ನಮ್ಮನೇಲಿ ದಂಟಿನಸೊಪ್ಪಿನ ಪಲ್ಯ

Palya

oi-Shami SK

By * ಶಾರದಾ ವಿವಿ ಪುರಂ

Published: Monday, March 8, 2010, 16:35 [IST]

ಹಸುರು ಆಚ್ಛಾದಿತ ಅಡುಗೆಗಳಿಂದ ಕಂಗೊಳಿಸುವ ಡೈನಿಂಗ್ ಟೇಬಲ್ ಎಷ್ಟು ಚೆನ್ನ!

ಬೇಕಾಗುವ ಸಾಮಾನುಗಳು : ನಾಲಕ್ಕು ಕಟ್ಟು ದಂಟಿನ ಸೊಪ್ಪು | ನಾಕಾರು ಹಸಿಮೆಣಸಿನಕಾಯಿ | ಎರಡು ಚಮಚ ಎಳ್ಳು | ಒಂದು ಚಮಚ ಜೀರಿಗೆ | ಉಪ್ಪು | ಬೆಲ್ಲ | ಹುಣಿಸೆಹಣ್ಣು | ಅಡುಗೆ ಎಣ್ಣೆ | ಒಂದು ಈರುಳ್ಳಿ (Optional) | ಹಸಿ ಕೊಬ್ಬರಿ.

ಮಾಡುವ ವಿಧಾನ : ದಂಟಿನಸೊಪ್ಪು ಅಥವಾ ಯಾವುದೇ ಸೊಪ್ಪಾಗಿರಲಿ, ಮಣ್ಣು ಅಂಟಿಕೊಂಡಿರುತ್ತದೆ. ಸೊಪ್ಪನ್ನು ಸಣ್ಣಗೆ ಹೆಚ್ಚಿ ಜಾಲರಿಯಲ್ಲಿ ಹಾಕಿ ಸುರಿಯುವ ನೀರಿನಲ್ಲಿ ಝಳಝಳ ತೊಳೆಯುವುದೇ ದೊಡ್ಡ ಕೆಲಸ. ನಂತರ, ಬಾಣಲೆಯಲ್ಲಿ ಎರಡು ಚಮಚ ಎಳ್ಳು ಮತ್ತು ಜೀರಿಗೆಯನ್ನು ಹಾಕಿ ಡ್ರೈ ಆಗಿ ಹುರಿದಿಟ್ಟುಕೊಳ್ಳಿ.

ಬಾಣಲೆಗೆ ಎರಡು ಚಮಚ ಎಣ್ಣೆ ಹಾಕಿ ಅದಕ್ಕೆ ಮೆಣಸಿನಕಾಯಿ ಹಾಕಿ ಸಿಡಿದ ನಂತರ ಸೊಪ್ಪನ್ನು ಹಾಕಿ ಬೇಯುವುದಕ್ಕೆ ಬಿಡಿ. ಬಾಣಲೆ ಮುಚ್ಚಳ ಮುಚ್ಚಿಟ್ಟರೆ ಬೇಗ ಬೇಯುತ್ತದೆ. ಮಿಕ್ಸಿಗೆ ಕೊಬ್ಬರಿ, ಹುಣಿಸೆಹಣ್ಣು, (ಈರುಳ್ಳಿ ) ಉಪ್ಪು ಮತ್ತು ಹುರಿದುಕೊಂಡ ಜೀರಿಗೆ, ಎಳ್ಳನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ರುಬ್ಬುವಾಗ ಚೂರೇ ಚೂರು ನಿರು ಹಾಕಿ ರುಬ್ಬಿಕೊಳ್ಳುವುದು.

ಬೆಂದ ಸೊಪ್ಪಿನ ಪಾತ್ರೆಗೆ ರುಬ್ಬಿದ ಪದಾರ್ಥ ಹಾಕಿ ಚೆನ್ನಾಗಿ ಕಲಸಿ. ನೀರು ಹಾಕಿ ತೆಳ್ಳನೆ ಸೊಪ್ಪಿನ ಕರಿ ಟೈಪ್ ಆಗಬಹುದು ಅಥವಾ ನೀರು ಬೆರೆಸದೆ ಡ್ರೈ ಸೊಪ್ಪಿನ ಪಲ್ಯವನ್ನು ಮಾಡಿಕೊಳ್ಳಬಹುದು. ಹಸುರು ಆಚ್ಛಾದಿತ ಅಡುಗೆಗಳಿಂದ ಕಂಗೊಳಿಸುವ ಡೈನಿಂಗ್ ಟೇಬಲ್ ಎಷ್ಟು ಚೆನ್ನ!