ರೆಸಿಪಿ: ನಿದ್ರೆ ಸಮಸ್ಯೆ ಇರುವವರಿಗೆ ಜಾಯಿಕಾಯಿ ಸಿಪ್ಪೆ ಚಟ್ನಿ ದಿವ್ಯ ಔಷಧ

Recipes

lekhaka-Sushma charhra

Posted By: Sushma Chatra

Updated: Wednesday, July 29, 2020, 15:40 [IST]

ಭಾರತದ ಆಹಾರ ಕ್ರಮದಲ್ಲಿ ಸಾಂಬಾರ ಪದಾರ್ಥಗಳಿಗೆ ಬಹಳ ಪ್ರಾಮುಖ್ಯತೆ ಇದೆ. ಅದರಲ್ಲಿ ಜಾಯಿಕಾಯಿ,ಜಾಪತ್ರೆ ಕೂಡ ಒಂದು. ಚಿಕ್ಕ ಮಕ್ಕಳಿಗೆ ಇದನ್ನು ತೇಯ್ದು ನೀಡುವ ಪರಿಪಾಠವಿದೆ. ಇದು ಆರೋಗ್ಯಕ್ಕೆ ಪ್ರಯೋಜನ ನೀಡುತ್ತದೆ. ಆಯುರ್ವೇದ ಔಷಧಿಗಳ ತಯಾರಿಕೆಯಲ್ಲಿ ಇದಕ್ಕೆ ಪ್ರಮುಖ ಸ್ಥಾನ.

ಸಾಮಾನ್ಯವಾಗಿ ಅಂಗಡಿಯಲ್ಲಿ ಒಣಗಿದ ಜಾಯಿಕಾಯಿ ಅಥವಾ ಜಾಪತ್ರೆ ದೊರೆಯುತ್ತದೆ. ಇದನ್ನು ಕಷಾಯಗಳ ತಯಾರಿಕೆಯಲ್ಲಿ,ಸಾಂಬಾರು ಪುಡಿಯ ತಯಾರಿಕೆಯಲ್ಲಿ ಬಳಸಲಾಗುತ್ತದೆ. ಆದರೆ ನಾವಿಲ್ಲಿ ಈ ಜಾಯಿಕಾಯಿಯ ಮೇಲ್ಬಾಗದ ಸಿಪ್ಪೆಯ ಪ್ರಯೋಜನವನ್ನು ತಿಳಿಸುತ್ತಿದ್ದೇವೆ.
ಜಾಯಿಕಾಯಿಯನ್ನು ಕೊಯ್ದು ಸಿಪ್ಪೆಯನ್ನು ಸಾಮಾನ್ಯವಾಗಿ ಹೆಚ್ಚಿನವರು ಎಸೆದು ಬಿಡುತ್ತಾರೆ. ಆದರೆ ಇದರಿಂದ ಚಟ್ನಿ,ತಂಬಳಿ ಉಪ್ಪಿನಕಾಯಿ ಸೇರಿದಂತೆ ಬ್ಯೂಟಿ ಪ್ರೊಡಕ್ಟ್ ಗಳ ತಯಾರಿಕೆಯಲ್ಲೂ ಬಳಸಬಹುದು. ನಿಮ್ಮ ಚರ್ಮದ ಆರೋಗ್ಯಕ್ಕೂ ಇದು ಬಹಳ ಪ್ರಯೋಜನ ನೀಡುತ್ತದೆ. ಸಿಪ್ಪೆಯನ್ನು ಒಣಗಿಸಿ ಪುಡಿ ಮಾಡಿ ಇಟ್ಟುಕೊಳ್ಳುವುದರಿಂದಾಗಿ ಮುಖದ ಸ್ಕ್ರಬ್ಬಿಂಗ್ ಗೆ ಬಳಸಬಹುದು.
ಹಾಗಾದ್ರೆ ಹಸಿಯಾದ ಜಾಯಿಕಾಯಿಯ ಮೇಲ್ಬಾಗದ ಸಿಪ್ಪೆಯಿಂದ ಚಟ್ನಿ ಮಾಡುವುದು ಹೇಗೆ ತಿಳಿದುಕೊಳ್ಳೋಣ.