ಫಿಶ್ ಕೋಳಿ ವಡಾ ರೆಸಿಪಿ

ಈ ಫಿಶ್ ಕೋಳಿ ವಡಾ ರೆಸಿಪಿಯನ್ನು ನಾನು ಕಲಿತಿದ್ದು ಮಹಾರಾಷ್ಟ್ರದ ಕಡೆಯಿಂದ. ಮುಂಬಯಿ ಕಡೆ ಹೋದರೆ ಈ ರುಚಿಕರವಾದ ಅಡುಗೆಯ ರುಚಿ ನೋಡಲು ಮರೆಯಬೇಡಿ.

ನಾನು ಇದರ ರೆಸಿಪಿ ತಿಳಿದುಕೊಂಡು ಮನೆಗೆ ಬಂದು ಮಾಡಿದಾಗ, ಮುಂಬಯಿನಲ್ಲಿ ತಿಂದಷ್ಟೇ ರುಚಿಕರವಾಗಿ ಬಂತು. ಆದ್ದರಿಂದ ಈ ರೆಸಿಪಿಯನ್ನು ನಿಮ್ಮೊಂದಿಗೂ ಹಂಚಿಕೊಳ್ಳಲು ಇಷ್ಟ ಪಡುತ್ತೇನೆ.

ಬೇಕಾಗುವ ಸಾಮಾಗ್ರಿಗಳು
ಕಿಂಗ್ ಫಿಶ್ ಅಥವಾ ದೊಡ್ಡ ಗಾತ್ರದ ಮೀನು(ಅರ್ಧ ಕೆಜಿ)
ಖಾರದ ಪುಡಿ ಒಂದೂವರೆ ಚಮಚ
ಕಡಲೆ ಹಿಟ್ಟು 100 ಗ್ರಾಂ
ಅರಿಶಿಣ ಪುಡಿ ಅರ್ಧ ಚಮಚ
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಅರ್ಧ ಚಮಚ
ಗರಂ ಮಸಾಲ 1 ಚಮಚ
ಜೀರಿಗೆ ಪುಡಿ ಅರ್ಧ ಚಮಚ
ನಿಂಬೆ ಹಣ್ಣು 1
ಸೋಂಪು 1 ಚಮಚ
ರುಚಿಗೆ ತಕ್ಕ ಉಪ್ಪು
(ಬೇಕಿದ್ದರೆ ಅರ್ಧ ಚಮಚ ತಂದೂರಿ ಮಸಾಲವನ್ನು ಸೇರಿಸಬಹುದು)

ಗರಂ ಮಸಾಲೆಗೆ ಬೇಕಾಗುವ ಪದಾರ್ಥಗಳು
ಲವಂಗ 2
ಏಲಕ್ಕಿ 2
ನಕ್ಷತ್ರ ಮೊಗ್ಗು(aniseed) 2
ಚಕ್ಕೆ 1
(ಇವನ್ನು ಸ್ವಲ್ಪ ಹುರಿದು ಪುಡಿ ಮಾಡಿ ಇಡಿ)

ತಯಾರಿಸುವ ವಿಧಾನ:

* ಮೀನನ್ನು ಶುದ್ಧ ಮಾಡಿ, ಅದರಲ್ಲಿ ಅರಿಶಿಣ ಪುಡಿ ಮತ್ತು ಉಪ್ಪು ಹಾಕಿ ಮಿಕ್ಸ್ ಮಾಡಿ ಅರ್ಧ ಗಂಟೆ ಇಡಿ.

* ನಂತರ ಕಲೆ ಹಿಟ್ಟು ಕಲೆಸಿ, ಅದಕ್ಕೆ ಗರಂ ಮಸಾಲೆ ಪುಡಿ ಮತ್ತು ಉಳಿದೆಲ್ಲಾ ಮಸಾಲೆ ಪುಡಿ ಮತ್ತು ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಮಿಕ್ಸ್ ಮಾಡಿ ಮತ್ತೆ ಅರ್ಧ ಅಥವಾ ಒಂದು ಗಂಟೆ ಇಡಿ.

* ನಂತರ ಪ್ಯಾನ್ ಗೆ ಅರ್ಧದಷ್ಟು ಎಣ್ಣೆ ಹಾಕಿ ಅದರಲ್ಲಿ ಮೀನನ್ನು ಹಾಕಿ ಡೀಪ್ ಫ್ರೈ ಮಾಡಿ, ನಿಂಬೆ ಹಣ್ಣಿನ ಜ್ಯೂಸ್ ಹಾಕಿದರೆ ಫಿಶ್ ಕೋಳಿ ವಡಾ ರೆಡಿ.