5 ನಿಮಿಷದ ಚಟ್ನಿ.. ಪ್ರತಿ ತುತ್ತಿನ ರುಚಿ ಹೆಚ್ಚಿಸುತ್ತೆ ಈ ಚಟ್ನಿ! ಈ ರೀತಿ ಮಾಡಿದ್ರೆ ರುಚಿ ಅಮೋಘ

ಪ್ರತಿ ತುತ್ತಿನ ರುಚಿ ಹೆಚ್ಚಿಸುತ್ತೆ ಈ ಸ್ಪೆಷಲ್ ಚಟ್ನಿ! ಯಾವುದೇ ತಿಂಡಿಗೂ ಪರ್ಫೆಕ್ಟ್.. ಇಡ್ಲಿ, ದೋಸೆ, ಪೂರಿಗೆ ಇದೊಂದಿದ್ದರೆ ಸಾಕು. ಈ ರೀತಿ ಹೋಟೆಲ್ ಸ್ಟೈಲ್‌ನಲ್ಲಿ ಮಾಡಿದರೆ ರುಚಿ ಅಮೋಘ. ಒಮ್ಮೆ ಟ್ರೈ ಮಾಡಿದರೆ ಪದೇ ಪದೆ ಮಾಡ್ತಾನೇ ಇರುತ್ತೀರಾ. ಹೌದು, ಮಾಮೂಲಿ ಚಟ್ನಿ ತಿಂದು ಬೇಜಾರಾಗಿದೆಯೇ? ಹಾಗಿದ್ರೆ ಶೇಂಗಾ, ಬಿಳಿ ಎಳ್ಳು ಮತ್ತು ತಾಜಾ ಕೊತ್ತಂಬರಿ ಸೊಪ್ಪಿನ (Peanut Sesame Coriander Chutney) ಈ ಕಾಂಬಿನೇಷನ್ ಚಟ್ನಿಯನ್ನು ಇಂದೇ ಮಾಡಿ ನೋಡಿ.

ನಮ್ಮ ಊಟದ ಕ್ರಮದಲ್ಲಿ ಚಟ್ನಿಗೆ (Chutney) ಯಾವಾಗಲೂ ವಿಶೇಷ ಸ್ಥಾನ. ಬಿಸಿ ಅನ್ನವಿರಲಿ ಅಥವಾ ಬೆಳಗ್ಗಿನ ತಿಂಡಿಗಳಾದ ಇಡ್ಲಿ-ದೋಸೆ ಇರಲಿ, ರುಚಿಕರ ಚಟ್ನಿಯೊಂದಿದ್ದರೆ ಊಟದ ಸವಿ ಇಮ್ಮಡಿಯಾಗುತ್ತದೆ. ಸಾಮಾನ್ಯವಾಗಿ ನಾವು ಕಡಲೆಕಾಯಿ ಅಥವಾ ಕೊತ್ತಂಬರಿ ಚಟ್ನಿ ಮಾಡುವುದು ರೂಢಿ. ಆದರೆ ಶೇಂಗಾ, ಎಳ್ಳು ಮತ್ತು ಕೊತ್ತಂಬರಿ ಸೊಪ್ಪಿನ ಮಿಶ್ರಣದ ಈ ವಿಶಿಷ್ಟ ಚಟ್ನಿಯನ್ನು (Moongfali Til Dhaniya Chutney) ನೀವು ಪ್ರಯತ್ನಿಸಿದ್ದೀರಾ? ಈ ಮೂರೂ ಪದಾರ್ಥಗಳ ಸಂಯೋಜನೆಯು ಚಟ್ನಿಗೆ ಅಪ್ರತಿಮ ರುಚಿ ನೀಡುತ್ತೆ.

Photo Credit: ಸಂಗ್ರಹ ಚಿತ್ರ: ಇಂಟರ್ನೆಟ್

ಕೇವಲ ರುಚಿಯಲ್ಲ, ಆರೋಗ್ಯಕ್ಕೂ ಸೈ!

ಕೇವಲ 10 ನಿಮಿಷಗಳಲ್ಲಿ ತಯಾರಿಸಬಹುದಾದ ಈ ಚಟ್ನಿ ಯಾವುದೇ ಭಕ್ಷ್ಯಕ್ಕೂ ಪರಿಪೂರ್ಣ ಜೋಡಿಯಾಗಿದೆ. ಶೇಂಗಾ ಪ್ರೋಟೀನ್‌ಗೆ, ಎಳ್ಳು ದೇಹಕ್ಕೆ ಅಗತ್ಯವಾದ ಕ್ಯಾಲ್ಸಿಯಂ ಹಾಗೂ ಉತ್ತಮ ಕೊಬ್ಬಿಗೆ, ಮತ್ತು ಕೊತ್ತಂಬರಿ ಸೊಪ್ಪು ವಿಟಮಿನ್‌ಗಳಿಗೆ ಉತ್ತಮ ಮೂಲ. ಇದು ಕೇವಲ ರುಚಿಯಷ್ಟೇ ಅಲ್ಲ, ಆರೋಗ್ಯದ ದೃಷ್ಟಿಯಿಂದಲೂ ಪ್ರಯೋಜನಕಾರಿ. ಇದನ್ನು ರೊಟ್ಟಿ (Roti), ಪರೋಟ, ಇಡ್ಲಿ (Idli), ದೋಸೆ (Dosa) ಅಥವಾ ಅನ್ನದ ಜೊತೆಗೂ ಸವಿಯಬಹುದು.

ಈ ಚಟ್ನಿಗೆ ಅಗತ್ಯವಿರುವ ಸಾಮಗ್ರಿಗಳು ಮತ್ತು ತಯಾರಿಸುವ ಸುಲಭ ವಿಧಾನ (Peanut Sesame Coriander Chutney Recipe) ಇಲ್ಲಿದೆ.

ಈ ಚಟ್ನಿಗೆ ಬೇಕಾಗುವ ಸಾಮಗ್ರಿಗಳು

• ಬಿಳಿ ಎಳ್ಳು
• ಶೇಂಗಾ (ಕಡಲೆಕಾಯಿ)
• ಹಸಿ ಮೆಣಸಿನಕಾಯಿ
• ಬೆಳ್ಳುಳ್ಳಿ
• ತಾಜಾ ಕೊತ್ತಂಬರಿ ಸೊಪ್ಪು
• ಉಪ್ಪು
• ನೀರು

ಒಗ್ಗರಣೆಗೆ

• ಎಣ್ಣೆ
• ಸಾಸಿವೆ
• ಕರಿಬೇವು
• ಇಂಗು

ಈ ಚಟ್ನಿ ತಯಾರಿಸುವ ವಿಧಾನ

- ಮೊದಲು ಎಣ್ಣೆ ಬಳಸದೆ ಬಾಣಲೆಯಲ್ಲಿ ಶೇಂಗಾವನ್ನು ಸಣ್ಣ ಉರಿಯಲ್ಲಿ ಹುರಿಯಿರಿ. ಶೇಂಗಾ ಅರ್ಧ ಬೆಂದಾಗ ಎಳ್ಳನ್ನು ಸೇರಿಸಿ ಹುರಿಯಿರಿ.

- ಎಳ್ಳು ಬೇಗ ಸಿಡಿಯುವುದರಿಂದ ಎಚ್ಚರವಿರಲಿ. ಎರಡೂ ಹೊಂಬಣ್ಣಕ್ಕೆ ತಿರುಗಿದಾಗ ಒಲೆಯಿಂದ ಇಳಿಸಿ ತಣ್ಣಗಾಗಲು ಬಿಡಿ. ಹೆಚ್ಚು ಹುರಿದರೆ ಚಟ್ನಿ ಕಹಿಯಾಗಬಹುದು.

- ಹುರಿದ ಮಿಶ್ರಣ ತಣ್ಣಗಾದ ಮೇಲೆ ಮಿಕ್ಸರ್ ಜಾರ್‌ಗೆ ಹಾಕಿ. ಇದಕ್ಕೆ ಹಸಿಮೆಣಸಿನಕಾಯಿ, ಬೆಳ್ಳುಳ್ಳಿ, ಕೊತ್ತಂಬರಿ ಸೊಪ್ಪು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ.

- ಸ್ವಲ್ಪ ನೀರು ಹಾಕುತ್ತಾ ನಯವಾಗಿ ರುಬ್ಬಿಕೊಳ್ಳಿ. ಚಟ್ನಿ ಅತಿ ತೆಳು ಅಥವಾ ಅತಿ ಗಟ್ಟಿಯಾಗದಂತೆ, ಮಧ್ಯಮ ಹದದಲ್ಲಿರಬೇಕು.

- ಚಟ್ನಿಯ ರುಚಿ ಹೆಚ್ಚಿಸಲು ಒಗ್ಗರಣೆ ಅಗತ್ಯ. ಒಂದು ಸಣ್ಣ ಸೌಟಿನಲ್ಲಿ ಎಣ್ಣೆ ಬಿಸಿ ಮಾಡಿ, ಸಾಸಿವೆ ಹಾಕಿ. ಅದು ಸಿಡಿದ ತಕ್ಷಣ ಕರಿಬೇವು ಮತ್ತು ಇಂಗು ಸೇರಿಸಿ. ತಕ್ಷಣವೇ ಈ ಒಗ್ಗರಣೆಯನ್ನು ರುಬ್ಬಿದ ಚಟ್ನಿಯ ಮೇಲೆ ಸುರಿಯಿರಿ. ಇದು ರುಚಿಗೆ ಕೊನೆಯ ಸ್ಫರ್ಶ ನೀಡುತ್ತದೆ.

ಆರೋಗ್ಯ ಪ್ರಯೋಜನಗಳು

* ಈ ಸ್ಪೆಷಲ್ ಚಟ್ನಿ ಪೌಷ್ಟಿಕಾಂಶದಿಂದ ಕೂಡಿದೆ.

* ಶೇಂಗಾ ಪ್ರೋಟೀನ್, ಎಳ್ಳು ಮಿನರಲ್ಸ್‌ಗಳನ್ನು ನೀಡಿದರೆ, ಕೊತ್ತಂಬರಿ ಸೊಪ್ಪು ಮತ್ತು ಬೆಳ್ಳುಳ್ಳಿ ಜೀರ್ಣಕ್ರಿಯೆಗೆ ಸಹಕರಿಸುತ್ತವೆ.

* ಕೇವಲ ಹತ್ತೇ ನಿಮಿಷದಲ್ಲಿ ತಯಾರಾಗುವುದರಿಂದ, ಸಮಯದ ಅಭಾವವಿರುವವರಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ. ರುಚಿ ಮತ್ತು ಆರೋಗ್ಯ ಎರಡನ್ನೂ ಒದಗಿಸುತ್ತದೆ.

ಮನೆಯಲ್ಲಿ ಈ ಶೇಂಗಾ, ಎಳ್ಳು & ಕೊತ್ತಂಬರಿ ಚಟ್ನಿಯನ್ನು ಒಮ್ಮೆ ತಯಾರಿಸಿ ನೋಡಿ. ಇದರ ವಿಶೇಷ ರುಚಿ ನಿಮ್ಮ ಮನೆಯವರ ಮನ ಗೆಲ್ಲುವುದು ಖಂಡಿತ. ಬಿಸಿ ತುಪ್ಪ ಸವರಿದ ಚಪಾತಿ, ಗರಿಗರಿಯಾದ ದೋಸೆ ಅಥವಾ ಅನ್ನದೊಂದಿಗೆ ಇದನ್ನು ಸವಿಯಲು ಮರೆಯದಿರಿ ಮತ್ತು ಈ ಅನನ್ಯ ರುಚಿಯನ್ನು ಎಂಜಾಯ್ ಮಾಡಿ.