ಈ ಗುಜರಾತಿ ಆಲೂ ಸಬ್ಜಿಯ ವಿಶೇಷತೆ ಏನು?

ಚಪಾತಿ, ಪೂರಿಗೆ ಆಲೂ ಬಾಜಿ ಅಥವಾ ಸಬ್ಜಿ ಮಾಡುವುದು ನಮಗೇನು ವಿಶೇಷವಲ್ಲ. ಆದರೆ ಒಂದೊಂದು ಕಡೆಗಳಲ್ಲಿ ಇದನ್ನು ಮಾಡುವ ವಿಧಾನ ಭಿನ್ನವಾಗಿರುತ್ತದೆ, ಇದರಿಂದಾಗಿ ರುಚಿಯೂ ಭಿನ್ನವಾಗಿರುತ್ತದೆ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ.

ಇಲ್ಲಿ ನಾವು ಗುಜರಾತಿ ಶೈಲಿಯ ಆಲೂ ಸಬ್ಜಿಯ ಬಗ್ಗೆ ಹೇಳಿದ್ದೇವೆ. ನಾವು ಸಾಮಾನ್ಯವಾಗಿ ಆಲೂಗಡ್ಡೆಯನ್ನು ಮೊದಲೇ ಬೇಯಿಸಿ ಬಾಜಿ ಮಾಡುತ್ತೇವೆ. ಆದರೆ ಈ ಸಬ್ಜಿಯನ್ನು ಹಾಗೆ ಮಾಡಲ್ಲ, ಹಾಗಾದರೆ ಇದರ ವಿಶೇಷವೇನು ಎಂದು ನೋಡೋಣ ಬನ್ನಿ.

ಬೇಕಾಗುವ ಸಾಮಾಗ್ರಿಗಳು
ಆಲೂಗಡ್ಡೆ 4-5
ಶುಂಠಿ ಪೇಸ್ಟ್ 1 ಚಮಚ
ಟೊಮೆಟೊ ಪೇಸ್ಟ್ 3-4 ಚಮಚ
ಮೊಸರು 2 ಚಮಚ
ಚಿಟಿಕೆಯಷ್ಟು ಇಂಗು
ಅರಿಶಿಣ ಪುಡಿ ಅರ್ಧ ಚಮಚ
ಜೀರಿಗೆ ಪುಡಿ 1 ಚಮಚ
ಕೊತ್ತಂಬರಿ ಪುಡಿ 1 ಚಮಚ
ಸಕ್ಕರೆ ಅರ್ಧ ಚಮಚ
ಎಣ್ಣೆ 1 ಚಮಚ
ನೀರು ಅರ್ಧ ಕಪ್

ತಯಾರಿಸುವ ವಿಧಾನ

* ಆಲೂಗಡ್ಡೆಯನ್ನು ಶುಚಿ ಮಾಡಿ ಕತ್ತರಿಸಿಡಿ.

* ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಎಣ್ಣೆ ಹಾಕಿ ಇಂಗು ಮತ್ತು ಸಕ್ಕರೆ ಹಾಕಿ. ಸಕ್ಕರೆ ಸ್ವಲ್ಪ ಕಂದು ಬಣ್ಣಕ್ಕೆ ಬರುವಾಗ ಶುಂಠಿ ಪೇಸ್ಟ್ ಹಾಕಿ 1 ನಿಮಿಷ ಫ್ರೈ ಮಾಡಿ.

* ಈಗ ಟೊಮೆಟೊ ಪೇಸ್ಟ್, ಅರಿಶಿಣ ಪುಡಿ, ಖಾರದ ಪುಡಿ, ಜೀರಿಗೆ ಪುಡಿ, ಕೊತ್ತಂಬರಿ ಪುಡಿ ಹಾಕಿ ಮತ್ತೆ 2 ನಿಮಿಷ ಫ್ರೈ ಮಾಡಿ. ಈಗ ಆಲೂಗಡ್ಡೆಯನ್ನು ಹಾಕಿ 2-3 ನಿಮಿಷ ಫ್ರೈ ಮಾಡಿ.

* ಈಗ ಮೊಸರು ಹಾಕಿ ಮತ್ತೆ ಫ್ರೈ ಮಾಡಿ, ರುಚಿಗೆ ತಕ್ಕ ಉಪ್ಪು ಮತ್ತು ಬಿಸಿ ನೀರನ್ನು ಸೇರಿಸಿ, ರುಚಿಗೆ ತಕ್ಕ ಉಪ್ಪು ಹಾಕಿ ಪಾತ್ರೆಯ ಬಾಯಿ ಮುಚ್ಚಿ ಬೇಯಿಸಿ.

* ಆಗಾಗ ಸೌಟ್ ನಿಂದ ಆಡಿಸಲು ಮರೆಯಬೇಡಿ. ಆಲೂಗಡ್ಡೆ ಬೆಂದ ನಂತರ ಉರಿಯಿಂದ ಇಳಿಸಿದರೆ ಚಪಾತಿ ಅಥವಾ ರೊಟ್ಟಿ ಜೊತೆ ತಿನ್ನಲು ಆಲೂಗಡ್ಡೆ ಸಬ್ಜಿ ರೆಡಿ.