ಚಿಕನ್ ಗ್ರೇವಿ- ಈರುಳ್ಳಿ ಹಾಕದ ರೆಸಿಪಿ

ಈರುಳ್ಳಿ ರೇಟ್ ಅಧಿಕವಾದ ಕಾರಣ ಹೆಚ್ಚಿನವರಿಗೆ ಅಡುಗೆ ಮಾಡುವುದೇ ಒಂದು ಸಮಸ್ಯೆಯಾಗಿದೆ. ಅದರಲ್ಲಂತೂ ನಾನ್ ವೆಜ್ ಗೆ ಈರುಳ್ಳಿಯನ್ನು 2-3 ಬಳಸುತ್ತೇವೆ. ಅಂಥದ್ದರಲ್ಲಿ ಈರುಳ್ಳಿ ಹಾಕದೆ ನಾನ್ ವೆಜ್ ಮಾಡುವುದೆಂದರೆ? ಚಿಂತಿಸಬೇಡಿ ಈರುಳ್ಳಿ ಹಾಕದೆಯೂ ಬಾಯಲ್ಲಿ ನೀರೂರಿಸುವ ರುಚಿಯ ನಾನ್ ವೆಜ್ ಅಡುಗೆ ಮಾಡಬಹುದು.

ಇಲ್ಲಿ ನಾವು ಈರುಳ್ಳಿ ಹಾಕದೆ ಮಾಡಬಹುದಾದ ಚಿಕನ್ ಅಡುಗೆಯ ಬಗ್ಗೆ ಹೇಳಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
ಚಿಕನ್ 1 ಕೆಜಿ
ಮೊಸರು1 ಕಪ್
ಟೊಮೆಟೊ 5(ಪೇಸ್ಟ್ ಮಾಡಿ)
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ 2 ಚಮಚ
ಹಸಿ ಮೆಣಸಿನಕಾಯಿ 2
ಗಸೆಗಸೆ 2 ಚಮಚ
ಅರಿಶಿಣ ಪುಡಿ 1 ಚಮಚ
ಕರಿ ಮೆಣಸಿನ ಪುಡಿ 1 ಚಮಚ
ಜೀರಿಗೆ ಪುಡಿ 1 ಚಮಚ
ಕೊತ್ತಂಬರಿ ಪುಡಿ 1 ಚಮಚ
ನಿಂಬೆ ರಸ 1 ಚಮಚ
ಎಣ್ಣೆ 2 ಚಮಚ
ನೀರು 1 ಕಪ್
ಕೊತ್ತಂಬರಿ ಸೊಪ್ಪು 2 ಚಮಚ

ತಯಾರಿಸುವ ವಿಧಾನ:

* ಚಿಕನ್ ಅನ್ನು ಸ್ವಚ್ಛ ಮಾಡಿ, ಅದಕ್ಕೆ ನಿಂಬೆ ರಸ, ಉಪ್ಪು, ಮೊಸರು, ರುಚಿಗೆ ತಕ್ಕ ಉಪ್ಪು, ಶುಂಠಿ- ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಮಿಕ್ಸ್ ಮಾಡಿ ಒಂದು ಗಂಟೆ ಇಡಿ.

* ಗಸೆ ಗಸೆ ಮತ್ತು ಹಸಿ ಮೆಣಸಿನ ಕಾಯಿ, 2-3 ಚಮಚ ನೀರು ಹಾಕಿ ನುಣ್ಣಗೆ ರುಬ್ಬಿ ಒಂದು ಬದಿಯಲ್ಲಿ ತೆಗೆದಿಡಿ.

* ಒಂದು ಗಂಟೆಯ ಬಳಿಕ ಪ್ಯಾನ್ ಅನ್ನು ಬಿಸಿ ಅದರಲ್ಲಿ ಒಂದು ಚಮಚ ಎಣ್ಣೆ ಹಾಕಿ ಅದರಲ್ಲಿ ಮಿಕ್ಸ್ ಮಾಡಿಟ್ಟ ಚಿಕನ್ ಹಾಕಿ 7-10 ನಿಮಿಷ ಸಾಧಾರಣ ಉರಿಯಲ್ಲಿ ಫ್ರೈ ಮಾಡಿ.

* ನಂತರ ಪೇಸ್ಟ್ ಮಾಡಿದ ಟೊಮೆಟೊ, ಉಪ್ಪು, ಅರಿಶಿಣ ಪುಡಿ ಹಾಕಿ ಮತ್ತೆ 5 ನಿಮಿಷ ಬೇಯಿಸಿ, ನಂತರ ಜೀರಿಗೆ ಪುಡಿ, ಕೊತ್ತಂಬರಿ ಪುಡಿ, ಕರಿ ಮೆಣಸಿನ ಪುಡಿ, ಗಸೆ ಗಸೆ ಪೇಸ್ಟ್ ಹಾಕಿ ಮಿಕ್ಸ್ ಮಾಡಿ 2 ನಿಮಿಷ ಫ್ರೈ ಮಾಡಿ, ಸ್ವಲ್ಪ ನೀರು ಸೇರಿಸಿ, ಪಾತ್ರೆಯ ಬಾಯಿ ಮುಚ್ಚಿ ಸಾಧಾರಣ ಉರಿಯಲ್ಲಿ 20 ನಿಮಿಷ ಬೇಯಿಸಿ. ತಳ ಹಿಡಿಯದಿರಲು ಆಗಾಗ ಸೌಟ್ ನಿಂದ ತಿರುಗಿಸುತ್ತಾ ಇರಿ.

* ಚಿಕನ್ ಬೆಂದ ನಂತರ ಗರಂ ಮಸಾಲ ಹಾಕಿ ಮಿಕ್ಸ್ ಮಾಡಿ ಮತ್ತೆ 2 ನಿಮಿಷ ಬೇಯಿಸಿ, ಉರಿಯಿಂದ ಇಳಿಸಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಚಿಕನ್ ಗ್ರೇವಿ ರೆಡಿ.