ ಅನ್ನು ಗ್ರಿಲ್ಡ್ ಸರಳುಗಳಲ್ಲಿ ಹಾಕಿ ಚೆನ್ನಾಗಿ ರೋಸ್ಟ್ ಮಾಡಬೇಕು.

4. ನಂತರ ಚಿಕನ್ ಅನ್ನು ಸರಳು ಕಂಬಿಗಳಿಂದ ತೆಗೆದು ಪ್ಲೇಟ್‌ನಲ್ಲಿ ಹಾಕಿ ನಿಂಬೆ ರಸ ಹಿಂಡಿ ಕತ್ತರಿಸಿದ ಈರುಳ್ಳಿ ಮತ್ತು ನಿಂಬೆಹಣ್ಣಿನಿಂದ ಅಲಂಕರಿಸಿದರೆ ತಿನ್ನಲು ರುಚಿಯಾದ ಚಿಕನ್ ಟಿಕ್ಕಾ ರೆಡಿ.