ಬಾಯಲ್ಲಿ ನೀರೂರಿಸುವ ಮೀನಿನ ಸಾರು

ಈ ಸಾರನ್ನು 'ಮೀನ್ ಪುಳಿ ಮೊಳಗ್' ಎಂದು ಕರೆಯುತ್ತಾರೆ. ಇದು ಕೇರಳ ಶೈಲಿಯ ರೆಸಿಪಿಯಾಗಿದ್ದು, ನೀವು ಖಾರ ಪ್ರಿಯರಾಗಿದ್ದರೆ ಈ ಸಾರು ನಿಮ್ಮ ನಾಲಗೆಯ ರುಚಿ ಹೆಚ್ಚಿಸುವುದು. ಅನ್ನದ ಜೊತೆ ಕಲೆಸಿ ತಿನ್ನಲು ಈ ಮೀನು ಸಾರು ತುಂಬಾ ರುಚಿಕರವಾಗಿರುತ್ತದೆ.

ಈ ಸಾರನ್ನು ಟ್ರೈ ಮಾಡಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಮೀನು 1 ಕೆಜಿ
ಒಣ ಮೆಣಸು8-10 ಅಥವಾ ನಿಮ್ಮ ಖಾರಕ್ಕೆ ತಕ್ಕಷ್ಟು
ಕೊತ್ತಂಬರಿ 1 ಚಮಚ
ಅರಿಶಿಣ
ಮೆಂತೆ ಅರ್ಧ ಚಮಚ
ಜೀರಿಗೆ ಅರ್ಧ ಚಮಚ
ಬೆಳ್ಳುಳ್ಳಿ 2-3 ಎಸಳು
ಸ್ವಲ್ಪ ಶುಂಠಿ
ಉಪ್ಪು
ಹುಳಿ
ಎಣ್ಣೆ 2 ಚಮಚ
ಕರಿ ಬೇವಿನ ಎಲೆ ಮತ್ತು ಸಾಸಿವೆ

ತಯಾರಿಸುವ ವಿಧಾನ:

* ಮೀನನ್ನು ಶುಚಿ ಮಾಡಿ ತುಂಡುಗಳಾಗಿ ಕತ್ತರಿಸಿ ಉಪ್ಪು, ಅರಿಶಿಣ ಹಾಕಿ.

* ಈಗ ಮೆಣಸು ಮತ್ತು ಕೊತ್ತಂಬರಿಯನ್ನು ಬಾಣಲೆಯನ್ನು ಹಾಕಿ ಕೊತ್ತಂಬರಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.

* ಜೀರಿಗೆ ಮತ್ತು ಮೆಂತೆಯನ್ನು ಹುರಿಯಿರಿ.

* ಈಗ ಇವೆಲ್ಲಾವನ್ನು ಹಾಕಿ ಹುಣಸೆ ಹಣ್ಣು, ಶುಂಠಿ, ಬೆಳ್ಳುಳ್ಳಿ ಸೇರಿಸಿ ರುಬ್ಬಿ.

* ಈಗ ಪಾತ್ರೆಯನ್ನು ಬಿಸಿ ಮಾಡಿ ಅದಕ್ಕೆ 2 ಚಮಚ ಎಣ್ಣೆ ಹಾಕಿ ಸಾಸಿವೆ ಹಾಕಿ, ನಂತರ ಕರಿ ಬೇವಿನ ಎಲೆ ಹಾಕಿ ರುಬ್ಬಿದ ಮಿಶ್ರಣ ಹಾಕಿ ಅರ್ಧ ಕಪ್ ನೀರು ಸೇರಿಸಿ ಕುದಿಸಿ. ನಂತರ ಮೀನನ್ನು ಹಾಕಿ ರುಚಿಗೆ ತಕ್ಕ ಉಪ್ಪು ಸೇರಿಸಿ10-15 ನಿಮಿಷ ಬೇಯಿಸಿದರೆ ರುಚಿಯಾದ ಮೀನಿನ ಸಾರು ರೆಡಿ.