ಆಲೂ ಹಾಗಲಕಾಯಿ ಪಲ್ಯ, ಸ್ಟೆಪ್ ಬೈ ಸ್ಟೆಪ್ ರೆಸಿಪಿ

ಸ್ಟೆಪ್ 1

ಹಾಗಾಲಕಾಯಿಯನ್ನು ತೊಳೆದು ಕತ್ತರಿಸಿ. ನಂತರ ಉಪ್ಪು ಹಾಗೂ ಹುಣಸೆ ಹಣ್ಣನ್ನು ಹಾಕಿ ಮಿಕ್ಸಿ ಮಾಡಿ 10 ನಿಮಿಷ ಇಡಿ. ಹೀಗೆ ಮಾಡಿದರೆ ಹಾಗಲಕಾಯಿ ಕಹಿ ಬಿಡುತ್ತದೆ.

ಸ್ಟೆಪ್ 2

ಈರುಳ್ಳಿಯನ್ನು ಕತ್ತರಿಸಿಡಿ.

ಸ್ಟೆಪ್ 3

ಹಸಿ ಮೆಣಸನ್ನೂ ಚಿಕ್ಕದಾಗಿ ಕತ್ತರಿಸಿ.

ಸ್ಟೆಪ್ 4

ಆಲೂಗಡ್ಡೆಯನ್ನು ಕತ್ತರಿಸಿ. ನಂತರ ಬಾಣಲಿಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಅದರಲ್ಲಿ ಕತ್ತರಿಸಿದ ಆಲೂಗಡ್ಡೆ ಹಾಕಿ ಫ್ರೈ ಮಾಡಿ. ನಂತರ ಅದನ್ನು ಉರಿಯಿಂದ ಇಳಿಸಿ ಮತ್ತೊಂದು ಪಾತ್ರೆಯಲ್ಲಿ ಹಾಕಿಡಿ.

ಸ್ಟೆಪ್ 5

ಈಗ ಬಾಣಲಿಗೆ ಎಣ್ಣೆ ಹಾಕಿ , ಎಣ್ಣೆ ಬಿಸಿಯಾದಾಗ ಜೀರಿಗೆ ಹಾಕಿ, ನಂತರ ಇಂಗು ಹಾಕಿ ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.

ಸ್ಟೆಪ್ 6

ಈಗ ಹಸಿ ಮೆಣಸಿನಕಾಯಿ ಹಾಗೂ ಫ್ರೈ ಮಾಡಿದ ಆಲೂಗಡ್ಡೆ ಹಾಕಿ 2-3 ನಿಮಿಷ ಫ್ರೈ ಮಾಡಿ. .

ಸ್ಟೆಪ್ 7

ಈಗ ಹಾಗಲಕಾಯಿಯನ್ನು ಹಿಂಡಿ ಹಾಕಿ (ಹೀಗೆ ಮಾಡಿದರೆ ಕಹಿ ಕಮ್ಮಿಯಾಗುವುದು), ನಂತರ , ನಂತ ಅರಿಶಿಣ ಪುಡಿ, ಖಾರದ ಪುಡಿ, ಕೊತ್ತಂಬರಿ ಪುಡಿ ಹಾಕಿ 3-4 ನಿಮಿಷ ಹುರಿಯಿರಿ.

ಸ್ಟೆಪ್ 8

ರುಚಿಗೆ ತಕ್ಕ ಉಪ್ಪನ್ನು ಸೇರಿಸಿ.

ಸ್ಟೆಪ್ 9

ಈಗ ಸೌಟ್ ನಿಂದ ಆಡಿಸುತ್ತಾ ಹುರಿಯಿರಿ. ನಂತರ ಉರಿಯಿಂದ ಇಳಿಸಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಹಾಗಲಕಾಯಿ ಫ್ರೈ ರೆಡಿ.