ಈ ಸಲದ ಸಂಕ್ರಾಂತಿ ಹಬ್ಬಕ್ಕೆ ಹೆಸರುಕಾಳಿನ ಲಡ್ಡು ಟ್ರೈ ಮಾಡಿ

ತಯಾರಿಸುವ ವಿಧಾನ:

ಮೊದಲನೆಯದಾಗಿ, ಬಾಣಲೆಯಲ್ಲಿ 1 ಕಪ್ ಹೆಸರುಬೇಳೆಯನ್ನು ಕಡಿಮೆ ಉರಿಯಲ್ಲಿ ಹುರಿದುಕೊಳ್ಳಿ.

ಹಸಿವಾಸನೆ ಹೋಗುವವರೆಗೂ ಹುರಿದುಕೊಂಡು, ಸಂಪೂರ್ಣವಾಗಿ ತಣ್ಣಗಾಗಿಸಿ, ಉತ್ತಮವಾಗಿ ಪುಡಿ ಮಾಡಿ.

ಇದನ್ನು ಒಂದು ಕಡಾಯಿಗೆ ಹಾಕಿ, ಅದಕ್ಕೆ ¼ ಕಪ್ ತುಪ್ಪ ಸೇರಿಸಿ, ಲೋ ಫ್ಲೇಮ್‌ನಲ್ಲಿ ಗೋಲ್ಡನ್ ಬ್ರೌನ್ ಆಗುವವರೆಗೆ ಹುರಿಯಿರಿ. ಇದು ಸುಮಾರು 10 ನಿಮಿಷಗಳನ್ನು ತೆಗೆದುಕೊಳ್ಳಬಹುದು.

ಇದನ್ನು ಒಂದು ಬಟ್ಟಲಿಗೆ ಹಾಕಿ, ಸ್ವಲ್ಪ ತಣ್ಣಗಾಗಲು ಬಿಡಿ.

ಈಗ ½ ಕಪ್ ಸಕ್ಕರೆ ಮತ್ತು 3 ಏಲಕ್ಕಿಯನ್ನು ಪುಡಿ ಮಾಡಿಕೊಳ್ಳಿ.

ಇದನ್ನು ಹೆಸರುಕಾಳಿನ ಮಿಶ್ರಣಕ್ಕೆ ಹಾಕಿ, ಚೆನ್ನಾಗಿ ಮಿಶ್ರಣ ಮಾಡಿ, ಇದರಿಂದ ಉಂಡೆ ಕಟ್ಟಿ, ಪಿಸ್ತಾದಿಂದ ಅಲಂಕರಿಸಿದರೆ, ಲಡ್ಡು ಸವಿಯಲು ಸಿದ್ಧ.