ಪುದೀನಾ ಸ್ವಾದ ಇರುವ ಮೊಟ್ಟೆ ಸಾರು

ಮೊಟ್ಟೆ ಸಾರನ್ನು ಪುದೀನಾ ಮತ್ತು ಕೊತ್ತಂಬರಿ ಸೊಪ್ಪನ್ನು ರುಬ್ಬಿ ಮಾಡುವ ಮೊಟ್ಟೆ ಸಾರು ಘಮ್ಮೆನ್ನುವ ಪರಿಮಳದಿಂದ ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ಇದನ್ನು ಮಾಡುವ ವಿಧಾನ ಸರಳವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ:

ಪುದೀನಾ ಸ್ವಾದ ಇರುವ ಮೊಟ್ಟೆ ಸಾರು

ಬೇಕಾಗುವ ಸಾಮಾಗ್ರಿಗಳು
ಮೊಟ್ಟೆ 3-4
ಈರುಳ್ಳಿ 2
ಬೆಳ್ಳುಳ್ಳಿ ಎಸಳು 4-5
ಹಸಿ ಮೆಣಸಿನಕಾಯಿ 2-3
ಅರಿಶಿಣ ಪುಡಿ ಅರ್ಧ ಚಮಚ
ಖಾರದ ಪುಡಿ 1 ಚಮಚ
ಪುದೀನಾ 1 ಕಟ್ಟು
ಕೊತ್ತಂಬರಿ ಸೊಪ್ಪು 1 ಕಟ್ಟು
ಜೀರಿಗೆ 1 ಚಮಚ
ಟೊಮೆಟೊ ಸಾಸ್ 1 ಚಮಚ
ನೀರು ಅರ್ಧ ಕಪ್
ರುಚಿಗೆ ತಕ್ಕ ಉಪ್ಪು
ಗರಂ ಮಸಾಲ 1/4 ಚಮಚ
ಎಣ್ಣೆ 3 ಚಮಚ ಮತ್ತು ಕರಿಬೇವಿನ ಎಲೆ

ತಯಾರಿಸುವ ವಿಧಾನ:

* ಮೊಟ್ಟೆಯನ್ನು ಬೇಯಲು ಇಡಿ.

* ಈರುಳ್ಳಿ, ಪುದೀನಾ, ಬೆಳ್ಳುಳ್ಳಿ, ಹಸಿ ಮೆನಸಿನಕಾಯಿ, ಕೊತ್ತಂಬರಿ ಸೊಪ್ಪು ಇವುಗಳನ್ನು ನುಣ್ಣನೆ ರುಬ್ಬಿ .

* ಮೊಟ್ಟೆ ಬೆಂದ ನಂತರ ಅದರ ಸಿಪ್ಪೆ ಸುಲಿಯಿರಿ. ನಂತರ ಪ್ಯಾನ್ ಗೆ ಎಣ್ಣೆ ಹಾಕಿ ಬಿಸಿ ಮಾಡಿ ಅದರಲ್ಲಿ ಮೊಟ್ಟೆ ಹಾಕಿ, ಮೊಟ್ಟೆ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ, ನಂತರ ಮತ್ತೊಂದು ಪಾತ್ರೆಯಲ್ಲಿ ತೆಗೆದು ಇಡಿ.

* ಈಗ ಅದೇ ಎಣ್ಣೆಗೆ ಜೀರಿಗೆ ಹಾಕಿ, ಜೀರಿಗೆ ಚಟಾಪಟಾ ಶಬ್ದ ಮಾಡುವಾಗ ಕರಿ ಬೇವಿನ ಎಲೆ ಹಾಕಿ ನಂತರ ರುಬ್ಬಿದ ಪೇಸ್ಟ್ ಹಾಕಿ ಸಾಧಾರಣ ಉರಿಯಲ್ಲಿ 5-6 ನಿಮಿಷ ಕುದಿಸಿ, ನಂತರ ರುಚಿಗೆ ತಕ್ಕ ಉಪ್ಪು, ಅರಿಶಿಣ ಪುಡಿ, ಖಾರದ ಪುಡಿ, ಗರಂ ಮಸಾಲೆ, ಟೊಮೆಟೊ ಸಾಸ್ ಹಾಕಿ ಗ್ರೇವಿ ರೀತಿಯಾಗುವವರೆಗೆ ಕುದಿಸಿ, ನಂತರ ಮೊಟ್ಟೆಯನ್ನು ಕತ್ತರಿಸಿ ಹಾಕಿದರೆ ಪುದೀನಾ ಸ್ವಾದದ ಮೊಟ್ಟೆ ಸಾರು ರೆಡಿ.