ದಿನನಿತ್ಯದ ಆಹಾರದಲ್ಲಿ ಪನೀರ್‌ನ ಉಪಯೋಗ

ಪನೀರ್‌ನಲ್ಲಿ ಪ್ರೋಟೀನ್, ಕ್ಯಾಲ್ಸಿಯಂ, ವಿಟಮಿನ್ ಬಿ2, ಬಿ12, ಡಿ ಸಮೃದ್ಧಿಯಾಗಿವೆ. ಪನೀರ್‌ನ್ನು ನಾವು ದಿನನಿತ್ಯ ಸೇವಿಸುವ ಆಹಾರದಲ್ಲೂ ಉಪಯೋಗಿಸಬಹುದು. ಅದು ಹೇಗೆಂದರೆ...

*ಯಾವುದಾದರೂ ಸಲಾಡ್ ಪೂರ್ತಿಯಾಗಿ ತಯಾರಿಸಿದ ನಂತರ... ಸಣ್ಣಗೆ ಹೆಚ್ಚಿದ ಪನೀರ್‌ನಿಂದ ಅಲಂಕರಿಸಿ ಸವಿಯಬಹುದು.

*ಕತ್ತರಿಸಿದ ಬ್ರೆಡ್‌ನ್ನ್ನು ಸಣ್ಣ ಉರಿಯ ಮೇಲೆ ಬೇಯಿಸಿ. ಅದರ ಮೇಲೆ ಸ್ವಲ್ಪ ಪನೀರ್, ಚಿಟಿಕೆ ಉಪ್ಪು, ಮೆಣಸಿನ ಪುಡಿಯನ್ನು ಹಾಕಿ ಸವಿಯಬಹುದು.

*ಕೋಸು, ಹುರುಳಿ ಕಾಯಿಯ ಪಲ್ಯದಲ್ಲಿ ಸಾಧಾರಣವಾಗಿ ಕೊಬ್ಬರಿಯನ್ನು ಉಪಯೋಗಿಸುತ್ತೇವೆ. ಈ ಬಾರಿ ಪನೀರ್ ಉಪಯೋಗಿಸಿ ನೋಡಿ.

*ಪನೀರನ್ನು ಕುರುಕಲು ತಿಂಡಿಗಳಲ್ಲೂ ಬಳಸಬಹುದು.

* ಚಪಾತಿ, ಪೂರಿ, ಕುಲ್ಚಾ, ನಾನ್ ಗಳ ಜೊತೆ ತಿನ್ನಲು ರುಚಿಭರಿತ ಸಂಗಾತಿ ಪನೀರ್.

(ದಟ್ಸ್ ಕನ್ನಡ ಪಾಕಶಾಲೆ)