ತಿಂಡಿಯ ರುಚಿ ಹೆಚ್ಚಿಸುವ ಸಾಸಿವೆ ಸಾಸ್

ಟೊಮೆಟೊ ಸಾಸ್, ಹಸಿಮೆಣಸಿನಕಾಯಿ ಸಾಸ್ ಹೀಗೆ ಸಾಸ್ ಇದ್ದರೆ ಕಟ್ಲೇಟ್, ಸಮೋಸದಂತಹ ತಿಂಡಿ ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ಹೀಗೆ ತಿಂಡಿ ರುಚಿ ಹೆಚ್ಚಿಸುವಲ್ಲಿ ಸಾಸಿವೆ ಸಾಸ್ ಕೂಡ ಸಹಕಾರಿಯಾಗಿದೆ. ಇವತ್ತು ನಾವು ಸಾಸಿವೆ ಸಾಸ್ ಮಾಡುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:

* 7 ಚಮಚ ಬೆಣ್ಣೆ
* 3 ಚಮಚ ಮೈದಾ
* 1 ಕಪ್ ಬಿಸಿ ನೀರು
* 2 ಚಮಚ ಸಕ್ಕರೆ
* 6 ಚಮಚ ವಿನಿಗರ್
* 9 ಚಮಚ ಸಾಸಿವೆ ಪುಡಿ
* 1/4 ಚಮಚ ಕೆಂಪು ಮೆಣಸಿನ ಕಾಯಿ ಪುಡಿ
* 1/2 ಚಮಚ ಉಪ್ಪು

ಸಾಸಿವೆ ಸಾಸ್ ಮಾಡುವ ವಿಧಾನ:

1. ಬೆಣ್ಣೆಯನ್ನು ಕರಗಿಸಿ ಮೈದಾ ಜೊತೆ ಮಿಶ್ರ ಮಾಡಬೇಕು. ಕಂದು ಬಣ್ಣಕ್ಕೆ ಬರದಂತೆ ತಿರುಗಿಸುತ್ತಾ ಬೇಯಿಸಬೇಕು.

2. ನೀರನ್ನು ಸೇರಿಸುತ್ತಾ ಮಿಶ್ರಣ ಗಟ್ಟಿಯಾಗುವವರರೆಗೆ ತಿರುಗಿಸಬೇಕು.

3. ಈಗ ಸಾಸಿವೆ, ವಿನಿಗರ್, ಉಪ್ಪು, ಕೆಂಪು ಮೆಣಸಿನ ಪುಡಿ, ಸಕ್ಕರೆಯನ್ನು ಮೈದಾಕ್ಕೆ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

4. ಅದನ್ನು ಉರಿಯಿಂದ ಇಳಿಸಿ ತಣ್ಣಗಾದ ಮೇಲೆ ಗಾಜಿನ ಡಬ್ಬದಲ್ಲಿ ಹಾಕಿ ಶೇಖರಿಸಿಡಬಹುದು.