ವಾವ್! ನಾಲಿಗೆಯ ರುಚಿ ತಣಿಸುವ ಆಲೂಗಡ್ಡೆ ಪಲ್ಯ

ಪ್ರತಿಯೊಂದು ಮನೆಯಲ್ಲೂ ಸಾಮಾನ್ಯವಾಗಿ ಕಾಣಸಿಗುವ ಅತಿ ಹೆಚ್ಚು ಬಳಕೆಯಾಗುವ ತರಕಾರಿ ಆಲೂಗಡ್ಡೆ. ಇದರ ಪಲ್ಯ ಸ್ಥಳದಿಂದ ಸ್ಥಳಕ್ಕೆ ಬದಲಾಗುತ್ತಿರುತ್ತದೆ. ನಿಮ್ಮ ಊಟದ ರುಚಿಯನ್ನು ನಾಲಗೆಯಲ್ಲಿ ಹಿಡಿದಿಡುವಂತೆ ಮಾಡುವ ಹಲವಾರು ಆಲೂಗಡ್ಡೆ ಖಾದ್ಯಗಳಿವೆ. ಡ್ರೈ ಆಲೂ ಪಲ್ಯದಿಂದ ಹಿಡಿದು ಗ್ರೇವಿಯವರೆಗೆ ನೀವು ಹಲವಾರು ಖಾದ್ಯಗಳನ್ನು ಪ್ರಯತ್ನಿಸಬಹುದು.

ಇಂದಿನ ಆಧುನಿಕ ಯುಗದಲ್ಲಿ ವೃತ್ತಿನಿರತರ ಸಂಖ್ಯೆ ಹೆಚ್ಚಿರುವ ಸಮಯದಲ್ಲಿ, ಸರಳ ಹಾಗೂ ಸುಲಭವಾಗಿ ತಯಾರಿಸುವ ಖಾದ್ಯಗಳು ಉತ್ತಮವಾಗಿರುತ್ತವೆ. ಹಾಗಾಗಿ ಬರೇ 30 ನಿಮಿಷಗಳಲ್ಲಿ ತಯಾರಿಸಬಹುದಾದ ಆಲೂಗಡ್ಡೆ ಪಲ್ಯವನ್ನು ನಿಮಗಾಗಿ ನಾವಿಂದು ನೀಡುತ್ತಿದ್ದೇವೆ.

ಪ್ರಮಾಣ: 4
ಸಿದ್ಧತೆ ಸಮಯ: 5 ನಿಮಿಷಗಳು
ಅಡುಗೆ ಸಮಯ: 25 ನಿಮಿಷಗಳು

ಸಾಮಾಗ್ರಿಗಳು:
1.ಆಲೂಗಡ್ಡೆ - 4-5
2.ಟೊಮೇಟೊ - 2 (ಸಾಮಾನ್ಯ ಗಾತ್ರದಲ್ಲಿ ಕತ್ತರಿಸಿದ್ದು)
3.ಹಸಿಮೆಣಸು - 2 ತುಂಡರಿಸಿದ್ದು
4.ಅರಶಿನ ಹುಡಿ - 1 ಚಮಚ
5.ಮೆಣಸಿನ ಹುಡಿ - 1 ಚಮಚ
6.ಕೊತ್ತಂಬರಿ ಹುಡಿ - 1 1/2 ಚಮಚ
7.ಗರಂ ಮಸಾಲಾ - 1/2 ಚಮಚ
8.ಜೀರಿಗೆ ಹುಡಿ-1/2 ಚಮಚ
9.ಉಪ್ಪು - ರುಚಿಗೆ ತಕ್ಕಷ್ಟು
10.ಎಣ್ಣೆ - 1 ಚಮಚ

ಮಾಡುವ ವಿಧಾನ
1. ಆಲೂಗಡ್ಡೆಯನ್ನು ನೀರಿನಲ್ಲಿ ಚೆನ್ನಾಗಿ ತೊಳೆದು ಅದನ್ನು ನಾಲ್ಕು ಭಾಗಗಳನ್ನಾಗಿ ಕತ್ತರಿಸಿಕೊಳ್ಳಿ
2. ಇನ್ನು ಪ್ರೆಶ್ಶರ್ ಕುಕ್ಕರ್‌ನಲ್ಲಿ ಕತ್ತರಿಸಲಾಗಿರುವ ಆಲೂಗಡ್ಡೆ ಮತ್ತು ನೀರನ್ನು ಹಾಕಿ. ಮೂರು ನಾಲ್ಕು ವಿಶಲ್ ನಂತರ ಕುಕ್ಕರ್ ಆಫ್ ಮಾಡಿ.
3. ಇದೇ ಸಮಯದಲ್ಲಿ, ಇನ್ನೊಂದು ಪಾತ್ರೆಯಲ್ಲಿ ಎಣ್ಣೆ ಬಿಸಿ ಮಾಡಿಕೊಳ್ಳಿ. ಎಣ್ಣೆ ಬಿಸಿ ಆದ ನಂತರ ಜೀರಿಗೆ ಹಾಕಿ.
4. ಜೀರಿಗೆ ಕಾದೊಡನೆ ಅದಕ್ಕೆ ಮೆಣಸಿನ ಹುಡಿ ಮತ್ತು ಟೊಮೇಟೊವನ್ನು ಹಾಕಿ. ಚೆನ್ನಾಗಿ ಮಿಶ್ರ ಮಾಡಿ 3-4 ನಿಮಿಷಗಳಷ್ಟು ಕಾಲ ಸಣ್ಣ ಉರಿಯಲ್ಲಿ ಬೇಯಿಸಿ.
5. ಕುಕ್ಕರ್ ತಣಿದ ಒಡನೆ ಬೆಂದ ಆಲೂಗಡ್ಡೆಯನ್ನು ಹೊರತೆಗೆದು ಸಿಪ್ಪೆ ಸುಲಿದಿಡಿ.
6. ತದನಂತರ ಪಾತ್ರೆಗೆ ಅರಶಿನ ಹುಡಿ ಮತ್ತು ಉಪ್ಪು ಹಾಕಿ. ಮಿಶ್ರ ಮಾಡಿ 2 ನಿಮಿಷಗಳಷ್ಟು ಸಮಯ ಬೇಯಿಸಿ.
7. ಇನ್ನು ಪಾತ್ರೆಗೆ ಮೆಣಸಿನಕಾಯಿ, ಕೊತ್ತಂಬರಿ ಹುಡಿ, ಮತ್ತು ಗರಂ ಮಸಾಲಾ ಸೇರಿಸಿ. ಮಿಶ್ರ ಮಾಡಿ ಬೇಯಿಸಿ.
8. ನಂತರ ಬೇಯಿಸಿ ಸಿಪ್ಪೆ ತೆಗೆದ ಆಲೂಗಡ್ಡೆಯನ್ನು ಪಾತ್ರೆಗೆ ಹಾಕಿ. ಇದನ್ನು ಸೆಮಿ ಗ್ರೇವಿ ಮಾಡಲು ನೀವು ಬಯಸಿದ್ದರೆ, ಸ್ವಲ್ಪ ನೀರು ಹಾಕಿ ಗ್ರೇವಿ ದಪ್ಪಗಾಗುವರೆಗೆ ಕುದಿಸಿ. ಆದ ನಂತರ ಗ್ಯಾಸ್ ಆರಿಸಿ.
ಬಾಯಿಯಲ್ಲಿ ನೀರೂರಿಸುವ ಆಲೂಗಡ್ಡೆ ಗ್ರೇವಿ ಸಿದ್ಧವಾಗಿದೆ. ಚಪಾತಿ ರೋಟಿಯೊಂದಿಗೆ ಇದನ್ನು ಬಿಸಿಬಿಸಿಯಾಗಿ ಸವಿಯಿರಿ