ಡಿಫರೆಂಟ್ ಬಯಸುವವರಿಗಾಗಿ ಈ ಚಿಕನ್ ವಿಂಗ್ಸ್

ಈ ವೀಕೆಂಡ್ ಗೆ ಚಿಕನ್ ಬಳಸಿ ಏನಾದರೂ ಹೊಸ ಅಡುಗೆ ಟ್ರೈ ಮಾಡಿದರೆ ಎಂದು ಬಯಸುವುದಾದರೆ ಈ ಚಿಕನ್ ವಿಂಗ್ಸ್ ತಯಾರಿಸಬಹುದು. ಇದೇ ಮೊದಲ ಬಾರಿ ಈ ಅಡುಗೆಯನ್ನು ತಯಾರಿಸುತ್ತಿದ್ದಾವೆ, ಅಡುಗೆ ಸರಿ ಬರದಿದ್ದರೆ ತಂದ ಚಿಕನ್ ವೇಸ್ಟ್ ಆಗಬಹುದೆಂದು ಎಂಬ ಭಯವಿಲ್ಲದೆ ಇದನ್ನು ತಯಾರಿಸಬಹುದು.

ಚಿಕನ್ ವಿಂಗ್ಸ್ ಅಡುಗೆಯನ್ನು ಈ ಕೆಳಗಿನಂತೆ ಮಾಡಿದರೆ ರೆಸ್ಟೋರೆಂಟ್ ನಲ್ಲಿ ದೊರೆಯುವಷ್ಟೇ ರುಚಿಕರವಾಗಿ ನೀವು ಮಾಡಿದ ಚಿಕನ್ ವಿಂಗ್ಸ್ ಕೂಡ ಇರುತ್ತದೆ. ಚಿಕನ್ ವಿಂಗ್ಸ್ ನ ರೆಸಿಪಿಯನ್ನು ಈ ಕೆಳಗೆ ನೀಡಲಾಗಿದೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
ಚಿಕನ್ ವಿಂಗ್ಸ್ (ಅರ್ಧ ಕೆಜಿಯಷ್ಟು)
1 ಚಮಚ ಶುಂಠಿ ಪೇಸ್ಟ್
1 ಚಮಚ ಬೆಳ್ಳುಳ್ಳಿ ಪೇಸ್ಟ್
1 ಚಮಚ ಮೈದಾ
2 ಚಮಚ ಜೋಳದ ಹಿಟ್ಟು
2 ಮೊಟ್ಟೆ
1/4 ಚಮಚ ಕರಿ ಮೆಣಸಿನ ಪುಡಿ
ಚಿಟಿಕೆಯಷ್ಟು ಸಕ್ಕರೆ
ರುಚಿಗೆ ತಕ್ಕ ಉಪ್ಪು
1 ಚಮಚ ಸೋಯಾ ಸಾಸ್
ಎಣ್ಣೆ

ತಯಾರಿಸುವ ವಿಧಾನ:

* ಚಿಕನ್ ಮತ್ತು ಎಣ್ಣೆ ಬಿಟ್ಟು ಉಳಿದೆಲ್ಲಾ ಸಾಮಾಗ್ರಿಗಳನ್ನು ಹಾಕಿ ಮಿಶ್ರಣ ಮಾಡಬೇಕು.

* ಈಗ ಅದಕ್ಕೆ ಸ್ವಲ್ಪ ದೊಡ್ಡದಾಗಿ ಕತ್ತರಿಸಿದ ಚಿಕನ್ ವಿಂಗ್ಸ್ ಹಾಕಿ ಅರ್ಧ ಗಂಟೆ ಇಡಬೇಕು.

* ಈಗ ಎಣ್ಣೆಯನ್ನು ಬಿಸಿ ಮಾಡಿ, ಕುದಿಯುತ್ತಿರುವ ಎಣ್ಣೆಗೆ ಚಿಕನ್ ತುಂಡುಗಳನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಎಣ್ಣೆಯಲ್ಲಿ ಕರಿದರೆ ಚಿಕನ್ ವಿಂಗ್ಸ್ ರೆಡಿ.

ನಂತರ ಇದಕ್ಕೆ ಕತ್ತರಿಸಿದ ಈರುಳ್ಳಿ ಮತ್ತು ನಿಂಬೆ ಹಣ್ಣಿನ ತುಂಡುಗಳನ್ನು ಇಟ್ಟು ಸರ್ವ್ ಮಾಡಲು ಚಿಕನ್ ವಿಂಗ್ಸ್ ರೆಡಿ.