ವೆಜ್-ನಾನ್ ವೆಜ್ ಗೂಗಲ್ ಹೊಟೇಲ್ ಬಿಜಾಪುರ

ನೀವು ಎಂತೆಂಥದೋ ಹೋಟೆಲುಗಳಲ್ಲಿ ಊಟ ಮಾಡಿರಬಹುದು. ಫೈವ್ ಸ್ಟಾರ್, ಸಿಕ್ಸ್ ಸ್ಟಾರ್, ಸೆವೆನ್ ಸ್ಟಾರ್. ಆದರೆ ನೆಲಮಟ್ಟದ ಇಂಥ ಖಾನಾವಳಿಯಲ್ಲಿ ಊಟ ಮಾಡಿರಲಿಕ್ಕಿಲ್ಲ. ಅಂಥಿಂಥ ಹೋಟಲು ಇದಲ್ಲ, ಇಂಥ ಹೋಟೆಲು ಇನ್ನಿಲ್ಲ ! ಇದು ಬಿಜಾಪುರದಲ್ಲಿರುವ ಗೂಗಲ್ ಹೋಟೆಲಿಗೆ ನಾವು ಕೊಡುತ್ತಿರುವ ಪುಕ್ಕಟೆ ಜಾಹೀರಾತು.

ಸರ್ಚ್ ಇಂಜಿನ್ ಪಿತಾಮಹ ಗೂಗಲ್ ಕೂಡ ಒಂದು ದೊಡ್ಡ ಹೋಟೆಲು. ಎಷ್ಟೋ ಜನಕ್ಕೆ ಅನ್ನ ಹಾಕುವ ಕಾರ್ಖಾನೆ. ಅದನ್ನು ನಂಬಿ ಬದುಕು ನೂಕುವವರ ಸಂಖ್ಯೆಗೆ ಲೆಕ್ಕವೇ ಇಲ್ಲ.

ಅಸಲು ವಿಷಯವೆಂದರೆ ಗೂಗಲ್ ನಿಮಗೆ ಟ್ರಾಫಿಕ್ ತಂದುಕೊಡಬಹುದು. ಬಿಸಿನೆಸ್ ಅಭಿವೃದ್ಧಿಗೆ ನೆರವು ನೀಡಬಹುದು. ಆದರೆ ಅನ್ನ ಸಾರು ಪುಳಿಯೋಗರೆ ಪಲ್ಯ, ಚಿಕನ್ 65 ಖಂಡಿತ ಕೊಡಲಾರದು.

ಆದರೆ ನಮ್ಮೂರ ಹೋಟೆಲು ನಿಮಗೆ ನಿರಾಶೆಗೊಳಿಸುವುದಿಲ್ಲ. ಅಪ್ಪಟ ಪೂರ್ವ ಶೈಲಿಯ ಈ ಗೂಗಲ್ ಹೋಟೆಲು ಬಿಜಾಪುರದ ಶೋಲಾಪುರ ರಸ್ತೆಯಲ್ಲಿ ಆರಂಭವಾಗಿದೆ. ಅಮೆರಿಕಾದ ಪಶ್ಚಿಮ ಕರಾವಳಿಯಲ್ಲಿರುವ ಗೂಗಲ್ ಹೋಟೆಲಿಗೂ ನಮ್ಮ ಕರ್ನಾಟಕದ ಬಿಜಾಪುರದಲ್ಲಿರುವ ಗೂಗಲ್ ಹೋಟೆಲಿಗೂ ಅಜಗಜಾಂತರ ವ್ಯತ್ಯಾಸವಿದೆ. ನೀವು ಬಿಜಾಪುರಕ್ಕೆ ಬಂದರೆ ಸದಾ ಊಟ ರೆಡಿ. We mean, Eastern Delights Google Hotel, Now open!

(ಕೃಪೆ : ಮಹೇಶ್.ಕಾಂ)