For Quick Alerts
ALLOW NOTIFICATIONS  
For Daily Alerts

ಹೇರಳೆಕಾಯಿ ನೀರುಗೊಜ್ಜು ರೆಸಿಪಿ

Posted By:
|

ಹುಣಸೆ ಹಣ್ಣು, ನಿಂಬೆ ಹಣ್ಣು ಬಿಟ್ಟರೆ ಉಳಿದ ಹುಳಿ ಪದಾರ್ಥಗಳ ಪರಿಚಯ ಹೆಚ್ಚಿನವರಿಗೆ ಇಲ್ಲವಾಗಿದೆ. ಅದೆಷ್ಟೋ ಹುಳಿ ಆಹಾರ ಪದಾರ್ಥಗಳು ಮಾರುಕಟ್ಟೆಯನ್ನು ಪ್ರವೇಶಿಸುವುದೇ ಇಲ್ಲ ಎಂದರೆ ತಪ್ಪಿಲ್ಲ. ಆದರೆ ಹೇರಳೆಕಾಯಿಗೆ ಉತ್ತಮ ಬೇಡಿಕೆ ಇದೆ. ಹೇರಳೆಕಾಯಿಯನ್ನು ಕೆಲವು ಕಡೆ ಕಂಚಿಕಾಯಿ ಎಂದು ಕೂಡ ಕರೆಯುತ್ತಾರೆ. ಹೇರಳೆಕಾಯಿ ಚಿತ್ನಾಹ್ನ ತುಂಬಾ ಫೇಮಸ್. ಆದರೆ ಹೇರಳೆಕಾಯಿಯಿಂದ ಇನ್ನೂ ಅನೇಕ ರೀತಿಯ ಅಡುಗೆ ಮಾಡುವುದಕ್ಕೆ ಸಾಧ್ಯವಿದೆ.ಅಂತಹದ್ದೇ ಒಂದು ವಿಶೇಷ ಅಡುಗೆಯನ್ನು ನಾವಿಲ್ಲಿ ನಿಮಗೆ ತಿಳಿಸಿಕೊಡುತ್ತಿದ್ದೇವೆ. ಅದುವೇ ಹೇರಳೆಕಾಯಿ ನೀರುಗೊಜ್ಜು.

ಅನ್ನಕ್ಕೆ ಕಲಸುವುದಕ್ಕೆ ರುಚಿರುಚಿಯಾಗಿರುವ ಇದು ಸೀಸನಲಿ ಸೇವಿಸುವುದಕ್ಕೆ ಬಹಳ ಚೆನ್ನಾಗಿರುತ್ತೆದೆ. ಆರೋಗ್ಯಕ್ಕೂ ಹಿತವಾಗುವ ಅಡುಗೆಯಾಗಿರುವುದರಿಂದ ಜೀರ್ಣಕ್ರಿಯೆಗೆ ನೆರವು ನೀಡುತ್ತದೆ. ತಿಳಿಸಾರಿನ ಬದಲಿಗೆ ನೀರುಗೊಜ್ಜು ವಾವ್ ಅನ್ನಿಸುವ ರುಚಿ ನೀಡುತ್ತದೆ. ಮಾವಿನಕಾಯಿಯ ನೀರುಗೊಜ್ಜಿನಂತೆಯೇ ಹೇರಳೆಕಾಯಿ ನೀರುಗೊಜ್ಜು ಕೂಡ ತಯಾರಿಸಬಹುದು. ಬೇಕಾಗುವ ಸಾಮಗ್ರಿಗಳು ಮತ್ತು ಮಾಡುವ ವಿಧಾನಕ್ಕಾಗಿ ಮುಂದೆ ಓದಿ.

Heralekayi Neeru Gojju/ಹೇರಳೆಕಾಯಿ ನೀರುಗೊಜ್ಜು
Heralekayi Neeru Gojju/ಹೇರಳೆಕಾಯಿ ನೀರುಗೊಜ್ಜು
Prep Time
4 Mins
Cook Time
5M
Total Time
9 Mins

Recipe By: Sushma

Recipe Type: Gojju

Serves: 4

Ingredients
  • ಬೇಕಾಗುವ ಸಾಮಗ್ರಿಗಳು

    ಹೇರಳೆಕಾಯಿ - 1

    ನೀರು - 2 ಲೋಟ

    ಉಪ್ಪು- ರುಚಿಗೆ ತಕ್ಕಷ್ಟು

    ಸಾಸಿವೆ - ಒಂದು ಸ್ಪೂನ್

    ಕೆಂಪು ಮೆಣಸು - ಮೂರು

    ಕೊಬ್ಬರಿಎಣ್ಣೆ- ನಾಲ್ಕು ಸ್ಪೂನ್

    ಬೇವಿನಸೊಪ್ಪು - ನಾಲ್ಕರಿಂದ ಐದು ಎಸಳು

    ಬೆಲ್ಲ(ಆಪ್ಶನಲ್) - ಮೂರು ಸ್ಪೂನ್

    ಇಂಗು - ಚಿಟಿಕೆ

Red Rice Kanda Poha
How to Prepare
  • ಮಾಡುವ ವಿಧಾನ

    ಎರಡು ಲೋಟ ನೀರಿಗೆ ಹೇರಳೆಕಾಯಿಯ ರಸವನ್ನು ಹಿಂಡಿ.

    ನಂತರ ಉಪ್ಪು ಹಾಕಿ.

    ಸಿಹಿಯನ್ನು ಇಷ್ಟ ಪಡುವವರು ಬೆಲ್ಲ ಹಾಕಬಹುದು. ನಾವಿಲ್ಲಿ ಸಿಹಿಗೊಜ್ಜನ್ನು ಇಷ್ಟ ಪಡುವುದರಿಂದಾಗಿ ಬೆಲ್ಲ ಸೇರಿಸಿದ್ದೇವೆ.

    ನೆನಪಿರಲಿ ಬೆಲ್ಲ ಸೇರಿಸಿದರೆ ಒಂದು ರುಚಿ, ಬೆಲ್ಲ ಸೇರಿಸದೇ ಇದ್ದರೆ ಇನ್ನೊಂದು ರುಚಿ ಅನ್ನಿಸುತ್ತದೆ.

    ನಂತರ ಒಗ್ಗರಣೆ ಮಾಡಬೇಕು. ನೀರು ಗೊಜ್ಜಿನ ಪ್ರಮುಖ ಹಂತವೇ ಈ ಒಗ್ಗರಣೆ.

    ಮೂರು ಸ್ಪೂನ್ ಎಣ್ಣೆಯನ್ನು ಒಗ್ಗರಣೆಗಾಗಿ ಕಾಯಲು ಇಡಿ. ನಂತರ ಅದಕ್ಕೆ ಸಾಸಿವೆ ಕಾಳು ಹಾಕಿ ಚಟಿಪಟಿ ಅಂದಾಗ ಬೇವಿನಸೊಪ್ಪು, ಇಂಗು ಮತ್ತು ಕೆಂಪು ಮೆಣಸು ಹಾಕಿ ಹುರಿಯಿರಿ.

    ಕೆಂಪು ಮೆಣಸು ಉಬ್ಬಿದ ಮೇಲೆ ಅದನ್ನು ಹೇರಳೆಕಾಯಿ ರಸದ ನೀರಿಗೆ ಹಾಕಿ.

    30 ಸೆಕೆಂಡಿನ ನಂತರ ಆ ಎಲ್ಲಾ ಕೆಂಪು ಮೆಣಸನ್ನು ನೀರಿನೊಂದಿಗೆ ಬೆರೆಯುವಂತೆ ಉಜ್ಜಬೇಕು.

    ನಂತರ ಇದನ್ನು ಅನ್ನದೊಂದಿಗೆ ಕಲಸಿ ತಿನ್ನುವುದಕ್ಕೆ ಬಹಳ ರುಚಿಯಾಗಿರುತ್ತದೆ.

Instructions
  • ದಿಢೀರ್ ಅಡುಗೆ ಬಯಸುವವರಿಗೆ ಇದು ಹೇಳಿ ಮಾಡಿಸಿದ ಅಡುಗೆ. ಸಿಟ್ರಿಕ್ ಅಂಶವಿರುವುದರಿಂದ ರಸ ಹಿಂಡಿದ ನಂತರ ಆ ಸಿಪ್ಪೆಯನ್ನು ನೀವು ತಾಮ್ರದ ಪಾತ್ರೆ ತೊಳೆಯುವುದಕ್ಕೆ, ಬೆಳ್ಳಿಯ ಪಾತ್ರೆಗಳನ್ನು ಸ್ವಚ್ಛಗೊಳಿಸುವುದಕ್ಕೆ ಬಳಕೆ ಮಾಡಬಹುದು.
Nutritional Information
  • ಫೈಬರ್ - 2.8 ಗ್ರಾಂ
  • ಸಕ್ಕರೆ - 1.69 ಗ್ರಾಂ
  • ಫೋಲೇಟ್ - 8 mcg
[ 3.5 of 5 - 71 Users]
Story first published: Monday, September 21, 2020, 12:00 [IST]
X