ಚಿಕನ್ 65-ಸರಳವಾದ ಸ್ಟಾಟರ್ಸ್ ರೆಸಿಪಿ

ಚಿಕನ್ ಪ್ರಿಯರಾ ನೀವು? ಖಾರದ ಚಿಕನ್ ಸ್ಟಾಟರ್ಸ್ ತಿನ್ನಬೇಕೆಂದು ಅನಿಸುತ್ತಿದೆಯೇ? ಹಾಗಾದರೆ ಹೋಟೆಲ್ ಗೆ ಹೋಗುವ ಶ್ರಮವೇಕೆ? ಸರಳ ಸಾಮಾಗ್ರಿಗಳನ್ನು ಬಳಸಿ ಈ ಚಿಕನ್ 65ಯನ್ನು ಮನೆಯಲ್ಲಿಯೇ ಮಾಡಿ.

ನೀವು ಇದನ್ನು ಮಾಡಬಯಸುವುದಾದರೆ ರೆಸಿಪಿ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು
ಫ್ರೈ ಮಾಡಲು ಎಣ್ಣೆ

ಮಿಕ್ಸ್ ಗೆ ಬೇಕಾಗುವ ಸಾಮಾಗ್ರಿಗಳು
ಚಿಕನ್ ಅರ್ಧ ಕೆಜಿ (ಬೋನ್ ಲೆಸ್ ಬೆಸ್ಟ್)
2 ಚಮಚ ಜೋಳದ ಹಿಟ್ಟು
2 ಚಮಚ ಮೈದಾ
2 ಚಮಚ ಖಾರದ ಪುಡಿ (ಪುಡಿ ತುಂಬಾ ಖಾರವಿದ್ದರೆ 1 ಚಮಚ)
1 ಮೊಟ್ಟೆ
1 ಕಪ್ ಗಟ್ಟಿಯಾದ ಮೊಸರು
1 ಚಮಚ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್
ಚಿಟಿಕೆಯಷ್ಟು ಫುಡ್ ಕಲರ್
ರುಚಿಗೆ ತಕ್ಕ ಉಪ್ಪು

ಸಾಸ್ ಗೆ
4 ಹಸಿ ಮೆಣಸಿನಕಾಯಿ
1 ಚಮಚ ಗರಂ ಮಸಾಲ
3 ಚಮಚ ನಿಂಬೆ ರಸ
ಅರ್ಧ ಕಪ್ ಈರುಳ್ಳಿ
4 ಬೆಳ್ಳುಳ್ಳಿ
1 ಚಮಚ ಎಣ್ಣೆ
ರುಚಿಗೆ ತಕ್ಕ ಉಪ್ಪು
ಕೊತ್ತಂಬರಿ ಸೊಪ್ಪು

ತಯಾರಿಸುವ ವಿಧಾನ:

* ಮಿಕ್ಸ್ ಗೆ ಬೇಕಾಗುವ ಸಾಮಾಗ್ರಿಗಳ ಲಿಸ್ಟ್ ನಲ್ಲಿ ಚಿಕನ್ ಬಿಟ್ಟು ಉಳಿದೆಲ್ಲಾ ಪದಾರ್ಥಗಳನ್ನು ಬಟ್ಟಲಿಗೆ ಹಾಕಿ ಸ್ವಲ್ಪ ನೀರು ಹಾಕಿ ಗಟ್ಟಿಯಾಗಿ ಕಲೆಸಿ, ನಂತರ ಚಿಕನ್ ಹಾಕಿ ಮಿಕ್ಸ್ ಮಾಡಿ 2 ಗಂಟೆ ಕಾಲ ಇಡಿ.

* ಈಗ ಬಾಣಲೆಯನ್ನು ಉರಿಯಲ್ಲಿಟ್ಟು ಅದಕ್ಕೆ ಅರ್ಧದಷ್ಟು ಎಣ್ಣೆ ಹಾಕಿ ಕಾಯಿಸಿ, ಈಗ ಕುದಿಯುತ್ತಿರುವ ಎಣ್ಣೆಗೆ ಚಿಕನ್ ಪೀಸ್ ಹಾಕಿ ಫ್ರೈ ಮಾಡಿ ಡ್ರೈಯಾಗಿರುವ ಪಾತ್ರೆಗೆ ಪೇಪರ್ ಹಾಕಿ ಅದರಲ್ಲಿ ಹಾಕಿ.
(ಪೇಪರ್ ಅಧಿಕ ಎಣ್ಣೆಯನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.)

* ಈಗ ಮತ್ತೊಂದು ಪಾತ್ರೆಯನ್ನು ತೆಗೆದುಕೊಂಡು ಅದರಲ್ಲಿ 2 ಚಮಚ ಎಣ್ಣೆ ಹಾಕಿ ಅದರಲ್ಲಿ ಕತ್ತರಿಸಿದ ಹಸಿ ಮೆಣಸಿನಕಾಯಿ, ಈರುಳ್ಳಿ, ಬೆಳ್ಳುಳ್ಳಿ, ರುಚಿಗೆ ತಕ್ಕ ಉಪ್ಪು ಹಾಕಿ, ಈರುಳ್ಳಿ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿ.ಈಗ ಗರಂ ಮಸಾಲ, ನಿಂಬೆ ರಸ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ, ನಂತರ ಫ್ರೈ ಮಾಡಿದ ಚಿಕನ್ ಪೀಸ್ ಹಾಕಿ ಮಿಕ್ಸ್ ಮಾಡಿ. ಕೊನೆಗೆ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಚಿಕನ್ 65 ರೆಡಿ.