ಕ್ರಿಸ್ಮಸ್ ಹಬ್ಬಕ್ಕೆ ರುಚಿಕರವಾದ ಹಂದಿ ಮಾಂಸದ ಅಡುಗೆ

ಹಂದಿ ಮಾಂಸದ ವಿನಡಾಲೊ

ಹಂದಿ ಮಾಂಸದ ವಿನಡಾಲೊ ತುಂಬಾ ಖಾರವಾಗಿದ್ದು, ಗೋವಾದಲ್ಲಿ ಹೆಚ್ಚಾಗಿ ಜನಪ್ರಿಯವಾಗಿದೆ. ಪೋರ್ಚುಗೀಸ್ ಮೂಲದ ಅಡುಗೆಯಾದ ಇದನ್ನು ವೈನ್ ಜೊತೆ ಬಳಸುವುದರಿಂದ ಖಾದ್ಯದ ರುಚಿ ಅಧಿಕವಾಗುತ್ತದೆ.

ಅನಾನಸ್‌ ಹಂದಿ ಮಾಂಸ

ಅನಾನಸ್‌ ಹಂದಿ ಮಾಂಸವು ಸಿಹಿ ಹಾಗೂ ಹುಳಿಯಿಂದ ಕೂಡಿದ್ದು, ಮಾಂಸಹಾರ ಪ್ರಿಯರಂತೂ ಇಂತಹ ರುಚಿಕರವಾದ ಅಡುಗೆಯನ್ನು ತುಂಬಾ ಇಷ್ಟಪಡುತ್ತಾರೆ. ನಾಲಿಗೆಯ ರುಚಿ ತಣಿಸುವ ಈ ರೆಸೆಪಿಯನ್ನು ನೀವು ಅನ್ನ ಅಥವಾ ಚಪಾತಿ ಜೊತೆ ಕೂಡ ಬಳಸಬಹುದು.

ಹಂದಿ ಮಾಂಸದ ಸೋರ್‌ಪಾಟೆಲ್

ಹದವಾದ ಮಸಾಲೆ, ವಿನೇಗರ್, ಹುಣಸೆಹಣ್ಣು ಬೆರೆತ ಸೋರ್‌ಪಾಟೆಲ್ ಮಾಂಸದಡುಗೆಯ ಭಿನ್ನತೆಯನ್ನು ಹೆಚ್ಚಿಸುತ್ತದೆ. ಇದೆಲ್ಲಾ ಮಿಶ್ರಣವನ್ನು ಚೆನ್ನಾಗಿ ಹೀರಿಕೊಂಡಿರುವ ಹಂದಿ ಮಾಂಸವನ್ನು ಕಡಿಮೆ ಶಾಖದಲ್ಲಿ ಬೇಯಿಸಿ. ಹಂದಿ ಮಾಂಸ ಪ್ರಿಯರು ಪ್ರಯತ್ನಿಸಲೇ ಬೇಕಾಗಿರುವ ಈ ರೆಸಿಪಿಯು ಖಂಡಿತವಾಗಿಯೂ ನಿಮ್ಮ ನಾಲಿಗೆಗೆ ರಸಗವಳವೇ ಹೌದು.

ರುಚಿಕರವಾದ ಹಂದಿ ಮಾಂಸ ಪದಾರ್ಥ

ಭಾರತೀಯ ಶೈಲಿಯಂತೆ ತಯಾರಿಸಿದ ಕೆಂಪು ಬಣ್ಣದಿಂದ ಕೂಡಿರುವ ಹಂದಿ ಮಾಂಸ ಪದಾರ್ಥವನ್ನು, ಒಲೆಯಿಂದ ಕೆಳಗೆ ಇಳಿಸಿದ ನಂತರ ಅದಕ್ಕೆ ಹಿತಕರ ಹಾಗೂ ಪರಿಮಳಯುಕ್ತ ತೆಂಗಿನ ಹಾಲನ್ನು ಸೇರಿಸಿ. ಖಾರದಿಂದ ಕೂಡಿದ ಹಾಗೂ ಸ್ವಾದಿಷ್ಟ ಸುವಾಸನೆಯುಕ್ತ ಹಾಲಿನ ಮಿಶ್ರಣದ ಪಾಕವು ಹಂದಿ ಮಾಂಸ ಪದಾರ್ಥವನ್ನು ನಿಜವಾಗಿಯೂ ರುಚಿಕಟ್ಟಾಗಿಸುತ್ತದೆ ಎಂಬುದರಲ್ಲಿ ಎರಡು ಮಾತಿಲ್ಲ.

ಹಂದಿ ಮಾಂಸದ ಚಾಪ್ಸ್

ಕ್ರಿಸ್ಮಸ್ ಹಬ್ಬಕ್ಕೆ ಇನ್ನಷ್ಟು ರುಚಿಕರವನ್ನಾಗಿಸುವ ಹಂದಿ ಮಾಂಸದ ಚಾಪ್ಸ್‌ನ ಖಾದ್ಯದ ರುಚಿಯನ್ನು ನೀವು ಸವಿಯಲೇಬೇಕು. ಇದರಲ್ಲಿ ಬೆರೆತಿರುವ ಮಸಾಲೆಯು ಖಾದ್ಯವನ್ನು ಪರಿಪೂರ್ಣಗೊಳಿಸುತ್ತದೆ. ಖಾರ ಹಾಗೂ ಹಣ್ಣಿನ ಮಿಶ್ರಣದೊಂದಿಗೆ ಕೂಡಿರುವ ಈ ಡಿಶ್ ಹಂದಿ ಮಾಂಸ ಪ್ರಿಯರ ಅಚ್ಚುಮೆಚ್ಚಿನದಾಗಿದೆ.

ಟ್ರೋಟರ್ಸ್

ಹಂದಿಯ ಕಾಲುಗಳಿಂದ ಮಾಡಿದ ಮಾಂಸದಡುಗೆಯೇ ಟ್ರೋಟರ್ಸ್. ಟೊಮೆಟೋ. ವಿನೇಗರ್ ಮತ್ತು ಲಿಂಬೆರಸ ಹಾಗೂ ಸಾಸ್‌ನಿಂದ ಇದನ್ನು ತಯಾರಿಸಲಾಗುತ್ತದೆ. ಇವುಗಳು ಈ ಖಾದ್ಯಕ್ಕೆ ರುಚಿ ಸೇರಿಸುವುದರಲ್ಲಿ ಎರಡು ಮಾತಿಲ್ಲ.

ಹ್ಯಾಮ್ ಸ್ಯಾಂಡ್‌ವಿಚ್

ಹಂದಿಮಾಂಸದಿಂದ ತುಂಬಾ ಸರಳವಾಗಿ ಮಾಡುವ ಪಾಕ ಇದಾಗಿದೆ. ಇದಕ್ಕೆ ಬೇಕಾಗುವುದು ಬೇಯಿಸಿದ ಆಲೂಗಡ್ಡೆ ಮತ್ತು ತೆಳುವಾಗಿ ಗೋಲಾಕಾರದಲ್ಲಿ ತುಂಡರಿಸಿದ ಹಂದಿ ಮಾಂಸ.

ಕಾಳುಮೆಣಸಿನ ಹಂದಿಮಾಂಸ.

ಈ ಅಡುಗೆಯಲ್ಲಿ ಕಾಳುಮೆಣಸು ಮುಖ್ಯವಾಗಿರುತ್ತದೆ. ಇತರ ಯಾವುದೇ ಖಾರಕ್ಕೆ ಹೋಲಿಸಿದಾಗ ಕಾಳುಮೆಣಸಿನಿಂದ ಕೂಡಿದ ಹಂದಿ ಖಾದ್ಯವು ನೀಡುವ ಖಾರ ಅದ್ಭುತವಾದುದು. ರುಚಿ ಕೂಡ ನಾಲಗೆಯ ಹಸಿವನ್ನು ಇಂಗಿಸುತ್ತದೆ. ಸರಳವಾಗಿ ಮಾಡುವ ಹಂದಿ ಮಾಂಸದ ಅಡುಗೆಯಲ್ಲಿ ಕಾಳುಮೆಣಸನ್ನು ಸೇರಿಸಿ ಮತ್ತು ಅದರ ರುಚಿ ಸವಿಯಿರಿ.