ಎಗ್ ಸ್ಪಾಂಜ್ -ವೀಕೆಂಡ್ ಸ್ಪೆಷೆಲ್ ರೆಸಿಪಿ

ಎಗ್ ಸ್ಪಾಂಜ್ ಮೃದುವಾಗಿದ್ದು, ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಈ ಎಗ್ ಸ್ಪಾಂಜ್ ಅನ್ನು ಸುಲಭವಾಗಿ ತಯಾರಿಸಬಹುದಾಗಿದ್ದು ಇದನ್ನು ಪ್ರೆಶರ್ ಕುಕ್ಕರ್ ನಲ್ಲಿ ತಯಾರಿಸಲಾಗುವುದು. ಏಕೆಂದರೆ ಇದನ್ನು ಆವಿಯಲ್ಲಿ ಬೇಯಿಸಿದರೆ ಮಾತ್ರ ರುಚಿಕರವಾಗಿರುತ್ತದೆ. ಈ ಎಗ್ ಸ್ಪಾಂಜ್ ರೆಸಿಪಿ ಇಲ್ಲಿ ನೀಡಲಾಗಿದೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು:

ಮೊಟ್ಟೆ 4-5
ಈರುಳ್ಳಿ 3 (ಚಿಕ್ಕದಾಗಿ ಕತ್ತರಿಸಿದ್ದು)
ದುಂಡು ಮೆಣಸಿನ ಕಾಯಿ ಅರ್ಧ
ಚಿಟಿಕೆಯಷ್ಟು ಅಡುಗೆ ಸೋಡಾ
ಕಾಲು ಚಮಚ ಅರಿಶಿಣ ಪುಡಿ
ಬೆಣ್ಣೆ 2 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಮೊಟ್ಟೆಯನ್ನು ಒಡೆದು ಒಂದು ಬಟ್ಟಲಿನಲ್ಲಿ ಹಾಕಿ ಅದಕ್ಕೆ ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ, ಹಸಿ ಮೆಣಸಿನ ಕಾಯಿ, ಅರಿಶಿಣ ಪುಡಿ, ಅಡುಗೆ ಸೋಡಾ, ಉಪ್ಪು ಹಾಕಿ ಚೆನ್ನಾಗಿ ಕದಡಬೇಕು.

2. ನಂತರ ಕಪ್ ಗೆ ಬೆಣ್ಣೆ ಸವರಿ ಅದರಲ್ಲಿ ಕದಡಿದ ಮೊಟ್ಟೆ ಹಾಕಬೇಕು.

3. ಫ್ರೆಶರ್ ಕುಕ್ಕರ್ ನಲ್ಲಿ ಕಪ್ ಇಟ್ಟು ಕಪ್ ನ ಅರ್ಧ ಭಾಗದಷ್ಟು ಫ್ರಶರ್ ಕುಕ್ಕರ್ ಗೆ ನೀರು ಹಾಕಿ, ಕುಕ್ಕರ್ ನ ಮುಚ್ಚಳವನ್ನು ಬಿಗಿಯಾಗಿ ಮುಚ್ಚದೆ ಬೇಯಿಸಬೇಕು. ಈ ರೀತಿ 5-7 ನಿಮಿಷ ಬೇಯಿಸಿದರೆ ಮೊಟ್ಟೆ ಉಬ್ಬಿಕೊಂಡು ಇರುತ್ತದೆ. ನಂತರ ಅದನ್ನು ಕುಕ್ಕರ್ ನಿಂದ ತೆಗೆದು ಪ್ಲೇಟ್ ನಲ್ಲಿ ಹಾಕಿ ಕೇಕ್ ರೀತಿಯಲ್ಲಿ ಕತ್ತರಿಸಿದರೆ ಸವಿಯಲು ರುಚಿಯಾದ ಎಗ್ ಸ್ಪಾಂಜ್ ರೆಡಿ.