ಆಂಧ್ರಶೈಲಿಯ ಮೀನಿನ ಫ್ರೈ ರೆಸಿಪಿ

Non Vegetarian

oi-Reena

By Hema S

Updated: Friday, September 21, 2012, 12:16 [IST]

ಮೀನಿನ ಫ್ರೈಯಲ್ಲಿ ಕೇರಳ ಶೈಲಿಯ ಮೀನಿನ ಫ್ರೈಕ್ಕಿಂತ ಆಂಧ್ರ ಶೈಲಿಯ ಮೀನಿನ ಫ್ರೈ ರುಚಿ ಭಿನ್ನವಾಗಿರುತ್ತದೆ, ನಮ್ಮ ಕರಾವಳಿ ಕಡೆಯಲ್ಲಿ ತಮ್ಮದೇ ಶೈಲಿಯಲ್ಲಿ ತಯಾರಿಸುತ್ತಾರೆ. ಹೀಗೆ ವಿಭಿನ್ನ ಶೈಲಿಯ ಅಡುಗೆಗಳ ರುಚಿ ಕೂಡ ಭಿನ್ನವಾಗಿರುತ್ತದೆ. ಇವತ್ತು ನಾವು ಆಂಧ್ರ ಶೈಲಿಯಲ್ಲಿ ಮೀನಿನ ಫ್ರೈ ಮಾಡುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* ಈರುಳ್ಳಿ 1 (ಕತ್ತರಿಸಿದ್ದು)
* ಬೆಳ್ಳುಳ್ಳಿ ಎಸಳು 5-6
* ಒಂದು ಇಂಚಿನಷ್ಟು ದೊಡ್ಡದಿರುವ ಶುಂಠಿ
* ಕೊತ್ತಂಬರಿ ಬೀಜ 1 ಚಮಚ
* ಮೆಂತೆ 1 ಚಮಚ
* ಒಣ ಕೆಂಪು ಮೆಣಸು 5-6
* ಅರಿಶಿಣ ಪುಡಿ ಅರ್ಧ ಚಮಚ
* ಗರಂ ಮಸಾಲ ಅರ್ಧ ಚಮಚ
* ಕರಿಬೇವಿನ ಎಲೆ

ಇತರ ಸಾಮಗ್ರಿಗಳು
* ಮೀನು ಒಂದು ಕೆಜಿ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ
* ನಿಂಬೆ ಹಣ್ಣು

ತಯಾರಿಸುವ ವಿಧಾನ:

1. ಮೀನಿನ ತುಂಡುಗಳನ್ನು ಚೆನ್ನಾಗಿ ತೊಳೆದು ಅದರ ಮೇಲೆ ಉಪ್ಪು ಉಜ್ಜಿ ಇಡಬೇಕು.

2. ನಂತರ ಮೇಲೆ ಸಾಮಾಗ್ರಿಗಳ ಲಿಸ್ಟ್ ನಲ್ಲಿ ಹೇಳಿರುವ ಎಲ್ಲಾ ಸಾಮಾಗ್ರಿಗಳನ್ನು ತೆಗೆದುಕೊಂಡು ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ಗಟ್ಟಿಯಾದ ಪೇಸ್ಟ್ ರೀತಿಯಲ್ಲಿ ಅರೆಯಬೇಕು.

3. ನಂತರ ಈ ಮಸಾಲೆ ಪೇಸ್ಟ್ ಅನ್ನು ಮೀನಿನ ತುಂಡುಗಳಿಗೆ ಉಜ್ಜಿ ಅರ್ಧ ಗಂಟೆ ಇಡಬೇಕು.

4. ಈಗ ಬಾಣಲೆ ಅಥವಾ ತವಾದಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಎಣ್ಣೆ ಕಾದ ನಂತರ ಮೀನಿನ ತುಂಡುಗಳನ್ನು ಹಾಕಿ ಎರಡೂ ಬದಿಯನ್ನು ಚೆನ್ನಾಗಿ ಬೇಯಿಸಬೇಕು. ಈ ರೀತಿ ಮಾಡಿದರೆ ರುಚಿಕರವಾದ ಮೀನಿನ ಫ್ರೈ ರೆಡಿ.

ನಂತರ ಫ್ರೈ ಮಾಡಿದ ಮೀನನ್ನು ತಟ್ಟೆಗೆ ಹಾಕಿ ನಿಂಬೆ ಹಣ್ಣನ್ನು ಕತ್ತರಿಸಿ ತಟ್ಟೆಯಲ್ಲಿಟ್ಟು ಸರ್ವ್ ಮಾಡಿ.