ರುಚಿಯನ್ನು ಮಸ್ತಾಗಿಸುವ ಮಸಾಲಾ ಹಲಸು ರೆಸಿಪಿ!

ನಿಮಗೆಲ್ಲಾ ತಿಳಿದಿರುವಂತೆ ಹಲಸಿನ ಕಾಯಿ (ಗುಜ್ಜೆ) ಯ ಸೀಸನ್ ಈಗ. ನಿಮ್ಮಲ್ಲಿ ಹಲವರಿಗಂತೂ ಗುಜ್ಜೆ (ಹಲಸು) ಎಂದರೆ ವಿಶೇಷ ಅಕ್ಕರೆ ಎಂಬುದು ನಮಗೆ ತಿಳಿದಿದೆ. ನಿಮ್ಮಲ್ಲಿ ಯಾರಿಗೆ ಈ ತರಕಾರಿಯ ಬಗ್ಗೆ ತಿಳಿದಿಲ್ಲ ಅವರಿಗೆ ತಿಳಿಸುವ ಆಸೆ ನಮ್ಮದಾಗಿದೆ.

ಈ ತರಕಾರಿಯಿಂದ ತಯಾರಿಸಲಾಗುವ ಮಸಾಲಾ ರೆಸಿಪಿಯನ್ನು ನಿಮಗೆ ಉಣಬಡಿಸಿ ನಿಮ್ಮಿಂದ ಭೇಶ್ ಹೇಳಿಸಿಕೊಳ್ಳುವ ತುಡಿತ ನಮ್ಮದು. ಹಲಸನ್ನು ಹಿಂದಿಯಲ್ಲಿ 'ಕತಾಲ್' ಎಂದು ಕರೆಯುತ್ತಾರೆ. ಈ ಮಸಲಾ ಕತಾಲ್ ರೆಸಿಪಿಯನ್ನು ಸುವಾಸಿತ ಮತ್ತು ಬಾಯಿ ರುಚಿಯನ್ನು ಮಸ್ತಾಗಿಸುವ ಸಾಂಬಾರು ಪದಾರ್ಥಗಳಿಂದ ತಯಾರಿಸಲಾಗುತ್ತದೆ.

ರುಚಿ ಹೆಚ್ಚಿಸುವುದಲ್ಲದೆ ಹಲಸು ಒಂದು ಆರೋಗ್ಯಪೂರ್ಣ ತರಕಾರಿಯಾಗಿದೆ. ಇದರಲ್ಲಿ ಉತ್ಕರ್ಷಣ ನಿರೋಧಿ ಅಂಶಗಳಿದ್ದು ನಿಮ್ಮ ದೃಷ್ಟಿಯನ್ನು ಸುಧಾರಿಸುವ ಸಾಮರ್ಥ್ಯ ಹಲಸಿನಲ್ಲಿ ಅಡಗಿದೆ. ಹಾಗಿದ್ದರೆ ಇನ್ನೇಕೆ ತಡ, ಈ ರುಚಿಕರ ಮಸಾಲಾ ಕತಾಲ್ ರೆಸಿಪಿಯ ತಯಾರಿಯನ್ನು ಕಲಿತುಕೊಳ್ಳಿ ಮತ್ತು ಮನೆಮಂದಿಗೆಲ್ಲಾ ಉಣಬಡಿಸಿ ಸೈ ಎನ್ನಿಸಿಕೊಳ್ಳಿ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ: ಯುಗಾದಿ ಸ್ಪೆಶಲ್ ಮಸಾಲಾ ಗರೇಲು ರೆಸಿಪಿ!

ಪ್ರಮಾಣ: 3
ಸಿದ್ಧತಾ ಸಮಯ: 10 ನಿಮಿಷಗಳು
ಅಡುಗೆಗೆ ಬೇಕಾದ ಸಮಯ: 20 ನಿಮಿಷಗಳು

ಸಾಮಾಗ್ರಿಗಳು:
(ಗುಜ್ಜೆ) ಎಳೆ ಹಲಸಿನ ಕಾಯಿ - 250 ಗ್ರಾಮ್ (ತುಂಡರಿಸಿದ್ದು)
ಈರುಳ್ಳಿ - 2 (ಕತ್ತರಿಸಿದ್ದು)
ಟೊಮೇಟೋ - 2 (ಕತ್ತರಿಸಿದ್ದು)
ಶುಂಠಿ - ಬೆಳ್ಳುಳ್ಳಿ ಪೇಸ್ಟ್ - 1 ಸ್ಪೂನ್
ಜೀರಿಗೆ ಹುಡಿ - 1 ಸ್ಪೂನ್
ಮೆಣಸಿನ ಹುಡಿ - 1 ಸ್ಪೂನ್
ಡ್ರೈ ಮ್ಯಾಂಗೋ ಪೌಡರ್ - 1 ಸ್ಪೂನ್
ಉಪ್ಪು - ರುಚಿಗೆ ತಕ್ಕಷ್ಟು
ಗರಂ ಮಸಾಲಾ ಪೌಡರ್ - 1/2 ಸ್ಪೂನ್
ಎಣ್ಣೆ - 1 ಸ್ಪೂನ್
ಎಣ್ಣೆ - ಕರಿಯಲು
ಕರಿಬೇವಿನೆಲೆ - 2 ಸ್ಫೂನ್ (ಕತ್ತರಿಸಿದ್ದು)

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ: ರುಚಿಯಾದ ಮಸಾಲೆ ಆಲೂ ರೆಸಿಪಿ

ಮಾಡುವ ವಿಧಾನ:
1. ಹಲಸಿನ ತುಂಡುಗಳನ್ನು ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ. ಉಪ್ಪು ಮತ್ತು ಹುಳಿಯಲ್ಲಿ ಹಲಸಿನ ತುಂಡುಗಳನ್ನು ಮುಳುಗಿಸಿಡಿ.

2.ಪ್ಯಾನ್‌ನಲ್ಲಿ ಎಣ್ಣೆ ಬಿಸಿ ಮಾಡಿ. ಮಧ್ಯಮ ಉರಿಯಲ್ಲಿ ಹಲಸಿನ ತುಂಡುಗಳನ್ನು 5-6 ನಿಮಿಷಗಳ ಕಾಲ ಫ್ರೈ ಮಾಡಿ.

3.ಹಲಸು ಚೆನ್ನಾಗಿ ಬೆಂದ ನಂತರ, ಅದನ್ನು ಪ್ಲೇಟ್‌ಗೆ ವರ್ಗಾಯಿಸಿ.

4.ಪ್ಯಾನ್‌ನಲ್ಲಿ ಎಣ್ಣೆ ಬೆಚ್ಚಗೆ ಮಾಡಿ ಮತ್ತು ಅದಕ್ಕೆ ಈರುಳ್ಳಿ ಹಾಕಿ. ಈರುಳ್ಳಿಯನ್ನು 3-4 ನಿಮಿಷಗಳ ಕಾಲ ಮಧ್ಯಮ ಉರಿಯಲ್ಲಿ ಹುರಿಯಿರಿ.

5.ಈಗ ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಅನ್ನು ಸೇರಿಸಿ ಮತ್ತು 2-3 ನಿಮಿಷಗಳ ಕಾಲ ಫ್ರೈ ಮಾಡಿ.

6.ಟೊಮೇಟೋ, ಉಪ್ಪು, ಅರಶಿನ ಹುಡಿ, ಮೆಣಸಿನ ಹುಡಿ, ಜೀರಿಗೆ ಹುಡಿ, ಡ್ರೈ ಮ್ಯಾಂಗೋ ಪೌಡರ್ ಸೇರಿಸಿ ಮತ್ತು 3-4 ನಿಮಿಷಗಳ ಕಾಲ ಬೇಯಿಸಿ.

7.ಮಸಾಲಾ ಚೆನ್ನಾಗಿ ಬೆಂದ ನಂತರ, ಹುರಿದ ಹಲಸಿನ ತುಂಡುಗಳನ್ನು ಸೇರಿಸಿ ಹಾಗೂ ಗರಂ ಮಸಾಲಾ ಹುಡಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಿ.

8.ಸ್ವಲ್ಪ ನೀರು ಹಾಕಿ ಮತ್ತು ಮಧ್ಯಮ ಉರಿಯಲ್ಲಿ ಹಲಸು 5-7 ನಿಮಿಷಗಳ ಕಾಲ ಬೇಯಲಿ.

9. ಎಲ್ಲಾ ಪೂರ್ಣಗೊಂಡ ನಂತರ, ಗ್ಯಾಸ್ ಆಫ್ ಮಾಡಿ ಮತ್ತು ಕತ್ತರಿಸಿದ ಕೊತ್ತಂಬರಿ ಸೊಪ್ಪಿನಿಂದ ಕರಿಯನ್ನು ಅಲಂಕರಿಸಿ.

ಖಾರ ಹುಳಿ ಮಿಶ್ರಿತ ಮಸಾಲಾ ಕತಾಲ್ ಕರಿ ಸವಿಯಲು ಸಿದ್ಧವಾಗಿದೆ. ಅನ್ನ ಅಥವಾ ರೋಟಿಯೊಂದಿಗೆ ಇದನ್ನು ಸವಿಯಿರಿ.