Just In
- 7 hrs ago ವೃಷಭ ರಾಶಿಗೆ ಗುರು ಸಂಚಾರ: ಗುರು ನಿಮ್ಮ ಲಗ್ನ ಮನೆಯಲ್ಲಿ ಇರುವುದರಿಂದ ಇದರ ಪ್ರಭಾವ ಹೇಗಿರಲಿದೆ?
- 7 hrs ago ವೃಷಭ ರಾಶಿಗೆ ದೇವಗುರುವಿನ ಸಂಚಾರ: ಮೇಷ ರಾಶಿಗಳಿಗೆ ಇದರ ಪ್ರಭಾವ ಹೇಗಿರಲಿದೆ?
- 8 hrs ago ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- 9 hrs ago ದಿನ ಭವಿಷ್ಯ ಏಪ್ರಿಲ್ 19: ಶುಕ್ರವಾರದ ಈ ಶುಭ ದಿನ ನಿಮ್ಮ ರಾಶಿಗೆ ಹೇಗಿರಲಿದೆ?
Don't Miss
- News Lok Sabha Election 2024 Phase 1 Polling LIVE: ಲೋಕಸಭಾ ಚುನಾವಣೆ 2024ರ ಮೊದಲ ಹಂತದ ಮತದಾನ!
- Movies 'ಮಾರ್ಟಿನ್' ಚಿತ್ರದ ನಿರ್ಮಾಪಕ- ನಿರ್ದೇಶಕರ ಮಧ್ಯೆ ಕಿರಿಕ್: ಕೊನೆಗೂ ಸಿಕ್ತು ಸ್ಪಷ್ಟನೆ
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೆಸಿಪಿ: ಆರೋಗ್ಯದ ಗಣಿ ಗರಿಗರಿ ಹಲಸಿನ ಬೀಜದ ಪೂರಿ
ಪೂರಿ ಅಂದಾಕ್ಷಣ ಎಣ್ಣೆತಿಂಡಿ ಎಂದು ಮೂಗು ಮುರಿಯುವವರೇ ಹೆಚ್ಚು. ಆದರೆ ಪೂರಿಯನ್ನೂ ಕೂಡ ಆರೋಗ್ಯಕಾರಿಯಾಗಿ ಮಾಡುವುದಕ್ಕೆ ಸಾಧ್ಯವಿದೆ ಎಂದರೆ ನೀವು ನಂಬುತ್ತೀರಾ? ಹೌದು ಸಿಂಪಲ್ ಆಗಿ ಪೂರಿ ಮಾಡುವುದಕ್ಕಿಂತ ವಿಶೇಷ ಪೂರಿಯನ್ನು ತಯಾರಿಸಿ ಸವಿದರೆ ಆರೋಗ್ಯಕ್ಕೂ ಹಿತ. ಅದಕ್ಕಾಗಿ ನಾವಿಲ್ಲಿ ಹಲಸಿನ ಬೀಜದಿಂದ ಪೂರಿ ತಯಾರಿಸುವುದು ಹೇಗೆ ಎಂಬ ಬಗೆಯನ್ನು ಹೇಳುತ್ತಿದ್ದೇವೆ.
ಸಾಮಾನ್ಯವಾಗಿ ಹಿಂದಿನ ಕಾಲದಲ್ಲಿ ಹಲಸಿನ ಹಣ್ಣು ತಿಂದ ನಂತರ ಬೀಜವನ್ನು ಶೇಖರಿಸಿ ಇಡುತ್ತಿದ್ದರು. ಬೇಸಿಗೆ ಮುಗಿದ ನಂತರ ಮಳೆಗಾಲದಲ್ಲಿ ಅಡುಗೆಗೆ ಅವುಗಳ ಬಳಕೆ ಮಾಡಲಾಗುತ್ತಿತ್ತು. ಮಳೆಗಾಲದಲ್ಲಿ ಸ್ವಲ್ಪ ಕರುಂಕುರುಂ ಅಡುಗೆಗಳು ಬೇಕೆನಿಸುತ್ತದೆ. ಎಣ್ಣೆ ತಿಂಡಿಗಳಿಗೆ ಮಳೆಗಾಲದಲ್ಲಿ ಸ್ವಲ್ಪ ಬೇಡಿಕೆ ಹೆಚ್ಚು. ಅಂತಹ ಸಮಯದಲ್ಲಿ ನೀವು ಈ ತಿಂಡಿ ತಯಾರಿಸುವುದರಿಂದ ನಾಲಗೆಗೂ ರುಚಿ ಅನ್ನಿಸುತ್ತದೆ. ಆರೋಗ್ಯಕ್ಕೂ ಹಿತವಾಗುತ್ತದೆ.
ಹಾಗಾದ್ರೆ ಹಲಸಿನ ಬೀಜಗಳಿಂದ ಪೂರಿ ತಯಾರಿಸುವ ಬಗೆ ಹೇಗೆ ನೋಡೋಣ ಬನ್ನಿ.
Recipe By: Sushma
Recipe Type: Veg
Serves: 4
-
ಬೇಕಾಗುವ ಸಾಮಗ್ರಿಗಳು
. ಹಲಸಿನ ಬೀಜಗಳು -20
. ಗೋಧಿ ಹಿಟ್ಟು - 300 ಗ್ರಾಂ
. ಉಪ್ಪು - ರುಚಿಗೆ ತಕ್ಕಷ್ಟು
. ತೆಂಗಿನ ತುರಿ - ಅರ್ಧ ಕಪ್ ( optional)
. ಅಡುಗೆ ಎಣ್ಣೆ - ಅರ್ಧ ಲೀಟರ್
. ಸಕ್ಕರೆ - ಎರಡು ಸ್ಪೂನ್
-
ಮಾಡುವ ವಿಧಾನ -
. ಮೊದಲಿಗೆ ಹಲಸಿನ ಬೀಜಗಳ ಬಿಳಿಬಿಳಿಯಾಗಿರುವ ಸಿಪ್ಪೆಯನ್ನು ತೆಗೆಯಿರಿ
. ಕುಕ್ಕರ್ ನಲ್ಲಿ ಹಲಸಿನ ಬೀಜಕ್ಕೆ ಒಂದೆರಡು ಲೋಟ ನೀರು ಮತ್ತು ಉಪ್ಪು ಸೇರಿಸಿ ಬೇಯಿಸಿಕೊಳ್ಳಿ. ಮೂರರಿಂದ ನಾಲ್ಕು ವಿಷಿಲ್ ಕೂಗಿದರೆ ಒಳ್ಳೆಯದು.
. ಚೆನ್ನಾಗಿ ಬೆಂದ ಹಲಸಿನ ಬೀಜಗಳನ್ನು ತಣಿಯಲು ಬಿಡಿ. ನೀರನ್ನು ಸೋಸಿಕೊಂಡು ಬೀಜಗಳನ್ನು ಮಿಕ್ಸಿ ಮಾಡಿಕೊಳ್ಳಿ. ಗಟ್ಟಿ ಹಿಟ್ಟಿನಂತೆ ಮಾಡಿಕೊಳ್ಳಬೇಕು,
. ಮಿಕ್ಸಿ ಮಾಡಿಕೊಂಡ ಹಲಸಿನ ಬೀಜಕ್ಕೆ ಗೋಧಿಹಿಟ್ಟು, ಸಕ್ಕರೆ, ಅಗತ್ಯವಿದ್ದರೆ ಇನ್ನಷ್ಟು ಉಪ್ಪು ಸೇರಿಸಿ ಕಲಸಿಕೊಳ್ಳಿ.
. ತೆಂಗಿನ ತುರಿ ಇಷ್ಟಪಡುವವರು ಬೇಕಿದ್ದರೆ ತೆಂಗಿನ ತುರಿಯನ್ನು ನುಣ್ಣಗೆ ರುಬ್ಬಿಕೊಂಡು ಮೇಲಿನ ಹಿಟ್ಟಿಗೆ ಸೇರಿಸಿಕೊಳ್ಳಬಹುದು. ತೆಂಗಿನ ತುರಿ ಸೇರಿಸುವುದರಿಂದ ಪೂರಿ ಮೃದುವಾಗಿ ಬರುತ್ತದೆ ಮತ್ತು ಸ್ವಲ್ಪ ಸಿಹಿಯಾಗುತ್ತದೆ.
. ಗಟ್ಟಿಯಾಗಿ ಕಲಸಿಕೊಂಡ ಹಿಟ್ಟನ್ನು ಉಂಡೆಕಟ್ಟಿ ವೃತ್ತಾಕಾರಕ್ಕೆ ತಟ್ಟಿ ಕಾದ ಅಡುಗೆ ಎಣ್ಣೆಯಲ್ಲಿ ಕರಿದರೆ ಪೂರಿ ಸಿದ್ಧವಾಗುತ್ತದೆ.
.ಚಟ್ನಿ, ಸಾಂಬಾರ್ ಅಥವಾ ಕೂಟ್ ಜೊತೆಗೆ ಈ ಪೂರಿ ಸವಿಯುವುದಕ್ಕೆ ಬಹಳ ರುಚಿಯಾಗಿರುತ್ತದೆ.
- ಹಲಸಿನ ಬೀಜ ತಿನ್ನುವುದರಿಂದಾಗಿ ಕಣ್ಣು ಮತ್ತು ಕೂದಲಿನ ಆರೋಗ್ಯ ಹೆಚ್ಚಾಗುತ್ತದೆ .ಮಾಂಸಖಂಡಗಳ ಶಕ್ತಿ ಹೆಚ್ಚಳಕ್ಕೆ ಈ ಹಲಸಿನ ಬೀಜಗಳು ಸಹಕಾರಿ. .ಜೀರ್ಣಕ್ರಿಯೆ ಸಮಸ್ಯೆಯನ್ನು ನಿವಾರಿಸುವುದಕ್ಕೆ ಇದು ನೆರವಾಗುತ್ತದೆ. .ಮಾನಸಿಕ ಒತ್ತಡ ಮತ್ತು ಚರ್ಮದ ಕಾಯಿಲೆಯ ನಿವಾರಣೆಗೆ ಉಪಯೋಗವಾಗುತ್ತದೆ. .ಇದರಲ್ಲಿ ಪ್ರೊಟೀನ್,ಆಂಟಿಆಕ್ಸಿಡೆಂಟ್ ಗಳು,ರೆಸಿಸ್ಟೆಂಟ್ ಸ್ಟಾರ್ಚ್ ಇತ್ಯಾದಿ ಅಧಿಕವಾಗಿರುತ್ತದೆ.
- ಕ್ಯಾಲೋರಿ - 53
- ಕೊಬ್ಬು - 0
- ಪ್ರೋಟಿನ್ - 2 ಗ್ರಾಂ
- ಕಾರ್ಬ್ಸ್ - 11 ಗ್ರಾಂ
- ಸಕ್ಕರೆ - 2 ಗ್ರಾಂ
- ಫೈಬರ್ - 0.5