ಕೋರಿ ರೊಟ್ಟಿ-ಮಂಗಳೂರಿನ ಶೈಲಿಯ ಅಡುಗೆ

ಕೋರಿ ರೊಟ್ಟಿ ಅಂದರೆ ರೊಟ್ಟಿಗೆ ಚಿಕನ್ ಸಾರು ಮಾಡಿ ಕೊಡಲಾಗುವುದು. ಈ ಅಡುಗೆ ಮಂಗಳೂರಿನಲ್ಲಿ ತುಂಬಾ ಪ್ರಸಿದ್ಧಿಯನ್ನು ಪಡೆದಿದೆ. ಈ ಚಿಕನ್ ಸಾರನ್ನು ಅನ್ನು ತೆಂಗಿನ ಹಾಲು ಹಾಕಿ ಗ್ರೇವಿ ರೀತಿಯಲ್ಲಿ ತಯಾರಿಸಲಾಗುವುದು.

ರೊಟ್ಟಿ ಜೊತೆ ಸವೆಯಲು ಮಂಗಳೂರಿನ ಶೈಲಿಯಲ್ಲಿ ಕೋಳಿ ಸಾರು ಮಾಡಲು ಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಚಿಕನ್ 1 ಕೆಜಿ
* ಈರುಳ್ಳಿ 2
* ತೆಂಗಿನ ಹಾಲಿನ ರಸ ಅರ್ಧ ಕಪ್
* ಒಂದು ಇಂಚಿನಷ್ಟು ದೊಡ್ಡದಿರುವ ಶುಂಠಿ
* ಬೆಳ್ಳುಳ್ಳಿ 4-5 ಎಸಳು
* ಜೀರಿಗೆ 1 ಚಮಚ
* ಕೊತ್ತಂಬರಿ ಬೀಜ 1 ಚಮಚ
* ಒಣ ಮೆಣಸಿನ ಕಾಯಿ 4-5
* ತೆಂಗಿನ ತುರಿ 2 ಚಮಚದಷ್ಟು
* ಅರಿಶಿಣ ಪುಡಿ ಅರ್ಧ ಚಮಚ
* ಕರಿಬೇವಿನ ಎಲೆ
* ಸ್ವಲ್ಪ ಚಕ್ಕೆ ಹಾಗೂ ಲವಂಗ
* ರುಚಿಗೆ ತಕ್ಕ ಉಪ್ಪು
* 4-5 ಚಮಚ ಎಣ್ಣೆ

ತಯಾರಿಸುವ ವಿಧಾನ:

1. ಪಾತ್ರೆಯಲ್ಲಿ 1 ಚಮಚ ಎಣ್ಣೆ ಹಾಕಿ ಅದನ್ನು ಉರಿಯಲ್ಲಿಡಬೇಕು. ಎಣ್ಣೆ ಬಿಸಿಯಾದಾಗ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದು ಅದನ್ನು ಬದಿಯಲ್ಲಿಡಬೇಕು.

2. ನಂತರ ಬಾಣಲೆನ್ನು ಬಿಸಿ ಮಾಡಿ ಅದಕ್ಕೆ ಒಣ ಮೆಣಸು, ಕೊತ್ತಂಬರಿ ಬೀಜ, ತುರಿ ತೆಂಗಿನಕಾಯಿ ಹಾಕಿ ಕೊತ್ತಂಬರಿ ಬೀಜದ ಬಣ್ಣ ಸ್ವಲ್ಪ ಬದಲಾಗುವವರೆಗೆ ಹುರಿಯಬೇಕು. ನಂತರ ಉರಿಯಿಂದ ತೆಗೆದು ಅದಕ್ಕೆ ಜೀರಿಗೆ, ಅರಿಶಿಣ ಪುಡಿ ಚಕ್ಕೆ, ಲವಂಗ, ಬೆಳ್ಳುಳ್ಳಿ ಹಾಕಿ ಪುನಃ ಒಂದು ನಿಮಿಷ ಹುರಿದು ಉರಿಯಿಂದ ತೆಗೆಯಬೇಕು. ನಂತರ ಅದಕ್ಕೆ ಫ್ರೈ ಮಾಡಿದ ಈರುಳ್ಳಿ ಹಾಕಿ ಪೇಸ್ಟ್ ಮಾಡಬೇಕು.

3. ಈಗ ಸಾರು ಪಾತ್ರೆಯನ್ನು ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ ಅದರಲ್ಲಿ ರುಬ್ಬಿದ ಸಂಬಾರ ಪದಾರ್ಥಗಳ ಪೇಸ್ಟ್ ಹಾಕಬೇಕು. ನಂತರ 1-2 ನಿಮಿಷ ಸೌಟ್ ನಿಂದ ಆಡಿಸಿ ನಂತರ ತೆಂಗಿನ ಹಾಲು ಹಾಕಬೇಕು. ತೆಂಗಿನ ಹಾಲು ಕುದಿ ಬರುವಾಗ ಅದಕ್ಕೆ ಚಿಕನ್ ತುಂಡುಗಳನ್ನು ಹಾಕಿ ರುಚಿಗೆ ತಕ್ಕ ಉಪ್ಪು ಹಾಕಿ ಬೇಯಿಸಿದರೆ ರುಚಿಕವಾದ ಕೋರಿ ಕರಿ ರೆಡಿ.