ಹೇಡನ್ ಜತೆಗೆ ಅಡುಗೆ ಹರಟೆ

Culture

oi-Shami

By Shami

Updated: Thursday, March 28, 2013, 13:54 [IST]

ಬಗೆಬಗೆಯಾದ ರುಚಿರುಚಿಯಾದ ವೈವಿಧ್ಯಮಯವಾದ ಆಹಾರಗಳ ಬಗೆಗೆ ಹರಟೆ ಕೊಚ್ಚುವ ಊಟದ ಮಲ್ಲ ಕುನಾಲ್ ವಿಜಯ್ಕರ್. ಹಲವಾರು ಚಿತ್ರಗಳಲ್ಲಿ ಅಭಿನಯಿಸಿ ಪ್ರೇಕ್ಷಕರ ಮನ ಗೆದ್ದಿರುವ ಕುನಾಲ್ ರುಚಿ ಅಭಿರುಚಿಯ ವಕ್ತಾರ ಕೂಡ. ಇವರ ಆಹಾರ ವಿಹಾರಗಳ ಮಾತುಕತೆ ಮತ್ತು ವಿವರಣೆಗಳು ಅವರು ತಿಳಿಯಪಡಿಸುವ ಅಡುಗೆ ತಿಂಡಿಗಳಷ್ಟೇ ರುಚಿಕಟ್ಟಾಗಿರುತ್ತವೆ ಎನ್ನುತ್ತಾರೆ ಅವರ ಅಭಿಮಾನಿಗಳು.

ಇವತ್ತು ಕುನಾಲ್ ನಿಮ್ಮನ್ನು ಚೆನ್ನೈನ ಒಂದು ಹೋಟೆಲಿಗೆ ಕರೆದೊಯ್ಯುತ್ತಿದ್ದಾರೆ. ಪಾರ್ಕ್ ಶೆರಾಟನ್ ಹೋಟೆಲಿನ ಆನ್ ದಿ ರಾಕ್ಸ್ ನಲ್ಲಿ ಕ್ರಿಕೆಟ್ ಆಟಗಾರ ಹೇಡನ್ ಜತೆಗೆ ಭಕ್ಷ್ಯ ಭೋಜ್ಯಗಳ ಕುರಿತು ಹರಟೆ ಹೊಡೆಯುತ್ತಿದ್ದಾರೆ.

ಐಪಿಲ್ 3ರ ಪಂದ್ಯಾವಳಿಯಲ್ಲಿ ಕೈಯಲ್ಲಿ ಮಾಂಗೂಸ್ ಬ್ಯಾಟ್ ಹಿಡಿದು ಎದುರಾಳಿ ಬೌಲರ್ ಗಳನ್ನು ಬೌಂಡರಿಯಾಚೆ ಅಟ್ಟುವ ಚೆನ್ನೈ ಸೂಪರ್ ಕಿಂಗ್ಸ್ ಪರ ಆಡುತ್ತಿರುವ ಮ್ಯಾಥ್ಯೂ ಹೇಡನ್ ಅದೇ ಕೈಯಲ್ಲಿ ಸೌಟು ಹಿಡಿಯುವುದನ್ನೂ ಬಲ್ಲರು, ಅರ್ಥಾತ್ ಒಳ್ಳೆ ಬಾಣಸಿಗನೂ ಹೌದಂತೆ. ಬ್ಯಾಟ್ ಬೀಸುವುದಲ್ಲದೆ ಆಹಾರ ಸಿದ್ಧಪಡಿಸುವುದರಲ್ಲೂ ಅವರದು ಎತ್ತಿದ ಕೈ. ಭಾರತದ ಜನಪ್ರಿಯ ಆಹಾರ ದಾಲ್ ತಡಕ ಎಂದರೆ ಅವರಿಗೆ ತುಂಬಾ ಪ್ರಿಯ. ಕುನಾಲ್ ಮತ್ತು ಹೇಡನ್ ಅವರ ಈ ವಿಡಿಯೋ ಆಹಾರ ವಿಹಾರ ದಲ್ಲಿ ನೀವೂ ಭಾಗಿಯಾಗಿ.