ಚಳಿಯಲ್ಲಿ ಬಿಸಿ ಬಿಸಿ ಕಾಶ್ಮೀರಿ ಚಹಾ ರುಚಿ ನೋಡಿ

Drinks

oi-Sumalatha

By Sumalatha

Published: Thursday, November 17, 2011, 17:27 [IST]

ಈ ಥಂಡಿ ಗಾಳಿಯಲ್ಲಿ ಬಿಸಿ ಬಿಸಿ ಚಹಾ ಹೀರುತ್ತಿದ್ದರೆ ಅದರ ಮಜವೇ ಬೇರೆ, ಆದರೆ ಮಾಮೂಲಿ ಟೀ ಕುಡಿದು ಬೇಜಾರೆನಿಸಿದ್ದರೆ ವಿಭಿನ್ನವಾಗಿರುವ ಕಾಶ್ಮೀರಿ ಚಹಾ ತಯಾರಿಸಿ ಟೇಸ್ಟ್ ಮಾಡಬಹುದು. ಸಂಜೆ ಹೊತ್ತಿನ ಚಳಿಗಾಳಿಯೊಂದಿಗೆ ಈ ಟೀ ಕುಡಿದರೆ ನಿಜಕ್ಕೂ ಆಹ್ಲಾದವೆನಿಸುತ್ತೆ. ಕಾಶ್ಮೀರಿ ಕವಾ ಟೀ ಮಾಡೋದು ಕೂಡ ಅಷ್ಟೇ ಸುಲಭ. ಅದು ಹೇಗೆಂದು ಇಲ್ಲಿ ನೋಡಿ.

ಕವಾ ಟೀ ತಯಾರಿಸಲು ಏನೇನು ಬೇಕು?
* 3-4 ಕಪ್ ನೀರು
* 2-3 ಹಸಿರು ಏಲಕ್ಕಿ
* ಚಿಕ್ಕ ಚೆಕ್ಕೆ ತುಂಡು
* ಸಕ್ಕರೆ
* 2 ಚಮಚ ಗ್ರೀನ್ ಟೀ ಪುಡಿ
* ಬಾದಾಮಿ (ಚಿಕ್ಕ ತುಂಡುಗಳಾಗಿ ಮಾಡಿರಬೇಕು)

ಕವಾ ಟೀ ತಯಾರಿಸೋದು ಹೇಗೆ?
* ಕುದಿಯುತ್ತಿರುವ ನೀರಿಗೆ ಏಲಕ್ಕಿ, ಚೆಕ್ಕೆ, ಸಕ್ಕರೆ ಬೆರೆಸಿ ಅದನ್ನು ಚೆನ್ನಾಗಿ ತಿರುಗಿಸಬೇಕು.

* ಕೆಲವು ನಿಮಿಷದ ನಂತರ ಈ ಮಿಶ್ರಣವನ್ನು ಸೋಸಿ ಇದಕ್ಕೆ ಗ್ರೀನ್ ಟೀ ಪುಡಿ ಬೆರೆಸಬೇಕು. ಟೀ ಬಣ್ಣ ಬದಲಿಸುವ ತನಕ ಕಾಯಬೇಕು.

* ಈಗ ಅದಕ್ಕೆ ತುಂಡು ಮಾಡಿದ್ದ ಬಾದಾಮಿಯನ್ನು ಬೆರೆಸಿದರೆ ಕಾಶ್ಮೀರಿ ಕವಾ ಟೀ ಸವಿಯಲು ಸಿದ್ಧವಾಗಿರುತ್ತೆ. ಟೀ ತುಂಬಾ ಗಾಢ ಬಣ್ಣ ಪಡೆದುಕೊಂಡರೆ ನಿಂಬೆರಸ ಬೆರೆಸಿದರೆ ಸರಿ ಹೋಗುತ್ತೆ.