ಪಾಕಶಾಲೆಯಲ್ಲಿ ಸುಲಭ ಟೊಮಾಟೊ ಸಾರು

ಸಾರು ಎಂದರೆ ಥಟ್ಟನೆ ನೆನಪಾಗುವುದು, ತಿಳಿ ಬೇಳೆ ಸಾರು ,ಇದರ ಜತೆಗೆ ಟೊಮಾಟೊ ಸಾರು ಸಹ ಸೇರುತ್ತದೆ. ಟೊಮಾಟೊ ಸಾರು ತಯಾರಿಸುವ ಹಲವಾರು ವಿಧಾನಗಳಿವೆ. ಈಗೆಲ್ಲಾ ದಿಢೀರ್ ಸಾರು ತಯಾರಿಸಲು ಪುಡಿಗಳ ನೆರವಿದ್ದರೂ, ಇಲ್ಲಿ ಸುಲಭವಾದ ಒಂದು ವಿಧಾನದ ಪರಿಚಯ ಮಾಡಿಕೊಡಲಾಗುತ್ತಿದೆ.

ಬೇಕಾಗುವ ಸಾಮಾಗ್ರಿಗಳು:
ಸಣ್ಣಗೆ ಕತ್ತರಿಸಿದ 4 ದೊಡ್ಡ ಟೊಮಾಟೊ
ತೊಗರಿಬೇಳೆ: 3 ಟೇಬಲ್ ಚಮಚ
ಉದ್ದಕ್ಕೆ ಸೀಳಿದ ಹಸಿ ಮೆಣಸಿನಕಾಯಿ: 3
ಶುಂಠಿ ಚೂರು : ಸಣ್ಣಗೆ ಕೊಚ್ಚಿದ್ದು,
ಸ್ವಲ್ಪ ಅರಿಶಿನ ಪುಡಿ
ನೀರು : ಎರಡೂವರೆ ಕಪ್
ರುಚಿಗೆ ತಕ್ಕಷ್ಟು ಉಪ್ಪು
ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಸ್ವಲ್ಪ

ಒಗ್ಗರಣೆಗೆ:
ಸಾಸಿವೆ : ಕಾಲು ಟೀ ಚಮಚ
ಜೀರಿಗೆ: ಕಾಲು ಟೀ ಚಮಚ
ಚೂರು ಮಾಡಿದ ಒಣಮೆಣಸಿನಕಾಯಿ: 1
ಕಾಳು ಮೆಣಸಿನಪುಡಿ: ಅರ್ಧ ಟೀ ಚಮಚ
ಇಂಗಿನಪುಡಿ ಸ್ವಲ್ಪ
ಕರಿಬೇವಿನ ಎಲೆಸ್ವಲ್ಪ

ಮಾಡುವ ವಿಧಾನ:

ತೊಗರಿಬೇಳೆಯನು ಕುಕ್ಕರ್ ನಲ್ಲಿ ಬೇಯಿಸಿ. ಬಾಣಲೆಯಲ್ಲಿ ಒಗ್ಗರಣೆಯಲ್ಲಿ ಹೇಳಿದ ಸಾಮಾಗ್ರಿಗಳನ್ನು ಸಾಸಿವೆ ಸಿಡಿದನಂತರಹಾಕಿ. ಹಸಿ ಮೆಣಸಿನಕಾಯಿ, ಶುಂಠಿ ಮತ್ತು ಟೊಮಾಟೊ ಒಗ್ಗರಣೆಗೆ ಹಾಕಿ. 1ಲೋಟ ನೀರು , ಉಪ್ಪು ಮತ್ತು ಅರಿಶಿನಪುಡಿಯನ್ನು ಹಾಕಿ ಸಣ್ಣ ಉರಿಯಲ್ಲಿ 5 ನಿಮಿಷ ಕುದಿಸಿ. ಬೇಯಿಸಿದ ಬೇಳೆಯನ್ನು ಮತ್ತು ಉಳಿದ ಒಂದೂವರೆ ನೀರನ್ನು ಹಾಕಿ ಕುದಿಸಿ. ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಹಾಕಿ ಬಡಿಸಿ.

(ದಟ್ಸ್ ಕನ್ನಡ ಪಾಕಶಾಲೆ)