ಬೇಸಿಗೆಗೆ ಬೆಸ್ಟ್ ಲೆಮನ್ ಐಸ್ ಕ್ರೀಮ್

ಐಸ್ ಕ್ರೀಮ್ ತಯಾರಿಸಲು ಇದೇ ಸೂಕ್ತವಾದ ಕಾಲ. ಐಸ್ ಕ್ರೀಮ್ ತಯಾರಿಸಲು ಆಸಕ್ತಿ ಇರುವವರು ಈ ಸಮಯದಲ್ಲಿ ಅನೇಕ ರುಚಿಯ ಐಸ್ ಕ್ರೀಮ್ ತಯಾರಿಸಬಹುದು. ಮಕ್ಕಳಿಗೆ ರಜೆ ಇರುವುದರಿಂದ ಈ ರೀತಿಯ ವಸ್ತುಗಳನ್ನು ಮಾಡಿ ಕೊಡುವುದರಿಂದ ಅವರಿಗೂ ಬೇಸಿಗೆ ರಜೆ ಸ್ಪೆಷಲ್ ಆಗಿರುತ್ತದೆ. ಏನಂತೀರಿ?

ಇಲ್ಲಿ ನಾವು ಸುಲಭದಲ್ಲಿ ತಯಾರಿಸಬಹುದಾದ ಲೆಮನ್ ಐಸ್ ಕ್ರೀಮ್ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
* 1 ನಿಂಬೆ ಹಣ್ಣಿನ ರಸ
* 1 ಕಪ್ ಸಕ್ಕರೆ
* 1 ಕಪ್ ಹಾಲು
* 1 ಕಪ್ ವೈಪ್ಡ್ ಕ್ರೀಮ್ (ತುಂಬಾ ತಣ್ಣಗಿರುವುದು)

ತಯಾರಿಸುವ ವಿಧಾನ
* ಹಾಲನ್ನು ಕುದಿಸಿ ತಣ್ಣಗಾಗಲು ಇಡಿ (2 ಲೋಟ ಹಾಲು 1 ಲೋಟ ಆಗುವಷ್ಟು ಕುದಿಸಿರಬೇಕು). ನಂತರ ಹಾಲಿಗೆ ಸಕ್ಕರೆ ಹಾಕಿ ಚೆನ್ನಾಗಿ ಕಲೆಸಿ, ನಂತರ ನಿಂಬೆ ರಸ ಹಾಕಿ ಚೆನ್ನಾಗಿ ಕೆಲೆಸಿ. ಈಗ ವೈಪ್ಡ್ ಕ್ರೀಮ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ನಂತರ ಪಾತ್ರೆಯ ಬಾಯಿಯನ್ನು ಸಿಲ್ವರ್ ಪೇಪರ್ ನಿಂದ ಮುಚ್ಚಿ ಫ್ರಿಜ್ ನಲ್ಲಿಡಿ. 3 ಗಂಟೆಯ ಬಳಿಕ ಮತ್ತೊಮ್ಮೆ ಚೆನ್ನಾಗಿ ಕಲೆಸಿ 2-3 ಗಂಟೆ ಇಟ್ಟರೆ ಲೆಮನ್ ಐಸ್ ಕ್ರೀಮ್ ರೆಡಿ.