ಹೇರಳೆಕಾಯಿ ನೀರುಗೊಜ್ಜು ರೆಸಿಪಿ

ಮಾಡುವ ವಿಧಾನ

ಎರಡು ಲೋಟ ನೀರಿಗೆ ಹೇರಳೆಕಾಯಿಯ ರಸವನ್ನು ಹಿಂಡಿ.

ನಂತರ ಉಪ್ಪು ಹಾಕಿ.

ಸಿಹಿಯನ್ನು ಇಷ್ಟ ಪಡುವವರು ಬೆಲ್ಲ ಹಾಕಬಹುದು. ನಾವಿಲ್ಲಿ ಸಿಹಿಗೊಜ್ಜನ್ನು ಇಷ್ಟ ಪಡುವುದರಿಂದಾಗಿ ಬೆಲ್ಲ ಸೇರಿಸಿದ್ದೇವೆ.

ನೆನಪಿರಲಿ ಬೆಲ್ಲ ಸೇರಿಸಿದರೆ ಒಂದು ರುಚಿ, ಬೆಲ್ಲ ಸೇರಿಸದೇ ಇದ್ದರೆ ಇನ್ನೊಂದು ರುಚಿ ಅನ್ನಿಸುತ್ತದೆ.

ನಂತರ ಒಗ್ಗರಣೆ ಮಾಡಬೇಕು. ನೀರು ಗೊಜ್ಜಿನ ಪ್ರಮುಖ ಹಂತವೇ ಈ ಒಗ್ಗರಣೆ.

ಮೂರು ಸ್ಪೂನ್ ಎಣ್ಣೆಯನ್ನು ಒಗ್ಗರಣೆಗಾಗಿ ಕಾಯಲು ಇಡಿ. ನಂತರ ಅದಕ್ಕೆ ಸಾಸಿವೆ ಕಾಳು ಹಾಕಿ ಚಟಿಪಟಿ ಅಂದಾಗ ಬೇವಿನಸೊಪ್ಪು, ಇಂಗು ಮತ್ತು ಕೆಂಪು ಮೆಣಸು ಹಾಕಿ ಹುರಿಯಿರಿ.

ಕೆಂಪು ಮೆಣಸು ಉಬ್ಬಿದ ಮೇಲೆ ಅದನ್ನು ಹೇರಳೆಕಾಯಿ ರಸದ ನೀರಿಗೆ ಹಾಕಿ.

30 ಸೆಕೆಂಡಿನ ನಂತರ ಆ ಎಲ್ಲಾ ಕೆಂಪು ಮೆಣಸನ್ನು ನೀರಿನೊಂದಿಗೆ ಬೆರೆಯುವಂತೆ ಉಜ್ಜಬೇಕು.

ನಂತರ ಇದನ್ನು ಅನ್ನದೊಂದಿಗೆ ಕಲಸಿ ತಿನ್ನುವುದಕ್ಕೆ ಬಹಳ ರುಚಿಯಾಗಿರುತ್ತದೆ.