ಆಲೂಗಡ್ಡೆ ಹುರಳಿಕಾಯಿ ಪಲ್ಯದ ಮೋಡಿ

Palya

oi-Hema

By Hema S

Published: Tuesday, December 3, 2013, 9:16 [IST]

ಆಲೂಗಡ್ಡೆಯನ್ನು ಭಾರತೀಯ ಅಡುಗೆಗಳಲ್ಲಿ ಹೆಚ್ಚಾಗಿ ಬಳಸಲಾಗುತ್ತದೆ. ಇದನ್ನು ಅನ್ನ ಅಥವ ರೋಟಿ, ಚಪಾತಿಯೊಂದಿಗೆ ಪಲ್ಯ ಮಾಡಲು ಹೆಚ್ಚಾಗಿ ಬಳಸುತ್ತಾರೆ.
ಹಾಗಾಗಿ ಆಲೂಗಡ್ಡೆಯ ಹಲವು ತಿಂಡಿಗಳನ್ನು ನೀವು ಮಾಡಬಹುದು. ಬೋಲ್ಡ್ ಸ್ಕೈ ನಿಮಗಾಗಿ ಈವತ್ತು ಆಲೂಗಡ್ಡೆ ಮತ್ತು ಹುರಳಿಕಾಯಿ ಪಲ್ಯದ ರೆಸಿಪಿಯನ್ನು ಹೊತ್ತು ತಂದಿದೆ. ಇದನ್ನು ಮಾಡುವುದು ಬಹಳ ಸುಲಭ. ಒಮ್ಮೆ ಪ್ರಯತ್ಸಿಸಿ ನೋಡಿ.

ಬೇಕಾಗುವ ಸಾಮಗ್ರಿಗಳು
1. ಆಲೂಗಡ್ಡೆ- 5-6 (ಸಿಪ್ಪೆ ಬಿಡಿಸಿ ಹೆಚ್ಚಿಟ್ಟುಕೊಳ್ಳಿ)
2. ಹುರಳಿಕಾಯಿ- 10-12 (ಹೆಚ್ಚಿಟ್ಟುಕೊಳ್ಳಿ)
3. ಹಸಿಮೆಣಸಿನಕಾಯಿ- 2 (ಹೆಚ್ಚಿಟ್ಟುಕೊಳ್ಳಿ)
4. ಅರಿಶಿಣಪುಡಿ- 1 ಟೀಚಮಚ
5. ಅಚ್ಚಖಾರದ ಪುಡಿ- 1 ಟೀಚಮಚ
6. ಧನಿಯ ಪುಡಿ- 1/2 ಟೀಚಮಚ
7. ಜೀರಿಗೆ- 1 ಟೀಚಮಚ
8. ಉಪ್ಪು- ರುಚಿಗೆ ತಕ್ಕಷ್ಟು
9. ಎಣ್ಣೆ- 1 ಟೀಚಮಚ
ಮಾಡುವ ವಿಧಾನ
1. ಬಾಣಲಿಯಲ್ಲಿ ಎಣ್ಣೆಯನ್ನು ಕಾಯಿಸಿ ಜೀರಿಗೆಯನ್ನು ಹಾಕಿ.
2. ಅದಕ್ಕೆ ಹೆಚ್ಚಿಟ್ಟುಕೊಂಡ ಆಲೂಗಡ್ಡೆ ಹಾಕಿ 2 ನಿಮಿಷಗಳವರೆಗೆ ಸಣ್ಣ ಉರಿಯಲ್ಲಿ ಬೇಯಿಸಿ.
3. ನಂತರ ಹುರುಳಿಕಾಯಿ ಮತ್ತು ಮೆಣಸಿನಕಾಯಿ ಸೇರಿಸಿ ಚೆನ್ನಾಗಿ ಕಲಸಿ. ಇದಕ್ಕೆ ಉಪ್ಪು ಮತ್ತು ಅರಿಶಿಣ ಪುಡಿ ಸೇರಿಸಿ.
4. ಇದನ್ನು 6-10 ನಿಮಿಷಗಳವರೆಗೆ ಸಣ್ಣ ಉರಿಯಲ್ಲಿ ಬೇಯಿಸಿ ನಂತರ ಮುಚ್ಚಳ ಮುಚ್ಚಿ. ಆಗಾಗ ಅದನ್ನು ತಿರುವುತ್ತಿರಿ.
5. ಆಲೂಗಡ್ಡೆ ಮತ್ತು ಹುರಳಿಕಾಯಿ ಬೆಂದ ನಂತರ ಅಚ್ಚಖಾರದ ಪುಡಿ ಮತ್ತು ಧನಿಯ ಪುಡಿ ಹಾಕಿ ಎಲ್ಲವನ್ನು ಚೆನ್ನಾಗಿ.
ಆಲೂಗಡ್ಡೆ-ಹುರಳಿಕಾಯಿ ಪಲ್ಯವನ್ನು ಅನ್ನ ಅಥವ ರೋಟಿ ಅಥವ ಚಪಾತಿಯೊಂದಿಗೆ ಬಳಸಬಹುದು.