ಪ್ರಾನ್ ಪ್ರಿಯರಿಗಾಗಿ ಪ್ರಾನ್ ಚಿಲ್ಲಿ ಫ್ರೈ

ಪ್ರಾನ್ ಫುಡ್ಸ್ ಅಂದರೆ ಕೆಲವರಿಗಂತೂ ಇತರ ಸಮುದ್ರಾಹಾರಗಳಿಗಿಂತ ತುಂಬಾನೆ ಇಷ್ಟ. ಪ್ರಾನ್ ನ ರುಚಿಯೇ ಹಾಗೆ, ಒಮ್ಮೆ ಅದರ ರುಚಿ ನೋಡಿದವರು ಮತ್ತೆ ಅದನ್ನು ದೂರ ಮಾಡುವುದು ತುಂಬಾ ವಿರಳ! ಈ ಪ್ರಾನ್ ನಿಂದ ನಾನಾ ಅಡುಗೆ ಮಾಡಿರುತ್ತಿರಿ. ಆದರೆ ತೆಂಗಿನ ತುರಿ ಹಾಕಿ ಮಾಡುವ ಪ್ರಾನ್ ಚಿಲ್ಲಿ ಫ್ರೈ ಮಾಡಿದ್ದೀರಾ?

ಇದು ತುಂಬಾ ಸರಳವಾದ ರೆಸಿಪಿಯಾದ ಕಾರಣ ನಿಮಗೆ ಈ ಪ್ರಾನ್ ಚಿಲ್ಲಿ ಪ್ರೈ ಮತ್ತಷ್ಟು ಪ್ರಿಯವಾಗುವುದು. ಬನ್ನಿ ಈ ರೆಸಿಪಿಯತ್ತ ಕಣ್ಣಾಡಿಸೋಣವೇ?

ಬೇಕಾಗುವ ಸಾಮಾಗ್ರಿಗಳು
ಪ್ರಾನ್ 200 ಗ್ರಾಂ
ಈರುಳ್ಳಿ 2
ಆಲೂಗಡ್ಡೆ 1
ಹಸಿ ಮೆಣಸಿನಕಾಯಿ 2
ಅರಿಶಿಣ ಪುಡಿ 1 ಚಮಚ
ತೆಂಗಿನ ತುರಿ (ಅರ್ಧ ತೆಂಗಿನಕಾಯಿ)
ಬೆಳ್ಳುಳ್ಳಿ 4 ಎಸಳು
ರುಚಿಗೆ ತಕ್ಕ ಉಪ್ಪು
ಎಣ್ಣೆ 2 ಚಮಚ

ತಯಾರಿಸುವ ವಿಧಾನ:

* ಪ್ರಾನ್ ಅನ್ನು ಚೆನ್ನಾಗಿ ತೊಳೆದು ಒಂದು ಪಾತ್ರೆಯಲ್ಲಿ ಹಾಕಿಡಿ.

* ಈಗ ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ, ಎಣ್ಣೆ ಬಿಸಿಯಾದಾಗ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ, ನಂತರ ಆಲೂಗಡ್ಡೆ ಹಾಕಿ, ಹಸಿ ಮೆಣಸಿನಕಾಯಿ ಹಾಕಿ 2-3 ನಿಮಿಷ ಫ್ರೈ ಮಾಡಿ (ಹೆಚ್ಚು ಖಾರ ತಿನ್ನವವರಾದರೆ ಎರಡು ಮೆಣಸು ಹೆಚ್ಚೇ ಹಾಕಬಹುದು).

* ಈಗ ಪ್ರಾನ್ಸ್ (ಸಿಗಡಿ ಹಾಕಿ) ಹಾಕಿ 5-6 ನಿಮಿಷ ಫ್ರೈ ಮಾಡಿ.

* ಈಗ ಅರಿಶಿಣ ಪುಡಿ ಸೇರಿಸಿ, ತೆಂಗಿನ ತುರಿ, ಬೆಳ್ಳುಳ್ಳಿ ಮತ್ತು ರುಚಿಗೆ ತಕ್ಕ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ ಪ್ರಾನ್ಸ್ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.

ಇಷ್ಟು ಮಾಡಿದರೆ ಪ್ರಾನ್ ಚಿಲ್ಲಿ ಫ್ರೈ ರೆಡಿ.