ಚಪಾತಿಗೆ ಚೆಂದ ಟೊಮೆಟೊ-ಗೋಡಂಬಿ ಕರಿ

ಟೊಮೆಟೊ-ಗೋಡಂಬಿ ಕರಿಗೆ ಏನೇನು ಬೇಕು?: 1/2 ಕೆಜಿ ಟೊಮೆಟೊ (ಕತ್ತರಿಸಿರಬೇಕು), 2 ಚಮಚ ತಾಜಾ ಶುಂಠಿ ಪೇಸ್ಟ್, 1 ಏಲಕ್ಕಿ, 1 ತುಂಡು ಚೆಕ್ಕೆ, 1 ಲವಂಗ, 1 ಕಪ್ ಗೋಡಂಬಿ, 1/2 ಕಪ್ ತೆಂಗಿನ ತುರಿ, 1 ಚಮಚ ಗರಂ ಮಸಾಲ ಪುಡಿ, 1 ಚಮಚ ಕೆಂಪು ಮೆಣಸಿನ ಪುಡಿ, ಸ್ವಲ್ಪ ಸಕ್ಕರೆ, ಸಾಸಿವೆ, 1 ಚಮಚ ಜೀರಿಗೆ, ಎಣ್ಣೆ

ಟೊಮೆಟೊ ಗೋಡಂಬಿ ಕರಿ ಮಾಡುವ ವಿಧಾನ:
* ಸ್ವಲ್ಪ ಟೊಮೆಟೊವನ್ನು ಮಸಾಲೆಗೆ, ಇನ್ನೂ ಸ್ವಲ್ಪ ಹುರಿಯುವುದಕ್ಕೆ ಇಟ್ಟಿರಬೇಕು. ಮಿಕ್ಸಿ ಬಟ್ಟಲಿಗೆ ಮಸಾಲೆಗೆಂದು ಟೊಮೆಟೊ, ಶುಂಠಿ ಪೇಸ್ಟ್, ಏಲಕ್ಕಿ, ಚೆಕ್ಕೆ, ಲವಂಗ, 3-4 ಗೋಡಂಬಿ, ತೆಂಗಿನ ತುರಿ ಹಾಕಿಕೊಂಡು ಪೇಸ್ಟ್ ನಂತೆ ರುಬ್ಬಿಕೊಳ್ಳಬೇಕು.

* ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ ಅದರಲ್ಲಿ ಸಾಸಿವೆ ಮತ್ತು ಜೀರಿಗೆಯನ್ನು ಹುರಿದುಕೊಳ್ಳಬೇಕು.

* ಸಾಸಿವೆ, ಜೀರಿಗೆಯನ್ನು ಹುರಿದುಕೊಂಡ ನಂತರ ರುಬ್ಬಿಕೊಂಡ ಮಿಶ್ರಣವನ್ನು ಅದಕ್ಕೆ ಹಾಕಿ ಸ್ವಲ್ಪ ಸಕ್ಕರೆ ಬೆರೆಸಿ ನಂತರ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮಸಾಲೆ ಬೇಯುವವರೆಗೂ ಸಣ್ಣ ಉರಿಯಲ್ಲಿ ಚೆನ್ನಾಗಿ ತಿರುಗಿಸಬೇಕು.

* ಬೇಯುತ್ತಿರುವ ಮಿಶ್ರಣಕ್ಕೆ ಗರಂ ಮಸಾಲೆ ಪುಡಿ, ಮತ್ತು ಕೆಂಪು ಮೆಣಸಿನಕಾಯಿ ಪುಡಿಯನ್ನು ಹಾಕಬೇಕು. ಕೊನೆಗೆ ಕತ್ತರಿಸಿದ ಟೊಮೆಟೊ ಮತ್ತು ಚಿಕ್ಕ ಗೋಡಂಬಿ ಚೂರುಗಳನ್ನು ಹಾಕಿ ಟೊಮೆಟೊ ಕರಗುವ ತನಕ ಬೇಯಿಸಿಬಿಟ್ಟರೆ ಟೊಮೆಟೊ ಗೋಡಂಬಿ ಕರಿ ತಿನ್ನಲು ರೆಡಿಯಾಗಿರುತ್ತೆ.