ಈ ಬೀನ್ಸ್ ಪಲ್ಯ ಸಮ್ ಥಿಂಗ್ ಸ್ಪೆಷಲ್

ಈ ಬೀನ್ಸ್ ಪಲ್ಯ ಸಮ್ ಥಿಂಗ್ ಸ್ಪೆಷಲ್ ಅನ್ನುವುದಕ್ಕೂ ಕಾರಣವಿದೆ. ಈ ಬೀನ್ಸ್ ಪಲ್ಯವನ್ನು ಬೇಯಿಸಲು ಯಾವುದೇ ನೀರು ಹಾಕುವುದಿಲ್ಲ. ಆದ್ದರಿಂದಲೇ ಇದರ ರುಚಿ ಇತರ ಬೀನ್ಸ್ ಪಲ್ಯಗಿಂತ ಹೆಚ್ಚು ಸ್ವಾದಿಷ್ಟಕರವಾಗಿರುತ್ತದೆ.

ಇದನ್ನು ಮಾಡುವ ವಿಧಾನ ತುಂಬಾ ಸರಳವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಬೀನ್ಸ್ ಕಾಲು ಕೆಜಿ
ಆಲೂಗಡ್ಡೆ 2
ಅರಿಶಿಣ ಪುಡಿ ಅರ್ಧ ಚಮಚ
ಖಾರದ ಪುಡಿ (ಖಾರಕ್ಕೆ ತಕ್ಕಷ್ಟು)
ಗರಂ ಮಸಾಲ 1 ಚಮಚ
ಆಮ್ ಚೂರ್ ಅರ್ಧ ಚಮಚ (ರುಚಿಗೆ ತಕ್ಕಷ್ಟು)
ತುಪ್ಪ 2 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ

* ತರಕಾರಿಯನ್ನು ಕತ್ತರಿಸಿ, ಶುಚಿಗೊಳಿಸಿ.

* ಈಗ ಪಾತ್ರೆಗೆ 2 ಚಮಚ ತುಪ್ಪ ಹಾಕಿ ಅದು ಬಿಸಿಯಾದಾಗ ಅದರಲ್ಲಿ ಆಲೂಗಡ್ಡೆ ತುಂಡುಗಳನ್ನು ಹಾಕಿ ಆಲೂಗಡ್ಡೆ ಸ್ವಲ್ಪ ಕಂದು ಬಣ್ಣ ಬರುವವರಗೆ ಫ್ರೈ ಮಾಡಿ. ನಂತರ ಬೀನ್ಸ್ ಸೇರಿಸಿ 2-3 ನಿಮಿಷ ಫ್ರೈ ಮಾಡಿ.

*ಈಗ ಅರಿಶಿಣ ಪುಡಿ, ಖಾರದ ಪುಡಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ ಪಾತ್ರೆಯ ಬಾಯಿ ಮುಚ್ಚಿ ಕಡಿಮೆ ಉರಿಯಲ್ಲಿ ಬೇಯಿಸಿ (ಅಡುಗೆ ತಳ ಹಿಡಿಯದಂತೆ ಆಗಾಗ ಸೌಟ್ ನಿಂದ ಆಡಿಸಲು ಮರೆಯಬೇಡಿ). ತರಕಾರಿ ಬೆಂದಾಗ ಗರಂ ಮಸಾಲ ಮತ್ತು ಆಮ್ ಚೂರ್ ಸೇರಿಸಿ ಮಿಕ್ಸ್ ಮಾಡಿ ಮತ್ತೆ 2 ನಿಮಿಷ ಬೇಯಿಸಿ ಉರಿಯಿಂದ ಇಳಿಸಿದರೆ ಆಲೂ ಬೀನ್ಸ್ ಪಲ್ಯ ರೆಡಿ.