ರೆಸಿಪಿ: ಎಗ್‌ ದಿಲ್‌ರುಬಾ ಟ್ರೈ ಮಾಡಿದ್ದೀರಾ? ಮಾಡುವುದು ಸುಲಭ, ಟೇಸ್ಟ್‌ ಸೂಪರ್

ಎಗ್‌ ದಿಲ್‌ರುಬಾ ಟ್ರೈ ಮಾಡಿದ್ದೀರಾ? ಇದು ಮೊಟ್ಟೆಯ ಸ್ನ್ಯಾಕ್ಸ್ ಆಗಿದ್ದು ತಿನ್ನಲು ತುಂಬಾನೇ ರುಚಿಯಾಗಿರುತ್ತದೆ, ಎಗ್‌ಬೋಂಡಾಗಿಂತಲೂ ಇದು ತುಂಬಾ ರುಚಿಯಾಗಿರುತ್ತದೆ, ಖಾರವಾಗಿರುವ ಈ ದಿಲ್‌ರುಬಾ ಸಂಜೆ ಸ್ನ್ಯಾಕ್ಸ್ ಆಗಿ ಸವಿಯಬಹುದು.

ಮನೆಗೆ ಯಾರಾದರೂ ಗೆಸ್ಟ್‌ ಬಂದಾಗ ಸ್ಪೆಷಲ್ ಸ್ನ್ಯಾಕ್ಸ್‌ ಆಗಿ ನೀವು ಇದನ್ನು ತಯಾರಿಸಬಹುದು, ಇದನ್ನು ಮಾಡುವುದು ತುಂಬಾ ಸುಲಭ, ಬನ್ನಿ ಇದನ್ನು ಮಾಡುವುದು ಹೇಗೆ ಎಂದು ನೋಡೋಣ ಬನ್ನಿ:

ಬೇಕಾಗುವ ಸಾಮಗ್ರಿ
ಅರ್ಧ ಕಪ್‌ ಚಿಕನ್‌ ಕೈಮಾ( ಬೋನ್‌ಲೆಸ್‌ ಚಿಕನ್‌ ಬೇಯಿಸಿ ಸ್ಮ್ಯಾಶ್‌ ಮಾಡಿ)
ಬೇಯಿಸಿದ ಆಲೂಗಟ್ಟೆ 1
ಬೇಯಿಸಿದ ಮೊಟ್ಟೆ 4
ಬೆಳ್ಳುಳ್ಳಿ ಚಿಕ್ಕದಾಗಿ ಕತ್ತರಿಸಿದ್ದು 1 ಚಮಚ
ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
ಹಸಿ ಮೆಣಸು 1 ಚಮಚ
1 ಚಮಚ ಕೊತ್ತಂಬರಿ ಪುಡಿ
1 ಚಮಚ ಅರಿಶಿಣ ಪುಡಿ
ಅರ್ಧ ಕಪ್ ಬ್ರೆಡ್‌ ಚೂರುಗಳು
ಕಾರ್ನ್‌ಫ್ಲೋರ್ 1 ಚಮಚ
ರುಚಿಗೆ ತಕ್ಕ ಉಪ್ಪು
4 ಚಮಚ ಎಣ್ಣೆ

ಮಾಡುವ ವಿಧಾನ'
* ಬೋನ್‌ಲೆಸ್‌ ಚಿಕನ್‌ ಅನ್ನು ಚಿಟಿಕೆಯಷ್ಟು ಉಪ್ಪು ಸೇರಿಸಿ ಬೇಯಿಸಿ.
* ನಂತರ ಪ್ಯಾನ್‌ಗೆ ಎಣ್ಣೆ ಹಾಕಿ ಬಿಸಿ ಮಾಡಿ ಕೈಮಾ ಹಾಕಿ ಫ್ರೈ ಮಾಡಿ. ನಂತರ ಎಲ್ಲಾ ಮಸಾಲೆ ಹಾಕಿ ಫ್ರೈ ಮಾಡಿ, ನಂತರ ಬೇಯಿಸಿದ ಆಲೂಗಡ್ಡೆ ಹಾಕಿ ಮಿಕ್ಸ್ ಮಾಡಿ.

* ಈಗ ಬೇಯಿಸಿದ ಮೊಟ್ಟೆಗೆ ಈ ಚಿಕನ್ ಮಸಾಲೆಯನ್ನು ಅದರ ಮೇಲ್ಭಾಗದಲ್ಲಿ ಹಾಕಿ , ಮೆಲ್ಲನೆ ತಟ್ಟಿ, ನಂತರ ಕಾರ್ನ್‌ಫ್ಲೋರ್‌ ಹಿಟ್ಟಿನಲ್ಲಿ ಮೆಲ್ಲನೆ ಅದ್ದಿ ನಂತರ ಬ್ರೆಡ್‌ ಚೂರುಗಳಲ್ಲಿ ಹೊರಳಾಡಿಸಿ ನಂತರ ಎಣ್ಣೆಯಲ್ಲಿ ಫ್ರೈ ಮಾಡಿದರೆ ಎಗ್‌ ದಿಲ್‌ರುಬಾ ರೆಡಿ. ಇದನ್ನು ಸೌತೆ ಕತ್ತರಿಸಿ, ಲೆಟ್ಯೂಸೆ ಎಲೆಯಿದ್ದರೆ ಅದನ್ನು ಇಟ್ಟು ಸರ್ವ್ ಮಾಡಿ.

ರೆಸಿಪಿ: ಆಹಾ! ಯಾರಿಗೆ ತಾನೆ ಇಷ್ಟವಾಗಲ್ಲ ಸುಟ್ಟ ಬದನೆಕಾಯಿ ಗೊಜ್ಜು

ಸಲಹೆ:

ಚಿಕನ್‌ ಕೈಮಾ ಮಿಶ್ರಣ ನೀರು ನೀರಾಗಿ ಇರಬಾರದು ಮೊಟ್ಟೆ ಮೇಲೆ ಹಾಕಿ ಮೆಲ್ಲನೆ ಅಂಟಿಕೊಳ್ಳಬೇಕು, ಇಲ್ಲದಿದ್ದರೆ ಈ ಮಸಾಲೆ ತೆಗೆದು ಅದರೊಳಗೆ ಮೊಟ್ಟೆ ಹಾಕಿ ಮೆಲ್ಲನೆ ಪ್ರೆಸ್‌ ಮಾಡಿದರೆ ಸಾಕು.
* ಬರೀ ಸ್ನ್ಯಾಕ್ಸ್‌ ಆಗಿ ಮಾತ್ರವಲ್ಲ ಸೈಡ್‌ ಡಿಶ್‌ ಆಗಿಯೂ ಇದನ್ನು ಬಳಸಬಹುದು ನೋಡಿ.