ಜೋಳದ ಹಿಟ್ಟಿನ ಕಡುಬು

ಮನೆ ಮಂದಿ ಕೂತು, ಜೋಳದ ಕಡುಬನ್ನು ಕೆಂಪು ಚಟ್ನಿಯಾಂದಿಗೆ ಸವಿಯುವುದೇ ಒಂದು ಆನಂದ! ಬಲುಬಲು ಆನಂದ!

• ನಿರ್ಮಲಾ ಪಿ.ಮಠದ, ಕಡಪಟ್ಟಿ

ಜೋಳದ ಹಿಟ್ಟು -2 ಬಟ್ಟಲು
ಉಪ್ಪು -ರುಚಿಗೆ ತಕ್ಕಷ್ಟು
ಇಂಗು -ಚಿಟಿಕೆ
ಜೀರಿಗೆ - 1 ಚಮಚ

ವಿಧಾನ : ಜೋಳದ ಹಿಟ್ಟನ್ನು ಜರಡಿ ಹಿಡಿದು ಉಪ್ಪು, ಇಂಗು, ಜೀರಿಗೆ ಎಲ್ಲವನ್ನೂ ಸೇರಿಸಿ, ಬಿಸಿ ನೀರಿನಿಂದ ಚೆನ್ನಾಗಿ ಕಲಸಿ ನಾದಿ. ಒಲೆಯ ಮೇಲೆ ನೀರು ಕಾಯಲು ಇಡಿ.

ಕಲಸಿದ ಹಿಟ್ಟಿನಿಂದ ಚಿಕ್ಕ ಚಿಕ್ಕ ಉಂಡೆ ಮಾಡಿ, ಅದನ್ನು ಅಂಗೈ ಮೇಲೆ ಇಟ್ಟು ಒತ್ತಿ ಚಪ್ಪಟೆ ಮಾಡಿ, ಕಾದ ನೀರಿನಲ್ಲಿ ಹಾಕಿ. 10ರಿಂದ 15 ಕಡುಬುಗಳನ್ನು ಒಮ್ಮೆಲೆ ಹಾಕಬಹುದು. ನೀರಿನಲ್ಲಿ ಸ್ವಲ್ಪ ಎಣ್ಣೆ ಬಿಡಿ. ಇದರಿಂದ ಕಡುಬು ಒಂದಕ್ಕೊಂದು ಅಂಟುವುದಿಲ್ಲ. ಪಾತ್ರೆಯ ಮೇಲೆ ಮುಚ್ಚಿ.

ಕಡುಬು ಬೆಂದ ಮೇಲೆ ನೀರನ್ನು ಬಸಿಯಿರಿ. ಈಗ ರುಚಿಯಾದ ಜೋಳದ ಕಡುಬು ರೆಡಿ. ಕೆಂಪು ಚಟ್ನಿಯಾಂದಿಗೆ ತಿನ್ನಲು ಬಲು ರುಚಿ.