2 ರೀತಿ ತಯಾರಿಸಬಹುದು ಮಟನ್ ಕಬಾಬ್

Non Vegetarian

oi-Reena

By Hema S

Updated: Saturday, July 7, 2012, 12:14 [IST]

ಮಟನ್ ನಿಂದ ಅನೇಕ ಬಗೆಯ ಸವಿರುಚಿಯ ಅಡುಗೆ ತಯಾರಿಸಬಹುದು. ಅದರಲ್ಲೂ ಇದರಿಂದ ತಯಾರಿಸುವ ಕಬಾಬ್ ತುಂಬಾ ರುಚಿಕರವಾಗಿರುತ್ತದೆ. ಈ ಕಬಾಬ್ ಅನ್ನು ಕೂಡ ಅನೇಕ ವಿಧಾನದಲ್ಲಿ ತಯಾರಿಸುತ್ತಾರೆ. ಇವತ್ತು ನಾವು 2 ರೀತಿಯ ಮಟನ್ ಕಬಾಬ್ ತಯಾರಿಸುವ ವಿಧಾನ ತಿಳಿದುಕೊಳ್ಳೋಣ.

ಬೇಕಾಗುವ ಸಾಮಗ್ರಿಗಳು:

* ಮಟನ್ ತುಂಡುಗಳು 1/2 ಕೆಜಿ
* ಕೆಂಪು ಮೆಣಸಿನ ಪುಡಿ ಎರಡು ಚಮಚ
* ಆರಶಿನ ಪುಡಿ 1/4 ಚಮಚ
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* ಶುಂಠಿ ಚೂರು
* ಬೆಳ್ಳುಳಿ ಎಸಳು 6-7
* ರುಚಿಗೆ ತಕ್ಕಷ್ಟು ಉಪ್ಪು
* ಸ್ವಲ್ಪ ಎಣ್ಣೆ

1. ಮಾಡುವ ವಿಧಾನ:

1. ಬೆಳ್ಳುಳ್ಳಿ ಎಸಳು, ಕಾಲು ಟೀ ಚಮಚ ಅರಶಿಣ ಪುಡಿ, ಎರಡು ಚಮಚ ಮೆಣಸಿನಪುಡಿ, ಸಣ್ಣದಾಗಿ ಹಚ್ಚಿಕೊಂಡ ಕೊತ್ತಂಬರಿ ಸೊಪ್ಪು, ಚಿಕ್ಕ ತುಂಡು ಶುಂಠಿ ಹಾಗೂ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಎಲ್ಲಾ ಸಾಮಾಗ್ರಿಗಳನ್ನು ಹಾಕಿ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿಕೊಳ್ಳಬೇಕು.

2. ಮಟನ್ ಅನ್ನು ಸ್ವಲ್ಪ ಉಪ್ಪು ಹಾಕಿ ಕುಕ್ಕರ್ ನಲ್ಲಿ 2 ವಿಷಲ್ ಬರುವವರೆಗೆ ಬೇಯಿಸಿಕೊಂಡಿರಬೇಕು.

3. ನಂತರ ಮಟನ್ ತುಂಡಿಗೆ ರುಬ್ಬಿದ ಮಸಾಲೆ ಉಜ್ಜಿ ಅರ್ಧ ಗಂಟೆ ಇಡಬೇಕು.

4. ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ ಅದಕ್ಕೆ ಮಟನ್ ತುಂಡುಗಳನ್ನು ಹಾಕಿ ಚೆನ್ನಾಗಿ ಎಣ್ಣೆಯಕಲ್ಲಿ ಕರಿದರೆ ಮಟನ್ ಕಬಾಬ್ ರೆಡಿ.

2. ಮಟನ್ ಕಬಾಬ್ ಅನ್ನು ಗ್ರಿಲ್ಡ್ ರೀತಿ ತಯಾರಿಸಿದರೆ ತಿನ್ನಲು ಮತ್ತಷ್ಟು ರುಚಿಕರವಾಗಿರುತ್ತದೆ. ಗ್ರಿಲ್ಡ್ ರೀತಿಯ ಮಟನ್ ಕಬಾಬ್ ಮಾಡುವ ವಿಧಾನ ನೋಡಿ ಇಲ್ಲಿದೆ.

1. ಮೇಲೆ ಹೇಳಿದ ಅಳತೆಯಲ್ಲಿ ಮಸಾಲೆ ಸಾಮಾಗ್ರಿಗಳನ್ನು ತೆಗೆದುಕೊಂಡು ಅದನ್ನು ನುಣ್ಣನೆ ರುಬ್ಬಿಕೊಳ್ಳಬೇಕು.

2. ನಂತರ ಶುಚಿ ಮಾಡಿದ ಮಟನ್ ತುಂಡುಗಳಿಗೆ ಮಸಾಲೆಯನ್ನು ಚೆನ್ನಾಗಿ ಹಾಕಿ ಅದನ್ನು ಕಬಾಬ್ ಕಡ್ಡಿಗಳಿಗೆ ಪೋಣಿಸಿ ಕೆಂಡದ ಮೇಲೆ ಅಥವಾ ಬಾರ್ಬಿಕ್ಯೂ ಮೇಲಿಟ್ಟು ಸ್ವಲ್ಪ ಸ್ವಲ್ಪ ಎಣ್ಣೆಯನ್ನು ಮಾಂಸದ ತುಂಡುಗಳ ಮೇಲೆ ಸಿಂಪಡಿಸುತ್ತಾ ಬೇಯಿಸಬೇಕು.

ಈ ರೀತಿ ತಯಾರಿಸಿದ ಮಟನ್ ಕಬಾಬ್ ಎಣ್ಣೆಯಲ್ಲಿ ಕರಿದ ಮಟನ್ ಕಬಾಬ್ ಗಿಂತ ತುಂಬಾ ರುಚಿಕರವಾಗಿರುತ್ತದೆ.