ರುಚಿಕರ ಹಾಗೂ ಆರೋಗ್ಯಕರ ಈ ಬ್ರೊಕೋಲಿ ಚಿಕನ್

Non Vegetarian

oi-Reena

By Hema S

Updated: Thursday, October 11, 2012, 16:35 [IST]

ಬ್ರೊಕೋಲಿ ಚಿಕನ್ ತುಂಬಾ ರುಚಿಕರವಾದ ಖಾದ್ಯ. ಇದನ್ನು ಇತರ ಚಿಕನ್ ಕರಿ ರೀತಿ ತಯಾರಿಸುವ ಬದಲು ಸ್ವಲ್ಪ ವಿಭಿನ್ನ ಶೈಲಿಯಲ್ಲಿ ತಯಾರಿಸಲಾಗುವುದು. ಈ ಚಿಕನ್ ತುಂಬಾ ಆರೋಗ್ಯಕರವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಚಿಕನ್ ಒಂದು ಕೆಜಿ (ಸ್ವಲ್ಪ ದೊಡ್ಡ ತುಂಡುಗಳು)
* ಬೆಳ್ಳುಳ್ಳಿ ಎಸಳು 5-6 (ಜಜ್ಜಿದ)
* ಈರುಳ್ಳಿ 2
* ಹಸಿಮೆಣಸಿನ ಕಾಯಿ 2 (ಕತ್ತರಿಸಿದ್ದು)
* ಬ್ರೊಕೋಲಿ ಅರ್ಧ ಅಥವಾ 1
* ಸೋಯಾ ಸಾಸ್ 2 ಚಮಚ
* ವಿನಿಗರ್ 1 ಚಮಚ
* ಮೆಣಸಿನ ಪುಡಿ ಅರ್ಧ ಚಮಚ (ಖಾರಕ್ಕೆ ತಕ್ಕಷ್ಟು)
* ಅರಿಶಿಣ ಪುಡಿ ಅರ್ಧ ಚಮಚ
* ಪುದೀನಾ ಸ್ವಲ್ಪ
* ಎಣ್ಣೆ
*ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಸ್ವಲ್ಪ ದೊಡ್ಡವಿರುವ ಪಾತ್ರೆಯನ್ನು ತೆಗೆದುಕೋಂಡು ಅದರಲ್ಲಿ 7-8 ಚಮಚ ಎಣ್ಣೆ ಹಾಕಿ ಅದರಲ್ಲಿ ಚಿಕನ್ ಹಾಕಿ ಚಿಕನ್ ಸ್ವಲ್ಪ ಕಂಡು ಬಣ್ಣ ಬರುವವರೆಗೆ ಹುರಿಯಬೇಕು.

2. ಈಗ ಚಿಕನ್ ತುಂಡುಗಳನ್ನು ತೆಗೆದು ಪೇಪರ್ ನಲ್ಲಿ ಹಾಕಿಡಬೇಕು.

3. ಈಗ ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಅದರಲ್ಲಿ ಈರುಳ್ಳಿ ಹಾಗೂ ಬೆಳ್ಳುಳ್ಳಿ ಹಾಕಿ ಹುರಿಯಬೇಕು. ಹೀಗೆ ಹುರಿಯುವಾಗ ಗ್ಯಾಸ್ ಅನ್ನು ಕಡಿಮೆ ಉರಿಯಲ್ಲಿಡಬೇಕು.

4. ಈಗ ಅದಕ್ಕೆ ಶುಚಿ ಮಾಡಿದ ಬ್ರೊಕೋಲಿ ಹಾಕಿ ಅದಕ್ಕೆ ರುಚಿಗೆ ತಕ್ಕ ಉಪ್ಪು, ಅರಿಶಿಣ ಪುಡಿ, ಖಾರದ ಪುಡಿ , ಪುದೀನಾ ಹಾಕಿ ಬೇಯಿಸಬೇಕು. ಬ್ರಕೋಲಿ ಸ್ವಲ್ಪ ಬೇಯುವಾಗ ಬೇಯಿಸಿದ ಚಿಕನ್ ತುಂಡುಗಳನ್ನು ಸೇರಿಸಬೇಕು. ಈಗ ಬ್ರೊಕೋಲಿ ಚಿಕನ್ ಬೆಂದ ನಂತರ ವಿನಿಗರ್ ಹಾಗೂ ಸೋಯಾ ಸಾಸ್ ಹಾಕಿ
ಅದನ್ನು ಒಮ್ಮೆ ತಿರುಗಿಸಿ ಉರಿಯಿಂದ ಇಳಿಸಿದರೆ ಬ್ರೊಕೋಲಿ ಚಿಕನ್ ರೆಡಿ.