ಪಾಲಾಕ್ ಚಿಕನ್ ಪಲ್ಯ

ಈ ಋತುವಿನಲ್ಲಿ ನೀವು ಹಲವು ರೀತಿಯ ತರಕಾರಿಗಳನ್ನು ಮಾರುಕಟ್ಟೆಯಲ್ಲಿ ಕಾಣಬಹುದು. ಹೂ ಕೋಸು, ಗಡ್ಡೆಕೋಸು, ಹಲವು ರೀತಿಯ ಸೊಪ್ಪುಗಳು ಮಾರುಕಟ್ಟೆಯನ್ನು ಹಸಿರಾಗಿಸಿದೆ. ಪಾಲಾಕ್ ಸೊಪ್ಪನ್ನು ಹಲವು ಭಾರತೀಯ ಅಡುಗೆಗಳಲ್ಲಿ ಬಳಸುತ್ತಾರೆ.
ಸೊಪ್ಪಿನಲ್ಲಿ ಪೌಷ್ಟಿಕಾಂಶಗಳು ಹೆಚ್ಚಿದ್ದು ಆರೋಗ್ಯಕ್ಕೆ ಒಳ್ಳೆಯದು. ನೀವು ಮಾಂಸಾಹಾರಿಗಳಾಗಿದ್ದಲ್ಲಿ ನಿಮಗೆ ಈ ಪಲ್ಯ ಇಷ್ಟವಾಗುತ್ತದೆ. ಇದರಲ್ಲಿ ನಿಂಬೆ, ಶುಂಠಿ, ಬೆಳ್ಳುಳ್ಳಿ ಸುವಾಸನೆಯನ್ನು ಕಾಣಬಹುದು. ಇವೆಲ್ಲವೂ ಚಿಕನ್ ನೊಂದಿಗೆ ಬೆರೆತು ಪಲ್ಯವನ್ನು ರುಚಿಕರವಾಗಿಸುತ್ತದೆ. ಇದನ್ನು ಮಾಡುವ ವಿಧಾನವನ್ನು ಕೊಟ್ಟಿದ್ದೇವೆ ನೋಡಿ.

ಬೇಕಾಗುವ ಸಾಮಗ್ರಿಗಳು
ಚಿಕನ್- 250 ಗ್ರಾಂ (ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ)
ಪಾಲಾಕ್- 500 ಗ್ರಾಂ (ಬೇಯಿಸಿಕೊಳ್ಳಿ)
ಈರುಳ್ಳಿ- 2
ಮೊಸರು- 1 ಟೀಚಮಚ
ಹಸಿಮೆಣಸಿನಕಾಯಿ- 3-4
ಅರಿಶಿನ ಪುಡಿ- 1 ಟೀಚಮಚ
ಧನಿಯ ಪುಡಿ- 1 ಟೀಚಮಚ
ಸಕ್ಕರೆ- ಒಂದು ಚಿಟಿಕೆ
ನಿಂಬೆ ರಸ- 1 ಟೀ ಚಮಚ
ಉಪ್ಪು- ರುಚಿಗೆ ತಕ್ಕಷ್ಟು
ಎಣ್ಣೆ- 2 ಟೀಚಮಚ
ಜೀರಿಗೆ- 1 ಟೀಚಮಚ
ಬೇ ಎಲೆಗಳು- 1
ಕ್ರೀಂ - 1 ಟೀಚಮಚ
ಮಾಡುವ ವಿಧಾನ
1.ಚಿಕನ್ ತುಂಡುಗಳನ್ನು ಉಪ್ಪು, ನಿಂಬೆ ರಸ ಮತ್ತು ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ನಲ್ಲಿ 30 ನಿಮಿಷಗಳವರೆಗೆ ನೆನೆಸಿಡಿ.
2. ಸೊಪ್ಪು ಮತ್ತು ಹಸಿಮೆಣಸಿನಕಾಯಿ ಪೇಸ್ಟ್ ತಯಾರಿಸಿಟ್ಟುಕೊಳ್ಳಿ
3. ಈರುಳ್ಳಿ ಪೇಸ್ಟ್ ತಯಾರಿಸಿಕೊಳ್ಳಿ
4. ಬಾಣಲಿಯಲ್ಲಿ ಎಣ್ಣೆ ಹಾಕಿ ಕಾಯಿಸಿಕೊಂಡು ಜೀರಿಗೆ ಮತ್ತು ಬೇ ಎಲೆ ಹಾಕಿ
5. ಸೊಪ್ಪಿನ ಪೇಸ್ಟ್ ಹಾಕಿ 3-4 ನಿಮಿಷ ಬೇಯಿಸಿ. ಅರಿಶಿನ ಪುಡಿಯನ್ನು ಹಾಕಿ ಕಲಸಿ
6. ನಿಧಾನವಾಗಿ ಚಿಕನ್ ತುಂಡುಗಳನ್ನು ಹಾಕಿ ಕಲಸಿ. 20-25 ನಿಮಿಷಗಳವರೆಗೆ ಸಣ್ಣ ಉರಿಯಲ್ಲಿ ಬೇಯಿಸಿ. ಮುಚ್ಚಳವನ್ನು ಮುಚ್ಚಿಡಿ.
7. ಮೊಸರು ಮತ್ತು ಸಕ್ಕರೆಯನ್ನು ಹಾಕಿ 2 ನಿಮಿಷಗಳವರೆಗೆ ಬೇಯಿಸಿ
8. ಉಪ್ಪು, ಧನಿಯ ಪುಡಿಯನ್ನು ಹಾಕಿ ಕಲಸಿ. ನೀರನ್ನು ಬೆರೆಸಿ ಕುದಿಸಿ.
9. ಕುದ್ದ ನಂತರ ತಾಜಾ ಕ್ರೀಂ ಹಾಕಿ ಕಲಸಿ.
ಇದನ್ನು ಅನ್ನ ಮತ್ತು ರೋಟಿಯೊಂದಿಗೆ ತಿನ್ನಲು ರುಚಿಯಾಗಿರುತ್ತದೆ.