ಹೀರೇಕಾಯಿ ಚಟ್ನಿ ರುಚಿ ನೋಡಿದ್ದೀರಾ?

ಕೆಲವರಿಗೆ ಕಾಯಿ ಚಟ್ನಿ ಇಷ್ಟವಾದರೆ ಮತ್ತೆ ಕೆಲವರಿಗೆ ಕಡಲೆ ಚಟ್ನಿ, ಟೊಮೆಟೊ ಚಟ್ನಿ ಇಷ್ಟವಾಗುತ್ತದೆ. ಚಟ್ನಿ ಮಾಡುವ ವಿಧಾನ ಸುಮಾರಾಗಿ ಒಂದೇ ರೀತಿಯಿದ್ದರೂ ಅದಕ್ಕೆ ಬಳಸುವ ಸಾಮಾಗ್ರಿಗಳು ಬದಲಾದರೆ ರುಚಿಕರವಾದ ಅನೇಕ ಬಗೆಯ ಚಟ್ನಿ ರೆಡಿಯಾಗುತ್ತದೆ. ಇಲ್ಲಿ ನಾವು ಹೀರೇಕಾಯಿಯಿಂದ ಚಟ್ನಿ ಮಾಡುವ ಸುಲಭ ವಿಧಾನ ನೀಡಲಾಗಿದೆ. ಈ ಅಡುಗೆ ಟ್ರೈ ಮಾಡಿ, ಈ ಚಟ್ನಿ ರುಚಿ ನಿಮಗೆ ಇಷ್ಟವಾಯಿತೇ ಎಂದು ತಿಳಿಸಿ.

ಬೇಕಾಗುವ ಪದಾರ್ಥಗಳು:
* ಸಿಪ್ಪೆ ತೆಗೆಯದ ಹೀರೇಕಾಯಿ 1 ಕಪ್
* ಹಸಿಮೆಣಸಿನಕಾಯಿ 5
* ತುಂಡು ಬೆಲ್ಲ, ಹುಣಸೆಹಣ್ಣು
* ರುಚಿಗೆ ಉಪ್ಪು
* ಒಗ್ಗರಣೆಗೆ: ಎಣ್ಣೆ, ಸಾಸಿವೆ, ಕರಿಬೇವು, ಕಡಲೆಬೇಳೆ

ಮಾಡುವ ವಿಧಾನ:

1. ಹೀರೇಕಾಯಿ ಚೆನ್ನಾಗಿ ತೊಳೆದು ಹೀರೆಕಾಯಿಯ ಚೂಪಾದ ತುದಿಗಳನ್ನು ಚಾಕುವಿನಿಂದ ತೆಗೆಯಬೇಕು.

2. ನಂತರ ಸಣ್ಣ ಹೋಳುಗಳನ್ನಾಗಿ ಕತ್ತರಿಸಿ (ಕಾಯಿ ಬಲಿತಿದ್ದರೆ ಮಾತ್ರ ಬೀಜ ಮತ್ತು ಬಿಳಿಯಾದ ಅಂಶವನ್ನು ತೆಗೆದುಹಾಕಬೇಕು).

3. ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಹುರಿಯಬೇಕು.

4. ಈಗ, ಹೀರೇಕಾಯಿ, ಹಸಿಮೆಣಸಿನಕಾಯಿ, ತುಂಡು ಬೆಲ್ಲ, ಹುಣಸೆ ಹಣ್ಣು, ರುಚಿಗೆ ತಕ್ಕ ಉಪ್ಪು ಹಾಕಿ ಅರೆಯಬೇಕು.

5. ನಂತರ ಹೀರೇಕಾಯಿ ಚಟ್ನಿಗೆ ಸಾಸಿವೆ, ಕರಿಬೇವು, ಕಡಲೆ ಬೇಳೆ ಹಾಕಿ ಒಗ್ಗರಣೆ ಮಾಡಿದರೆ ರುಚಿಕರವಾದ ಹೀರೇಕಾಯಿ ಚಟ್ನಿ ರೆಡಿ.